اراب بانكى قازاقستاندىقتارعا نەسيە بەرە باستايدى
ءباا-ءنىڭ ADCB بانكىنىڭ قازاقستانداعى ەنشىلەس كومپانياسى امبەباپ بانكتىك ليتسەنزيا الدى. بۇعان دەيىن بانك ەلىمىزدە تەك يسلام بانكى رەتىندە جۇمىس ىستەسە، ەندى ءداستۇرلى بانكتىك وپەراتسيالاردىڭ بارلىعىن جۇزەگە اسىرا الادى.
قازاقستان قارجىگەرلەرىنىڭ كونگرەسىندە بانككە جاڭا ليتسەنزيا تابىستالدى. يسلامدىق قارجىلاندىرۋ قىزمەتى بۇرىنعىداي «يسلامدىق تەرەزە» ارقىلى ۇسىنىلادى، ياعني ءداستۇرلى بانك قۇرىلىمىنداعى جەكە بولىمشە وسى باعىتقا جاۋاپ بەرەدى. بۇل تۋرالى National Business Kazakhstan جازدى.
– ADCB-گە جاڭا ليتسەنزيا بەرۋ ەلىمىزگە شەتەلدىك بانكتەردى تارتۋعا، باسەكەنى كۇشەيتۋگە جانە ەكونوميكانىڭ ناقتى سەكتورىن نەسيەلەۋ كولەمىن ارتتىرۋعا مۇمكىندىك بەرەدى، – دەدى قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا.
ونىڭ ايتۋىنشا، بانك ءىرى ينۆەستيتسيالىق جوبالاردى قارجىلاندىرۋعا دا قاجەت.
Abai.kz