14 قازاقستاندىق سوعىس ايماعىنان ەلشىلىككە جەتكىزىلدى مە: ءسىم رەسمي مالىمدەمە جاسادى...

قازاقستان رەسپۋبليكاسى سىرتقى ىستەر مينيسترلىگى الەۋمەتتىك جەلىلەردە تاراعان 14 وتانداسىمىزدىڭ سوعىس ايماعىنان ەلشىلىككە جەتكىزىلگەنى تۋرالى اقپاراتتى رەسمي تۇردە تەرىسكە شىعاردى. بۇل تۋرالى ءسىم رەسمي وكىلى جانبولات ۇسەنوۆ مالىمدەدى.

بۇعان دەيىن جەلىدە 8 قازان كۇنى قازاقستان ازاماتتارى ەلىمىزدىڭ رەسەيدەگى ەلشىلىگىنە جەتكىزىلەدى دەگەن حابارلامالار تاراعان بولاتىن.

ۆەدومستۆو وكىلى بۇل مالىمەتتىڭ شىندىققا جاناسپايتىنىن اتاپ ءوتتى. سونىمەن قاتار ول وتانداستارىمىزدى ەلگە قايتارۋ بويىنشا رەسەي تاراپىمەن كەلىسسوزدەر ءالى دە جالعاسىپ جاتقانىن جانە بۇل ماسەلە مينيسترلىكتىڭ تۇراقتى باقىلاۋىندا تۇرعانىن ناقتىلادى.

Abai.kz