بۇل – ءپۋتيننىڭ سوعىسى ەمەس، بۇل – رەسەيدىڭ سوعىسى!
گارري كاسپاروۆ:
– ەشقانداي ديكتاتور تەك اسكەري-ساياسي ەليتانىڭ عانا ەمەس، حالىقتىڭ دا ەداۋىر قولداۋىنا سۇيەنبەيىنشە، مۇنداي اۋقىمداعى سوعىستى جۇرگىزە الماس ەدى.
ءبىز تەك ءپۋتيننىڭ سوعىسىمەن بەتپە-بەت كەلىپ وتىرعان جوقپىز. بۇل – ءپۋتيننىڭ سوعىسى ەمەس، بۇل – رەسەيدىڭ سوعىسى. قانشالىقتى اۋىر تيسە دە ايتۋ كەرەك: پۋتينگە قولداۋ بار. ءتىپتى رەسەيلىك قوعامنىڭ باسىم بولىگى بۇل سوعىستى وزدەرىنىڭ دۇنيەتانىمىنا ساي كەلەدى دەپ سانايدى. بۇعان قوسا، سوعىس بۇعان دەيىن مۇنداي مۇمكىندىكتەن قاعىلىپ كەلگەن كوپتەگەن حالىققا بەلگىلى ءبىر ەكونوميكالىق جانە الەۋمەتتىك پايدا اكەلىپ وتىر.
ەگەر ءسىز بۇگىن رەسەي اۋماعىندا جۇرسەڭىز، وندا تۋرا نەمەسە جاناما تۇردە وسى باسقىنشىلىق قىلمىستىق سوعىسقا قاتىسىپ جاتىرسىز دەگەن ءسوز. ارينە، ول جاقتا ءتۇرلى ادامدار بار. سوعىسقا مۇلدەم قاتىسى جوق جاندار دا بار، بىراق ولاردىڭ ۇلەسى وتە از.
شىن مانىندە، بۇكىل رەسەي ەكونوميكاسى سوعىسقا باعىتتالعان. سودان بارىپ، سوعىسقا قارسى، پاراساتتى دەگەن ادامنىڭ ءوزى دە وسى ۇدەرىسكە ارالاسىپ كەتۋگە ءماجبۇر. ويتكەنى ادامعا ءومىر ءسۇرۋ، كۇن كورۋ، اقشا تابۋ كەرەك. سوندىقتان ونىڭ تىكەلەي نەمەسە جاناما تۇردە سوعىس يندۋسترياسىمەن بايلانىستى بولۋ ىقتيمالدىعى وتە جوعارى.
«راديو سۆوبودا-عا» بەرگەن سۇحباتىنان ءۇزىندى.
Abai.kz
