بۇۇ ءباسپاسوزى حابارلاعانداي، 81-ءشى سەسسيا اپتالىعىندا ۇزىن-ىرعاسى 71 مەملەكەت باسشىسى، 45 ۇكىمەت باسشىسى، 50 مينيستر، 11 ۆيتسە-پرەزيدەنت جانە 1 حانزادا ءسوز سويلەيدى دەپ جوسپارلانعان.

بارلىعى 166 ءىس-شارا وتەدى دەپ جوسپارلانعان. ال مەملەكەتتەردەن ەكىجاقتى كەزدەسۋ وتكىزۋگە 1553 ءوتىنىم تۇسكەن. ال بۇگىن ترامپ، ەردوعاندار سويلەدى…

ترامپ نە دەدى؟

ۋكراينا تۋرالى: “ۋكراينا مەن رەسەي اراسىنداعى سوعىس جىلدام اياقتالۋى مۇمكىن. ءبىز سول ءۇشىن جۇمىس جاساپ جاتىرمىز. رەسەي جانە ۋكراينا باسشىلارىمەن سوعىستى اياقتاۋ بويىنشا كەلىسسوز جۇرگىزۋدەمىز”، - دەدى (بىراق سوعىستىق اياقتالۋى مەرزىمىن اتامادى).

يران تۋرالى: “اقش مۇددەسىنە زيانىن تيگىزەتىندەرگە اسكەري كۇش كورسەتۋگە دايىنبىز. ءبىز يرانعا بىرنەشە مارتە ۇسىنىس جاسادىق. ولار باس تارتتى. ەندى ءبىز يرانعا ەشقاشان يادرولىق قارۋعا يە بولۋىنا جول بەرمەيمىز. البەتتە، قاراشادا ارالىق سايلاۋ وتكەن سوڭ اقش يرانمەن تۇپكىلىكتى كەلىسىمگە كەلەدى دەپ سەنەمىن”، - دەدى.

ونان سوڭ اقش-تىڭ قۋاتى جايلى، ۆەنەسۋەلا مەن كۋبا جايلى ءبىراز كوسىلدى. ترامپ كۋبانى ىرەپ-سويىپ: “بۇل ءوزى بولماعىر، تولماعىر ەل”. ءتارتىپتى ءبىز ورناتامىز، جاقىندا. رۋبيو سوعان مىقتاپ كىرىستى، - دەپ جاتقاندا، كۋبانىڭ وكىلدەرى زالدان شىعىپ كەتتى…

ەردوعان نە دەدى؟

ەردوعان ۋكراينانى بۇۇ مىنبەرىنەن قولدادى. سوعىستىڭ تەزىرەك اياقتالۋىن تىلەپ، ۋكراينانىڭ تەرريتوريالىق تۇتاستىعىن قولدايتىنىن ايتتى.

ەردوعان ەكپىندەپ تۇرىپ ءيزرايلدى ايىپتادى. گازاداعى جاعدايدى “ادام توزگىسىز كونتسلاگەر” دەپ اتادى. سولتۇستىك كيپر تۇرىك مەملەكەتىن مويىنداۋعا شاقىردى. ال ەردوعان سويلەگەندە يزرايل دەلەگاتسياسى زالدان شىعىپ كەتتى…

جاپاروۆ نە دەدى؟

جاپاروۆ بۇۇ-نى رەفورمالاۋ بويىنشا ۇسىنىستار ايتتى. قاۋىپسىزدىك كەڭەسىنە افريكا قۇرلىعىنا 2, لاتىن امەريكاسىنا 1 تۇراقتى ماندات بەرۋدى ۇسىندى. سانكتسيا سالۋ قۇقىن تەك بۇۇ-عا بەرۋدى جانە بۇۇ رەزوليۋتسيالارىنىڭ ورىندالۋىن قاداعالاۋ مەزانيزمىن جاساۋدى ايتتى. “كەيبىر كۇشتىلەر وزدەرىنەن السىزدەرگە الىمجەتتىك جاساۋدا”، - دەپ سويلەدى.

ناۋسەدا نە دەدى؟

ليتۆا پرەزيدەنتى ناۋسەدا ءسوز سويلەدى. “ۋكراينا ءالى قاسقايىپ، باسقىنشىعا قارسى تۇرۋدا. ءتىلىن ساقتادى، ەگەمەندىگىن ساقتادى. ۇلتتىق بىرەگەيلىگىن ساقتادى. ال رەسەي وسى ۋاقىت ىشىندە از-مۇز جەردى العانىنا ءماز. بۇل سوعىستا رەسەي ءازىردىڭ وزىندە جەڭىلىس تاپتى”، - دەدى.

بۇۇ الاڭىندا بۇگىن زەلەنسكي مەن ترامپ جۇزبە-ءجۇز جولىعۋدا. قوس تاراپ باق الدىنا از عانا ۋاقىتقا شىعىپ، ءارى قاراي جابىق ەسىكتىڭ ارعى جاعىنا كەتتى.

ترامپ ۋكرايناداعى سوعىستى توقتاتۋ ماسەلەسى، ۋكرايناعا زىمىران شىعارۋ قۇقىر بەرۋ ماسەلەسى جايلى ايتتى. پۋتينمەن كەزدەسۋى مۇمكىن ەكەنىن جانە زەلەنسكيمەن جاقسى قارىم-قاتىناستا ەكەنىن ايتتى.

ال زەلەنسكي سوعىستى قىسقا دەيىن توقتاتۋعا نيەت ءبىلدىردى.

ايتپاقشى، بۇگىن ترامپ دانيا جانە گرەنلانيا باسشىلارىمەن كەلىسىمگە قول قويدى. ەندى اقش گرەنلانديانا 2 اسكەري بازا ورنالاستىراتىن بولدى!

ءبىرى - نارسارسۋاكتا قىرعي-قاباق سوعىسى كەزىندەگى بۇرىنعى بازان قالپىنا كەلتىرىلەتىن بولدى. 1950 جىلدارى نارسارسۋاكتا "Bluie West One" امەريكالىق بازاسى ورنالاسقان بولاتىن.

ەكىنشىسى - مەستەرسۆيگتە جاڭا بازا سالىناتىن بولدى. ال مەستەرسۆيگتە قازىرگى ۋاقىتتا ەلسىز ايماقتاردى پاترۋلدەيتىن دانيانىڭ "سيريۋس" ارنايى جاساعى ورنىققان.

Abai.kz