قازاقستاندا ەڭ تومەنگى جالاقى دەڭگەيىن ارتتىرۋ ماسەلەسى قايتا قارالۋى مۇمكىن. قۇرىلتايدان سوڭ وتكەن بريفينگتە ۇلتتىق ەكونوميكا ءبىرىنشى ۆيتسە-ءمينيسترى ازامات ءامرين باق وكىلدەرىنىڭ سۇراقتارىنا جاۋاپ بەردى.

جۋرناليستەر الداعى ءۇش جىلدا ەڭ تومەنگى جالاقى قازىرگى 85 مىڭ تەڭگە دەڭگەيىندە قالا ما دەپ سۇرادى. بۇعان دەيىن قازاقستاندا ەڭ تومەنگى جالاقىنى 150 مىڭ تەڭگەگە دەيىن كوتەرۋ مۇمكىندىگى قاراستىرىلىپ جاتقانى حابارلانعان ەدى.

«نەگىزىنەن ەسەپتەۋلەر بار. بۇل ماسەلەنى قۇرىلتايدا تالقىلايتىن بولامىز. قانداي شەشىم قابىلدانعانىن ايتامىز»، – دەيدى ءامرين.

قۇرىلتاي دەپۋتاتى تاتيانا ساۆەلەۆا 2027–2029 جىلدارعا ارنالعان رەسپۋبليكالىق بيۋدجەت تۋرالى زاڭ جوباسىنىڭ ءبىرىنشى وقىلىمى 14 قازاندا وتەتىنىن ايتادى.

ونىڭ سوزىنشە، ءبىرىنشى وقىلىمعا دەيىن رەسپۋبليكالىق بيۋدجەتتىڭ نەگىزگى پارامەترلەرى، ونىڭ ىشىندە كىرىستەر مەن شىعىستار قارالادى. ال ودان كەيىن سالىستىرمالى كەستەلەردى تالقىلاۋ جوسپارلانعان.

Abai.kz