باقىت نۇرمۇحانوۆ كونستيتۋتسيالىق سوت توراعاسىنىڭ ورىنباسارى بولدى، دەپ حابارلايدى اقوردانىڭ ءباسپاسوز قىزمەتى.

— مەملەكەت باسشىسىنىڭ جارلىعىمەن قازاقستان رەسپۋبليكاسى كونستيتۋتسيالىق سوتىنىڭ سۋدياسى باقىت ماراتۇلى نۇرمۇحانوۆ قازاقستان رەسپۋبليكاسى كونستيتۋتسيالىق سوت توراعاسىنىڭ ورىنباسارى لاۋازىمىنا تاعايىندالدى، — دەلىنگەن حابارلامادا.

باقىت ماراتۇلى 1979 جىلعى 13 مامىردا دۇنيەگە كەلگەن. شىعىس قازاقستان مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا 2000 جىلى بىتىرگەن. زاڭ عىلىمدارىنىڭ كانديداتى (2010).

ەڭبەك جولىن 2000 جىلى شىعىس قازاقستان مەملەكەتتىك ۋنيۆەرسيتەتى زاڭ فاكۋلتەتىنىڭ قىلمىستىق قۇقىق جانە قىلمىستىق پروتسەسس كافەدراسىنىڭ وقىتۋشىسى قىزمەتىنەن باستادى (2000–2003).

قازاقستان رەسپۋبليكاسى كونستيتۋتسيالىق كەڭەسى اپپاراتىنىڭ قۇقىقتىق بولىمىندە كونسۋلتانت، قۇقىقتىق قامتاماسىز ەتۋ ءبولىمىنىڭ باس ساراپشىسى، باس ساراپشى، باس كونسۋلتانت، قۇقىقتىق ساراپتاما ءبولىمىنىڭ تالداۋ جۇمىسى سەكتورىنىڭ مەڭگەرۋشىسى قىزمەتتەرىن اتقاردى (2003–2006).

كونستيتۋتسيالىق كەڭەس توراعاسىنىڭ كەڭەسشىسى (2006–2011), قۇقىقتىق ساراپتاما ءبولىمىنىڭ باسشىسى (2011–2017), كونستيتۋتسيالىق كەڭەس اپپاراتىنىڭ باسشىسى (2017–2022) قىزمەتتەرىن اتقاردى.

2008–2022 جىلدارى ەۋروپا كەڭەسىنىڭ قۇقىق ارقىلى دەموكراتيا جونىندەگى ەۋروپالىق كوميسسياسىمەن (ۆەنەتسيالىق كوميسسيا) بايلانىس جونىندەگى وفيتسەر قىزمەتىن قوسا اتقاردى.

قازاقستان رەسپۋبليكاسى كونستيتۋتسيالىق سوتىنىڭ سۋدياسى (01.01.2023 باستاپ، 23.09.2026 قايتا تاعايىندالدى).

2023 جىلعى 10 قاڭتاردان باستاپ قازاقستان رەسپۋبليكاسى كونستيتۋتسيالىق سوتى توراعاسىنىڭ ورىنباسارى.

Abai.kz