سەيسەنبى, 17 قاراشا 2026
96 0 پىكىر 17 قاراشا, 2026 ساعات 17:35

جەتىسۋ وبلىسىندا ونەركاسىپتىڭ جالپى كولەمىندەگى وڭدەۋ ونەركاسىبىنىڭ ۇلەسى – 73%

سۋرەت: gov.kz سايتىنان الىندى

جەتىسۋ وبلىسىندا وتاندىق ءوندىرىستى دامىتۋ باعىتىندا شارالار تۇراقتى جۇرگىزىلىپ كەلەدى. سونىڭ ىشىندە مەملەكەتتىك باعدارلامالار اياسىندا جەڭىلدەتىلگەن نەسيەلەر مەن سۋبسيديا بەرۋ تۇرىندەگى قارجىلاي قولداۋ جانەينفراقۇرىلىمدىق قولداۋ شارالارى بار. سونىڭ ناتيجەسىندە بيىلدىڭ 10 ايىندا وبلىستىڭ ونەركاسىپتىك ءوندىرىس كولەمى 414,7 ملرد تەڭگەنى قۇراپ، وڭدەۋ ونەركاسىبىندە 304,2 ملرد تەڭگەگە ءونىم ءوندىرىلدى.

وبلىستىق كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ مالىمەتىنشە، ونەركاسىپتىڭ جالپى كولەمىندەگى وڭدەۋ ونەركاسىبىنىڭ ۇلەسى – 73%. وسى جىلى مەملەكەتتىك باعدارلامالار اياسىندا 17وڭدەۋشى كاسىپورىنعا قارجىلىق قولداۋ كورسەتىلگەن.

«ورلەۋ» باعدارلاماسى بويىنشا 7جوباعا 4 ملرد تەڭگە نەسيە بەرىلسە، «دامۋ» قورى ارقىلى «ىسكەر ايماق»باعدارلاماسى اياسىندا شاعىن بيزنەستە9 جوباعا بەرىلگەن نەسيەنىڭ پايىزدىق مولشەرلەمەسى سۋبسيديالاندى. سونداي-اق ينفراقۇرىلىمدىق قولداۋ اياسىندا جەرگىلىكتى بيۋدجەت قاراجاتى ەسەبىنەن كوكسۋ اۋدانىنداعى ماي زاۋىتىنا كارىز جەلىسى تارتىلدى. سونىمەن قاتار ونەركاسىپ سالاسىندا وسى جىلدىڭ سوڭىنا دەيىن جالپى قۇنى 47,9 ملرد تەڭگەنى قۇرايتىن، 77 جۇمىس ورنىن اشىلاتىن 5 ينۆەستيتسيالىق جوبانى ىسكە اسىرۋ جوسپارلانىپ وتىر. وتاندىق وندىرۋشىلەردى قولداۋ جۇمىستارى بۇدان بىلاي دا جالعاسادى، - دەدى باسقارما باسشىسى سەرىك سابەتايۇلى.

سونىمەن قاتار بيىلعى جىلى اگروونەركاسىپتىك كەشەندى قولداۋعا 69 ملرد تەڭگە، ونىڭ ىشىندە سۋبسيديالاۋعا 27,1 ملرد تەڭگە قاراستىرىلعان. اتاپ ايتقاندا «اۋىل اماناتى» باعدارلاماسى بويىنشا 175 ءوتىنىم ماقۇلدانىپ، قارجىلاندىرىلدى، سونداي-اق 46 كووپەراتيۆ قۇرىلدى. وعان قوسا اگروونەركاسىپتىك كەشەندەگى قۇس فابريكاسىن، قۇراما جەم تسەحىن جانە ينكۋباتسيالىق كەشەن سالۋينۆەستيتسيالىق جوبالارىنا نەسيە بەرۋگە قارجى ءبولىندى. تاعى ءبىر اتاپ وتەرلىگى، «قازاگروقارجى» اق ارقىلى 355 بىرلىك تەحنيكا ساتىپ الىندى.

جالپى، جەتىسۋ وبلىسىندا 637ونەركاسىپتىك كاسىپورىن جۇمىس ىستەيدى، سونىڭ 14-ءى ءىرى، 13-ءى ورتا كاسىپورىن. ونەركاسىپ سالاسىندا 22 مىڭ ادام جۇمىس ىستەيدى.

Abai.kz

0 پىكىر