قازاقستان ساۋد ارابياسىنىڭ ازاماتتىق ينفراقۇرىلىمىنا جاسالعان شابۋىلداردى ايىپتادى.

قازاقستان ءسىم-ءنىڭ مالىمدەمەسى

قازاقستان رەسپۋبليكاسىنىڭ سىرتقى ىستەر مينيسترلىگى حۋسيت جاساقتارىنىڭ ساۋد ارابياسىنداعى ازاماتتىق ينفراقۇرىلىم نىساندارىنا جاساعان ءارى ادام شىعىنىنا اكەپ سوققان شابۋىلدارىن قاتاڭ ايىپتايدى.

مۇنداي شابۋىلدار حالىقارالىق قۇقىق نورمالارىن بۇزادى. ولارعا گۋمانيتارلىق تۇرعىدان جول بەرۋگە بولمايدى.

بۇل ارەكەتتەر يەمەندەگى احۋالدى تۇراقتاندىرۋ جونىندەگى كۇش-جىگەرگە نۇقسان كەلتىرىپ، قاقتىعىستى ساياسي جولمەن رەتتەۋگە كەدەرگى كەلتىرەدى.

شابۋىلداردى دەرەۋ توقتاتۋعا جانە داعدارىستى تەك ساياسي-ديپلوماتيالىق قۇرالدار ارقىلى شەشۋگە شاقىرامىز.

قازاقستان ساۋد ارابياسى كورولدىگىمەن ىنتىماقتاستىق تانىتىپ، ونىڭ بۇۇ جارعىسىنا سايكەس ءوز ەگەمەندىگى مەن قاۋىپسىزدىگىن قورعاۋعا قۇقىلى ەكەنىن راستايدى.

Abai.kz