الماتى مۋزەيىندە قازاقستاننىڭ حالىق جازۋشىسى، قازاقستاننىڭ ەڭبەك ەرى، اقىن ءارى قوعام قايراتكەرى ولجاس سۇلەيمەنوۆتىڭ 90 جىلدىق مەرەيتويىنا ارنالعان «تاۋلاردى الاسارتپاي، دالانى اسقاقتاتۋ…» اتتى كورمە اشىلدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

«الماتى مۋزەيىندە قازاقستاننىڭ حالىق جازۋشىسى، قازاقستاننىڭ ەڭبەك ەرى، اقىن، مەملەكەت جانە قوعام قايراتكەرى ولجاس سۇلەيمەنوۆتىڭ 90 جاسقا تولۋىنا وراي «تاۋلاردى الاسارتپاي، دالانى اسقاقتاتۋ…» كورمەسىنىڭ سالتاناتتى اشىلۋ ءراسىمى ءوتتى»، — دەلىنگەن حابارلامادا.

كورمەنى الماتى اكىمدىگىنىڭ قولداۋىمەن قالا مۋزەيلەرى بىرلەستىگى يۋنەسكو قامقورلىعىنداعى مادەنيەتتەردى جاقىنداستىرۋ حالىقارالىق ورتالىعىمەن بىرلەسە ۇيىمداستىردى.

ەكسپوزيتسيا ولجاس سۇلەيمەنوۆتىڭ شىعارماشىلىق جولى مەن قوعامدىق قىزمەتىن كەڭىنەن تانىستىرادى. ۇسىنىلعان جادىگەرلەردىڭ اراسىندا اقىننىڭ جەكە زاتتارى، قولجازبالارى، ماراپاتتارى، كىتاپتارى، ارحيۆتىك قۇجاتتارى مەن سيرەك كەزدەسەتىن فوتوسۋرەتتەرى بار.

Abai.kz