ازا تۇتۋ كۇنىنە بايلانىستى بەيادەپ سوزدەر ايتقان شىمكەنت تۇرعىنى اكىمشىلىك قاماۋعا الىندى.

«الەۋمەتتىك جەلىلەرگە جۇرگىزىلگەن مونيتورينگ بارىسىندا پوليتسيا قىزمەتكەرلەرى TikTok جەلىسىندەگى تىكەلەي ەفيردى انىقتادى. ترانسلياتسيا كەزىندە شىمكەنت قالاسىنىڭ 21 جاستاعى تۇرعىنى نۇراحمەت بەردىباي كورەرمەننىڭ ازا تۇتۋ كۇنىنە قاتىستى سۇراعىنا جاۋاپ بەرە وتىرىپ، قوعامدى ايقىن سىيلاماۋشىلىقتى بىلدىرەتىن جانە قوعامدىق ءتارتىپتى بۇزاتىن سوزدەر ايتقان. ەفيرگە سونداي-اق 22 جاستاعى ءابزال مۇسىرمانقۇل مەن باقداۋلەت مۇستافا دا قاتىسقان. سوت شەشىمىمەن نۇراحمەت بەردىباي 10 تاۋلىك مەرزىمگە اكىمشىلىك قاماۋعا الىندى»، – دەپ حابارلايدى دۇيسەنبى كۇنى ىشكى ىستەر مينيسترلىگىنىڭ ءباسپاسوز قىزمەتى.

بۇعان قوسا، پوليتسيانىڭ حابارلاۋىنشا، ۇشەۋىنە دە قوعامعا قارسى مىنەز-قۇلىققا جول بەرمەۋ تۋرالى رەسمي ەسكەرتۋ جاسالعان.

«ولار سونداي-اق ىشكى ىستەر ورگاندارىنا ءبىر اي مەرزىمگە پروفيلاكتيكالىق ەسەپكە قويىلدى»، – دەلىنگەن حابارلامادا.

بۇعان دەيىن شىمكەنت تۇرعىنى جالپىۇلتتىق ازا تۇتۋ كۇنىندەگى ءوزىن-ءوزى ۇستاۋىنا قاتىستى قويىلعان سۇراقتاردىڭ بىرىنە: «ازا تۇتۋ كۇنى؟ بايعۇستار ءبىز ءۇشىن ءولىپ پە ەدى؟»، – دەپ جاۋاپ بەرىپ، ءسوزىنىڭ سوڭىن بالاعات سوزدەرمەن اياقتاعان بولاتىن.

Abai.kz