اقوردا اقپاراتى: مەملەكەت باسشىسىنىڭ وكىمىمەن قازاقستان رەسپۋبليكاسىنىڭ قورعانىس مينيسترلىگىندەگى ىستەردىڭ جاي-كۇيىنە كەشەندى تەكسەرۋ جۇرگىزۋ جونىندەگى كوميسسيا قۇرىلدى.

جارلىقتا: قورعانىس مينيسترلىگىندەگى ىستەردىڭ جاي-كۇيىنە، ونىڭ ىشىندە اسكەري قۇرىلىمداردى قارجىلىق جانە ماتەريالدىق-تەحنيكالىق قامتاماسىز ەتۋ سالاسىنداعى جاعدايعا كەشەندى تەكسەرۋ جۇرگىزىلەتىنى جازىلعان.

وسى كىسى قىزمەتىنەن الىنادى-اۋ: بۇل كىسى - قر قورعانىس ءمينيسترى - داۋرەن قوسانوۆ. اۆياتسيانىڭ گەنەرال-لەيتەنانتى. قورعانىس مينيسترلىگىن 2025 جىلدىڭ ماۋسىم ايىنان بەرى باسقارادى.

سىن: بۇل كىسى قىزمەتىنە كىرىسكەلى قوعامنىڭ سىنىنا 2 مارتە ۇشىرادى. ءبىرى - 2025 جىلى اسكەري بورىشىن وتەۋ كەزىندە ۇلدارى قازا تاپقان نەمەسە جاراقات العان ايەلدەردىڭ تالابى تۋرالى باق سۇراعىنا "بۇل اقپارات شىندىققا سايكەس كەلمەيدى" دەپ كۇلىپ جاۋاپ بەرگەن. ەكىنشىسى - كاسپيدەگى قايعىلى وقيعاعا قاتىستى سىن ايتىلۋدا.

ال كوميسسيا قۇرامىندا:

ايدا بالاەۆا – قازاقستان رەسپۋبليكاسى قاۋىپسىزدىك كەڭەسى توراعاسىنىڭ ورىنباسارى، كوميسسيا توراعاسى;

ءاليحان سمايىلوۆ – قازاقستان رەسپۋبليكاسى جوعارى اۋديتورلىق پالاتاسىنىڭ توراعاسى، كوميسسيا توراعاسىنىڭ ورىنباسارى;

ەرجان جيەنباەۆ – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى;

جانات ەليمانوۆ – قازاقستان رەسپۋبليكاسى قارجىلىق مونيتورينگ اگەنتتىگىنىڭ توراعاسى;

مۇرات بايمۇقاشەۆ – قازاقستان رەسپۋبليكاسى قاۋىپسىزدىك كەڭەسى اپپاراتىنىڭ باسشىسى;

ءمادي تاكيەۆ – قازاقستان رەسپۋبليكاسىنىڭ قارجى ءمينيسترى;

جاندوس ومىراليەۆ – قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى;

ءالي التىنباەۆ – قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ءبىرىنشى ورىنباسارى;

ازامات ءامرين – قازاقستان رەسپۋبليكاسىنىڭ ۇلتتىق ەكونوميكا ءبىرىنشى ۆيتسە-ءمينيسترى بار.

كوميسسيا جۇرگىزىلگەن جۇمىستىڭ العاشقى ناتيجەلەرى تۋرالى جەتى كۇن ىشىندە باياندالماق!

Abai.kz