ورتالىق ازيا مەن اۋعانستانداعى جاسىرىن تەكەتىرەس

رەسەي ورتالىق ازيا مەن اۋعانستانداعى بۇرىنعى ىقپالىن قايتا قالپىنا تىرىسىپ جاتقانىمەن، ونىڭ امبيتسيالارى بۇل ايماقتا باستى ويىنشىعا اينالعان قىتايدىڭ مۇددەلەرىنە كەلىپ تىرەلىپ وتىر.

The National Interest باسىلىمىنىڭ ساراپتاماسىنا سۇيەنسەك، كرەملدىڭ جوسپارلارى كوبىنەسە بەيجىڭنىڭ رۇقساتى مەن كەلىسىمىنە باسىبايلى تاۋەلدى.

ماسكەۋدىڭ بەلسەندىلىگى: رەسەي بيلىگى اۋعانستانداعى ىقپالىن كۇشەيتۋ ءۇشىن ديپلوماتيالىق قادامدارعا بارۋدا. رەسەيدىڭ سىرتقى بارلاۋ قىزمەتىنىڭ باسشىسى سەرگەي نارىشكين كابۋلعا بارسا، سىرتقى ىستەر ءمينيسترى سەرگەي لاۆروۆ تەھەراندا بولىپ قايتتى.

ءتىپتى رەسەي 2025 جىلدىڭ شىلدەسىندە تالىبتەر ۇكىمەتىن العاشقىلاردىڭ ءبىرى بولىپ رەسمي مويىنداپ، اسكەري-تەحنيكالىق ىنتىماقتاستىق تۋرالى كەلىسىمگە قول قويدى.

قىتايدىڭ مۇددەسى: ماسكەۋدىڭ باستى كولىك جوباسى — وزبەكستان مەن اۋعانستان ارقىلى پاكىستانعا وتەتىن قۇنى 8,2 ميلليارد دوللارلىق تەمىرجول قۇرىلىسى. الايدا قىتاي ءوز تاراپىنان ونداعان ميلليارد دوللارلىق قىتاي-پاكىستان ەكونوميكالىق ءدالىزىن دامىتىپ جاتقاندىقتان، رەسەيدىڭ جەكە جولىن قارجىلاندىرۋعا مۇددەلى ەمەس. بەيجىڭسىز بۇل جوبانى ىسكە اسىرۋ مۇمكىن ەمەس دەرلىك كۇيدە.

بەيجىڭنىڭ ۇستەمدىگى: ساراپشىلار ەلدانيز گۋسەينوۆ پەن ەندريۋ كۋچينستىڭ پىكىرىنشە، رەسەيدىڭ ايماقتاعى باستى دەلدال نەمەسە قوجايىن بولۋعا تىرىسۋى شىنايى جاعدايعا مۇلدە ۇيلەسپەيدى. اقش كەتكەننەن كەيىن ايماقتاعى ەڭ قۋاتتى سىرتقى كۇش — تولىقتاي قىتاي بولىپ قالدى.

كرەملگە قالعان مۇمكىندىكتەر: اۋعانستانداعى اۋقىمدى گەوساياسي قايتا ورالۋدىڭ ورنىنا، رەسەي ءۇشىن ەڭ ءتيىمدى ءارى سەنىمدى سالالار — بۇل بارلاۋ سالاسىنداعى ىنتىماقتاستىق، تەرروريزممەن كۇرەس جانە شەكتەۋلى ساۋدا-ساتتىق قانا.

ورتالىق ازيا مەن اۋعانستان باعىتىنداعى بۇل تارتىس رەسەيدىڭ ايماقتاعى ءرولى بىرتىندەپ تارىنىڭ قاۋىزىنداي قۋسىرىلىپ شەكتەلىپ جاتقانىن ايقىن كورسەتۋدە...

Abai.kz