توقاەۆ قازاقستاننىڭ اۆستريا، پاكىستان جانە ماروككوداعى ەلشىلەرىن اۋىستىردى. 

ەرمەك كوشەرباەۆ قازاقستاننىڭ اۆسترياداعى توتەنشە جانە وكىلەتتى ەلشىسى جانە ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى، ەركىن تۇقىموۆ پاكىستانداعى ەلشىسى بولىپ تاعايىندالدى. ال ساۋلەگۇل سايلاۋقىزى ماروككوداعى جانە قوسا اتقارۋ بويىنشا توگوداعى ەلشى قىزمەتتەرىنەن بوساتىلدى. بۇل تۋرالى اقوردانىڭ ءباسپاسوز قىزمەتى حابارلايدى.

«مەملەكەت باسشىسىنىڭ جارلىقتارىمەن:

ەرمەك بەدەلبايۇلى كوشەرباەۆ قازاقستان رەسپۋبليكاسىنىڭ اۆستريا رەسپۋبليكاسىنداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى بولىپ تاعايىندالدى;

ەركىن ۆاليتحانۇلى تۇقىموۆ قازاقستان رەسپۋبليكاسىنىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالىپ، بۇرىنعى اتقارعان لاۋازىمىنان بوساتىلدى»، – دەلىنگەن سەيسەنبىدە تارالعان حابارلامادا.

مەملەكەت باسشىسىنىڭ وزگە جارلىعىمەن ساۋلەگۇل سايلاۋقىزى قازاقستان رەسپۋبليكاسىنىڭ ماروككو كورولدىگىندەگى توتەنشە جانە وكىلەتتى ەلشىسى جانە قوسا اتقارۋ بويىنشا توگو رەسپۋبليكاسىنداعى توتەنشە جانە وكىلەتتى ەلشىسى لاۋازىمدارىنان بوساتىلدى.

Abai.kz