فۋتبولدان قازاقستان رەسپۋبليكاسىنىڭ XVIII چەمپيوناتى جالاۋىن ءتۇسىردى. «اقتوبە» كومانداسى بىرىنشىلىكتىڭ اياقتالۋىنا ءبىر تۋر قالعاندا «توبىلدى» جەڭىپ، ءتورتىنشى رەت چەمپيوندىق ءتاجدى «كيدى». اقتوبە فۋتبولىنىڭ دامۋى ءۇشىن بارلىق جاعدايدى جاساپ، تەك ويناي بىلىڭدەر دەگەن وبلىس اكىمى ەلەۋسىن ساعىندىقوۆ بەرگەن تاپسىرما ۇدەسىنەن شىقتى. العاش 2005 جىلى چەمپيون اتانعانىمىزدا كەزدەيسوقتىق دەپ باعالاعان سىرت كوزدەر بولعان. قىزعانىش تا بار شىعار. بىراق وبلىس باسشىسىنىڭ تىكەلەي قولداۋىنىڭ ارقاسىندا كلۋب باسشىلارى مەن فۋتبولشىلار ەشقانداي الاڭسىز جەڭىسكە عانا ۇمتىلدى. 2006 جىلى كۇمىس مەدالدى يەلەندىك. ال 2007, 2008, 2009 جىلدارى ءۇش ماۋسىم قاتارىنان چەمپيوندىقتى ەشكىمگە بەرمەدىك. وتكەن جىلى قازاقستان رەسپۋبليكاسىنىڭ سۋپەركۋبوگىن، كۋبوكتى جەڭىپ الدىق. بيىل چەمپيوندار ليگاسىنىڭ ءتورتىنشى راۋندىنا دەيىن جەتتىك. وسىلايشا بەس جىل بويى تۇراقتى، ءبىر قالىپتى ويىن ورنەگىن كورسەتكەن جەرلەستەرىمىز باسقالاردى مويىنداتتى. تيتوۆ، تيحونوۆ سەكىلدى رەسەيدىڭ فۋتبول جۇلدىزدارىن شاقىرىپ، باسقا دا مىقتى ويىنشىلاردان جاساقتالعان استانانىڭ «لوكوموتيۆى» دە ءبىزدىڭ كوماندا الدىندا دارمەنسىزدىك تانىتتى. ءبىزدى ەجەلگى قارسىلاس «توبىل» دا توقتاتا المادى.

ارينە، بەس جىل بويى وسىنداي جەتىستىكتەرگە جەتتىك دەپ ءاربىر اقتوبەلىك ماقتانا الادى. ماقتانۋعا قۇقىلى دا. ال ءاربىر جەڭىس جولىندا قانشاما تەر، قانشاما ەڭبەك جاتىر.

فۋتبولدان قازاقستان رەسپۋبليكاسىنىڭ XVIII چەمپيوناتى جالاۋىن ءتۇسىردى. «اقتوبە» كومانداسى بىرىنشىلىكتىڭ اياقتالۋىنا ءبىر تۋر قالعاندا «توبىلدى» جەڭىپ، ءتورتىنشى رەت چەمپيوندىق ءتاجدى «كيدى». اقتوبە فۋتبولىنىڭ دامۋى ءۇشىن بارلىق جاعدايدى جاساپ، تەك ويناي بىلىڭدەر دەگەن وبلىس اكىمى ەلەۋسىن ساعىندىقوۆ بەرگەن تاپسىرما ۇدەسىنەن شىقتى. العاش 2005 جىلى چەمپيون اتانعانىمىزدا كەزدەيسوقتىق دەپ باعالاعان سىرت كوزدەر بولعان. قىزعانىش تا بار شىعار. بىراق وبلىس باسشىسىنىڭ تىكەلەي قولداۋىنىڭ ارقاسىندا كلۋب باسشىلارى مەن فۋتبولشىلار ەشقانداي الاڭسىز جەڭىسكە عانا ۇمتىلدى. 2006 جىلى كۇمىس مەدالدى يەلەندىك. ال 2007, 2008, 2009 جىلدارى ءۇش ماۋسىم قاتارىنان چەمپيوندىقتى ەشكىمگە بەرمەدىك. وتكەن جىلى قازاقستان رەسپۋبليكاسىنىڭ سۋپەركۋبوگىن، كۋبوكتى جەڭىپ الدىق. بيىل چەمپيوندار ليگاسىنىڭ ءتورتىنشى راۋندىنا دەيىن جەتتىك. وسىلايشا بەس جىل بويى تۇراقتى، ءبىر قالىپتى ويىن ورنەگىن كورسەتكەن جەرلەستەرىمىز باسقالاردى مويىنداتتى. تيتوۆ، تيحونوۆ سەكىلدى رەسەيدىڭ فۋتبول جۇلدىزدارىن شاقىرىپ، باسقا دا مىقتى ويىنشىلاردان جاساقتالعان استانانىڭ «لوكوموتيۆى» دە ءبىزدىڭ كوماندا الدىندا دارمەنسىزدىك تانىتتى. ءبىزدى ەجەلگى قارسىلاس «توبىل» دا توقتاتا المادى.

ارينە، بەس جىل بويى وسىنداي جەتىستىكتەرگە جەتتىك دەپ ءاربىر اقتوبەلىك ماقتانا الادى. ماقتانۋعا قۇقىلى دا. ال ءاربىر جەڭىس جولىندا قانشاما تەر، قانشاما ەڭبەك جاتىر.

چەمپيوناتتى بيىل دا ءساتتى اياقتاپ، جانكۇيەرلەرىن قۋانىشقا بولەگەن «اقتوبە» فۋتبول كلۋبىنىڭ باسشىلارى مەن فۋتبولشىلارىن اڭگىمەگە تارتتىق.

ساعات ەڭسەگەنۇلى، اقتوبە وبلىستىق فۋتبول فەدەراتسياسىنىڭ پرەزيدەنتى:

بىرىنشىدەن، كوپ نارسە باس باپكەرگە بايلانىستى. ۆلاديمير مۋحانوۆ تاجىريبەلى باپكەر ەكەنىن تاعى دا دالەلدەدى. كوماندانىڭ تىنىس-تىرشىلىگىن جەتە زەرتتەپ، جاقسى احۋال تۋعىزدى.

وسى جەردە ايتا كەتۋ كەرەك، ءبىزدىڭ كلۋبتا قاتاڭ ءتارتىپ جولعا قويىلعان. ءتارتىپسىز جەڭىسكە جەتۋ مۇمكىن ەمەس. ارينە، ماۋسىم ورتاسىندا «اتتەگەن-اي» دەگەن ساتتەر دە بولدى. بىراق بۇل ماسەلە كوماندادا قارالىپ، ويىنشىلارعا ءتيىستى نۇسقاۋلار بەرىلدى. ماۋسىم باستالعاننان ءبىرىنشى ورىندا كەلە جاتىپ، چەمپيوندىقتى باسقاعا بەرىپ قويۋ ەستەن كەتپەس وكىنىش بولار ەدى. وسىنى تۇسىنگەن ويىنشىلار ويىندى قولعا الدى.

وبلىس اكىمى ەلەۋسىن ساعىندىقوۆ بيىل دا چەمپيون بولۋ ماقساتىن العا قويعان ەدى. وبلىس باسشىسى كوماندا مۇشەلەرىمەن ۇنەمى كەزدەسىپ، جاعدايلارىن ءبىلىپ وتىردى. فۋتبولشىلار الدىندا قارىزدار بولماۋدى تالاپ ەتتى. جالاقى، سىياقى ۋاقىتىندا بەرىلىپ تۇردى. سوندىقتان كوماندا الاڭسىز وينادى. ماسەلەن، بىرقاتار كلۋبتار فۋتبولشىلارعا ءالى دە قارىزدارىن وتەي الماي وتىر.

تاعى دا ۆلاديمير مۋحانوۆقا كوپ-كوپ راقمەت ايتامىز. ول باپكەر رەتىندە فۋتبولشىلاردى ىرىكتەپ قانا قويماي، ولارمەن جۇمىس جۇرگىزە ءبىلدى. ءوزىنىڭ ناعىز باپكەر ەكەنىن كورسەتتى. ءسۇرىنىپ بارا جاتقان جاعدايدا ويىنشىلاردىڭ باسىن بىرىكتىرىپ، جەڭىسكە دەگەن جىگەردى جاني ءبىلدى. سونىڭ ناتيجەسىندە ەڭ قيىن ساتتە قاراعاندىدا جەرگىلىكتى «شاحتەر» كومانداسىن ۇتىپ، تىڭ سەرپىلىس جاسادى. سونىمەن قاتار، فۋتبول جانكۇيەرلەرىنە دەگەن العىسىمىز زور. ءتىپتى، سىرت الاڭدارداعى ويىندارعا دا مۇمكىندىك تاۋىپ، سۇيىكتى كومانداسىن قولداي ءبىلدى.

قينالدىق تا. وكىنگەن جەرلەرىمىز دە بولدى. ويتكەنى سپورتتىڭ اتى - سپورت. جەڭىس بار جەردە، جەڭىلىس تە بولادى. قاشىپ قۇتىلا المايسىڭ. مۇنداي جاعدايلارعا كەيبىر سەبەپتەر اسەر ەتتى. بيىلعى ماۋسىمعا دايىندىق وتكەن جىلدىڭ جەلتوقسانىندا باستالدى. سودان بەرى دەمالىسسىز جاسىل الاڭدا ءجۇردى. قاڭتاردا «دوستاستىق» كۋبوگى ءۇشىن كۇرەسىپ، ەكىنشى ورىندى يەلەندىك. 7 ناۋرىزدا ەل بىرىنشىلىگى باستالىپ، «قايسارمەن» وينادىق. ونىڭ ورتاسىندا قازاقستان كۋبوگى ءۇشىن ويىندار تاعى بار. ءبىزدىڭ فۋتبولشىلار چەمپيوندار ليگاسىندا ءۇش ەلدىڭ ۇزدىكتەرىمەن تىزە قاعىستىردى. فۋتبولشىلاردا تىنىم بولمادى. ونىڭ اراسىندا بىرىنشىلىكتىڭ كەيىنگە قالدىرىلعان بەس ماتچىن اپتاسىنا ەكى رەت ويناۋعا تۋرا كەلدى. مۇنىڭ ءبارى اۋىر عوي. ەندى قازاقستان كۋبوگى ءۇشىن جارىستى جالعاستىرامىز.

مىنە، فۋتبولمەن ماقتانا الاتىن دارەجەگە جەتتىك. ەندى جەرگىلىكتى فۋتبولدى دامىتۋ ماسەلەسىن قولعا الۋدامىز. اساۋ-باراق كوشەسىندە جاساندى فۋتبول الاڭى پايدالانۋعا بەرىلدى. №8 فۋتبولدان وليمپيادالىق رەزەرۆ دايارلايتىن وبلىستىق بالالار مەن جاسوسپىرىمدەر سپورت مەكتەبىنىڭ 3 مىڭ ورىندىق ستاديونىنىڭ قۇرىلىسى دا اياقتالىپ كەلەدى. باسقا دا جۇمىستار جۇرگىزىلۋدە. ءبارىن ءبىر كۇندە جاساۋ مۇمكىن ەمەس. ويتكەنى فۋتبولدى دامىتۋ ءىسى ۇزاق جىلدار بويى توقتاپ قالدى، سوڭعى 5 جىلدىڭ ىشىندە عوي قولعا الىنىپ جاتقانى.

ءسوزىمنىڭ سوڭىندا وبلىستىڭ بارلىق باق وكىلدەرىنە العىسىمىزدى بىلىدىرەمىن. جۋرناليستەر وزدەرىنىڭ ماتەريالدارىندا جەڭىسىمىزدى جەدەل جەتكىزىپ، ءسۇيىنشى سۇراپ كەلەدى.

ۆاسيلي يۋرچەنكو، «اقتوبە» فۋتبول كلۋبىنىڭ ديرەكتورى:

- ءبىزدىڭ كوماندا نەسىمەن كۇشتى؟ الدىمەن جەڭىسكە دەگەن ىنتاسى مىقتى. فۋتبولشىلارىمىزدىڭ ارقايسىسىنىڭ شەبەرلىگى ءوز الدىنا. ال تاتۋلىق، بىرلىك، ءبىرىن-ءبىرى الاڭدا دا، الاڭنان تىس كەزدە دە تۇسىنە ءبىلۋى - وتە كەرەكتى قاسيەت. جىگىتتەر جاۋاپكەرشىلىكتى سەزىنە ءبىلدى. بولاشاققا سەنىممەن قاراپ، قولدارىنان ءبارى كەلەتىنىن ىسپەن دالەلدەدى.

كوماندا ءۇشىن رەزەرۆ دايارلاۋ جۇمىسى دا جۇيەلى جۇرگىزىلۋدە. تۋعان جىلدارىنا قاراي بەس دايارلىق توبىمىز بار. ولار قازىردىڭ وزىندە وزدەرىنىڭ شەبەرلىكتەرىمەن كورىنىپ، «اقتوبەنىڭ» لايىقتى ءىزباسارلارى بولا الاتىندارىن كورسەتۋدە. ماسەلەن، بيىلعى جىلى 1996 جىلى تۋعان بالالار كومانداسى قازاقستان چەمپيونى اتاندى. 1994 جىلعىلار قازاقستان چەمپيوناتىنىڭ كۇمىس جۇلدەسىن جەڭىپ السا، 1995 جىلعىلار الدىڭعى تورتتىكتەن كورىندى. اعايىندى پروحنيتسكيلەر، ميحاليۋك، ساپاروۆ سەكىلدى باپكەرلەر جىل سايىن جەتىستىكتەرگە جەتىپ كەلەدى. بۇل كوماندالارداعى بالعىن فۋتبولشىلاردىڭ №8 بالالار مەن جاسوسپىرىمدەر سپورت مەكتەبىنەن شىققانىن ايتا كەتۋ كەرەك. بۇل مەكتەپتىڭ ءالى دە بەرەرى كوپ.

قازىرگى كەزدە تارازدا 1991-92 جىلدارى تۋعان جاستار اراسىندا ءوتىپ جاتقان ەل بىرىنشىلىگىندە باپكەر پريحنونىڭ شاكىرتتەرى جەڭىس جولىن جالعاستىرۋدا. ءوز توبىندا ءبىرىنشى ورىن الىپ، ەندى مەدالدى ساراپقا سالاتىن بولادى.

بيىلعى جىلى №8 بالالار مەن جاسوسپىرىمدەر سپورت مەكتەبىنىڭ تۇلەكتەرى قۇرماشەۆ پەن ليسەنكوۆ قازاقستان قۇراما كومانداسىنىڭ ساپىنا الىنىپ، وقۋ-جاتتىعۋ جيىنىندا ءجۇر. بۇل ەكەۋى جاسوسپىرىمدەر اراسىنداعى ەۋروپا چەمپيوناتىنىڭ ىرىكتەۋ ويىندارىنا قاتىساتىن بولادى. ءاربىر جاس ەرەكشەلىكتەرىنە قاراي كوماندالاردا تالانتتى ويىنشىلار بار، ءبىزدىڭ بولاشاعىمىز دا سولار بولماق.

كونستانين گولوۆسكوي، جارتىلاي قورعاۋشى:

- قازاقستان بىرىنشىلىگى قاي جىلى دا وڭاي سوقپايدى. ال چەمپيوناتتىڭ دەڭگەيى جىل سايىن وسە تۇسۋدە ەكەنىن ەسكەرسەك، التىن مەدال وڭايلىقپەن كەلمەيتىنىن تۇسىنەسىزدەر دەپ ويلايمىن. ماسەلەن، بيىل استانانىڭ «لوكوموتيۆى» قوسىلىپ، ازۋلى قارسىلاس بولدى. ويتكەنى كوماندادا شەبەر ويىنشىلار وتە كوپ.

ءبىز بيىل دا چەمپيون اتاندىق. وعان قول جەتكىزۋ وڭاي بولمادى. دەگەنمەن، جىگىتتەرىمىز ەرلەدى. مەنىڭشە، بۇل جەڭىس ءبىزدىڭ سەنىمدىلىگىمىزدى بارىنشا نىعايتا وتىرىپ، ءالى دە جاۋاپكەرشىلىكتى جۇكتەي تۇسەدى.

ماۋسىم باسىندا «شاحتەر»، «توبىل»، «لوكوموتيۆ» نەگىزگى قارسىلاس بولادى دەپ ەسەپتەدىك. شىنىمەن دە سولاي بولدى. الايدا «توبىل» چەمپيوناتتى ءساتسىز باستادى. «شاحتەر» كومانداسى دا بارىن سالدى. بىراق ءبىز جەڭىمپاز اتاندىق. جانكۇيەرلەردىڭ بارىنە شەكسىز ريزاشىلىعىمىزدى بىلدىرەمىز.

مۇرات تىلەشەۆ، شابۋىلشى:

- «اقتوبە» كومانداسىنىڭ ساپىندا قازاقستان چەمپيونى بولعانىمدى ماقتان ەتەمىن. كوماندا باسشىلىعىنىڭ جۇكتەگەن تاعى ءبىر مىندەتى بار. ول - قازاقستان كۋبوگىن جەڭىپ الۋ.

ءبىزدى ءار كەز جانكۇيەرلەر قولداپ وتىردى. مەن بۇعان دەيىن دە بىرنەشە كوماندادا ونەر كورسەتتىم. بىراق اقتوبەلىكتەردەي جانكۇيەرلەردى كورمەدىم. ويىن بارىسىندا جەڭىلىپ جاتساق تا، ءبىزدى قولداپ، «اقتوبە - چەمپيون!» دەپ دەم بەرەدى. ولاردىڭ وسىنداي قولداۋىن سەزىنگەندە بويىڭدا ءبىر كۇش پايدا بولاتىن سەكىلدى.

جانكۇيەرلەردىڭ ءبارى دە ءبىر چەمپيوناتتا 20 گول سوعىپ، مەرگەندەر كوشىنىڭ باسىنا شىعۋىممەن قۇتتىقتاپ جاتىر. بىراق بۇل سوعىلعان دوپتاردا كوماندانىڭ ءاربىر مۇشەسىنىڭ ۇلەسى بار دەپ بىلەمىن. مەن ءوزىمدى شىعارىپ بەرگەن دوپتى ورىنداۋشىمىن دەپ تۇسىنەمىن. شابۋىل وتىنە قويعاننان كەيىن ونى ورىنداۋعا ءتيىسپىن. سوندىقتان مەنى مەرگەن ەتىپ شىعارعان كوماندالاستارىما العىسىم ەرەكشە.

مارات حايرۋللين، جارتىلاي قورعاۋشى:

- بيىل دا بيىك مەجەدەن كورىندىك. وتە قۋانىشتىمىز. چەمپيونات اۋىر سوقتى. تىنىمسىز ەڭبەك ەتۋگە تۋرا كەلدى. ونى وزدەرىڭىز كورىپ جۇرسىزدەر. ءبىر ماۋسىمدا قانشاما ويىن وتكىزدىك. چەمپيوندار ليگاسىندا ونەر كورسەتتىك. ەۋروپالىقتارمەن ناشار وينادىق دەپ ايتا المايمىن. ءبارى دە تاجىريبەمەن كەلەدى عوي. قازىر قازاقستان فۋتبولى جاقسى قارقىنمەن دامۋدا دەپ ەسەپتەيمىن. بيىلعى بىرىنشىلىكتىڭ وتە تارتىستى ءوتۋى كوماندالارداعى شەبەرلىكتىڭ ارتا تۇسكەنىن كورسەتەدى.

مارات جۇماباەۆ، كلۋبتىڭ ءباسپاسوز حاتشىسى:

- وزىمە جۇكتەلگەن مىندەت بويىنشا بۇقارالىق اقپارات قۇرالدارى وكىلدەرىمەن، جانكۇيەرلەرمەن جۇمىس كەزىندە جەرلەستەرىمنىڭ فۋتبولدى بيىك قوياتىنىنا ءتانتى بولدىم. قالامداس ارىپتەستەرىم قاشان دا «اقتوبە» كومانداسىمەن بىرگە. ويىننىڭ قانداي ەسەپپەن اياقتالعانىنا قاراماستان، كوماندانى قولداپ، ءوز پىكىرلەرىن ءبىلىدىرىپ جاتادى. بارلىق باق وكىلدەرىنە، بارشا فۋتبول جانكۇيەرلەرىنە «اقتوبە» فۋتبول كلۋبىنىڭ ىستىق سالەمىن جەتكىزەمىن. «اقتوبە» - چەمپيون!».

قورىتىندى تۋرنير كەستەسى

كوماندا                                       ويىن  ۇتىس  تەڭ  جەڭىلىس  دوپ ايىرماسى ۇپاي

1. «اقتوبە» (اقتوبە)                    26       21                   2          3          65-19             65

2. «لوكوموتيۆ» (استانا)              26      20                   0          6          54-24             60

3. «شاحتەر» (قاراعاندى)             26      18                   3          5          50-18             57

4. «توبىل» (قوستاناي)                 26       14                   9          3          54-23             51

5. «جەتىسۋ» (تالدىقورعان)          26      13                   5          8          33-26             44

6. «اتىراۋ» (اتىراۋ)                  26        11                   7          8          37-29             40

7. «ورداباسى» (شىمكەنت)          26       10                   6          10       33-30             36

8. «تاراز» (تاراز)                       26         9                     6          11       37-36             33

9. «ەرتىس» (پاۆلودار)                 26        8                     5          13       24-31             29

10. «ۆوستوك» (وسكەمەن)               26        7                     5          14       32-56             23 *

12. «وقجەتپەس» (كوكشەتاۋ)        26        6                     4          16       22-48             22

11. «قازاقمىس» (ساتپاەۆ)          26       7                     3          16       32-61             21 *

13. «قايسار» (قىزىلوردا)         26        3                     5          18       15-45             14

14. «قىزىلجار» (پەتروپاۆل)     26      3                     4          19       14-56             6 *

ەسكەرتۋ: «ۆوستوك» جانە «قازاقمىس» كوماندالارىنان 3 ۇپايدان، «قىزىلجار» كومانداسىنان 7 ۇپاي شەگەرىلدى.

بيىلعى چەمپيوناتتىڭ مەرگەندەرى:

چەمپيونات قورىتىندىسىندا قارسىلاستار قاقپاسىنا ەڭ كوپ گول سوققان «اقتوبە» كومانداسى بولدى. ءبىزدىڭ مۇرات تىلەشەۆ 20 گول سوعىپ، ۇزدىك اتاندى. سونداي-اق «توبىلدىڭ» مەرگەنى ۆلاديمير بايراموۆ تا قارسىلاستار قاقپاسىنا وسىنشاما گول سوقتى. ەكەۋى دە ءبىر-ءبىر گولدى پەنالتيدەن ءدال كوزدەدى. كونستانتين گولوۆسكوي، سەرگەي سترۋكوۆ، سامات سماقوۆتار دا الدىڭعى لەكتەن كورىندى.

مۇرات تىلەشەۆ («اقتوبە») - 20 (1)

ۆلاديمير بايراموۆ («توبىل») - 20 (1)

دانيلو بەليچ («جەتىسۋ») - 14 (2)

اندرەي تيحونوۆ («لوكوموتيۆ») - 12 (5)

كونستانتين گولوۆسكوي («اقتوبە») - 11

سەرگەي كوستيۋك («شاحتەر») - 11 (2)

يۆان پەريچ («شاحتەر») - 10

گەيسار الەكپەرزادە («توبىل»/ «قازاقمىس») - 10 (2)

سەرگەي سترۋكوۆ («اقتوبە») - 9

ماكسيم شاتسكيح («لوكوموتيۆ») - 9

دميتري پارحاچەۆ («ورداباسى») - 9

دەنيس زۋبكو («اتىراۋ») - 9 (5)

نۇربول جۇماسقاليەۆ («توبىل») - 8

تەوفيك سالحي («ۆوستوك») - 8 (2)

سامات سماقوۆ («اقتوبە») - 8 (4)

«اقتوبە» گازەتى، 5 قاراشا 2009 جىل