بەيسەنبى, 19 قاراشا 2026
جاڭالىقتار 104 0 پىكىر 19 قاراشا, 2026 ساعات 15:49

سپورت: ءار بالاعا 415 مىڭ تەڭگەگە دەيىن بولىنەدى

سۋرەت: inbusiness.kz سايتىنان الىندى.

قازاقستاندا سپورت مەكتەپتەرىندەگى ءبىر بالانى دايارلاۋعا بولىنەتىن قارجى 233 مىڭنان 415 مىڭ تەڭگەگە دەيىن ۇلعايدى. بۇل تۋرالى تۋريزم جانە سپورت ءمينيسترى ەربول مىرزابوسىنوۆ مالىمدەدى.

نە وزگەرەدى؟

بۇرىن سپورت مەكتەپتەرىنە قارجى جالپى سمەتا بويىنشا بولىنسە، ەندى ءار بالاعا جەكە قاراجات قاراستىرىلادى.

اقشا جاتتىعۋلارعا، جارىستارعا جانە وقۋ-جاتتىعۋ جيىندارىنا جۇمسالادى.

قاراجاتتىڭ قالاي پايدالانىلعانى e-Sport پلاتفورماسى ارقىلى باقىلانادى. 2025–2028 جىلدارعا 76,7 ملرد تەڭگە قاراستىرىلعان.

سونداي-اق جاتتىقتىرۋشى-وقىتۋشىلارعا كاسىبي شەبەرلىگى ءۇشىن 30% قوسىمشا اقى بەلگىلەندى. ءمينيستردىڭ ايتۋىنشا، لەگيونەرلەردى بيۋدجەت ەسەبىنەن قارجىلاندىرۋعا تىيىم سالۋ ناتيجەسىندە بيىل 8 ملرد تەڭگەدەن استام قارجى ۇنەمدەلگەن. ونى بالالار سپورتى مەن ينفراقۇرىلىمدى دامىتۋعا باعىتتاۋ جوسپارلانىپ وتىر.

Abai.kz

0 پىكىر