اقتوبە. 21 مامىر. قازتاگ – وزبەكستاندا ۇستالعان اقتوبەلىكتەردىڭ تۋىستارى تۋعاندارىنىڭ تاعدىرىنا الاڭداپ، تاعى دا ايماق باسشىسىنان كومەك سۇرادى.
ءساۋىر ايىندا وتكەن كەزدەسۋدە ۇستالعانداردىڭ تۋىستارى وبلىس اكىمى ەلەۋسىن ساعىندىقوۆتان ادامداردى ەلگە قايتارۋعا كومەك سۇراعان بولاتىن. ايماق باسشىسى بۇل ءۇشىن قولدان كەلگەن شارالاردى قابىلداۋعا تىرىستى. سونىڭ ىشىندە، قازاقستاننىڭ وزبەكستانداعى ەلشىسى زاۋىتبەك تۋرىسبەكوۆپەن بايلانىس ورناتىلدى. قازاقستاننىڭ سىرتقى ىستەر مينيسترلىگىندە وسى جاعدايدى رەتتەۋ بويىنشا كوميسسيا قۇرىلدى، ونى ءبىرىنشى ۆيتسە-مينيستر نۇرتاي ابىقاەۆ باسقارادى.
جينالعانداردى تىڭداعان ە. ساعىندىقوۆ ۇستالعانداردىڭ تۋىستارىن تىنىشتاندىرىپ، جاعدايدىڭ ءوربۋىن كۇندەلىكتى تۇردە ءبىلىپ وتىرعانىن جانە ونىڭ وڭ شەشىلۋى ءۇشىن شارالار قابىلداپ جاتقانىن اتاپ كورسەتتى.
وتكەن اپتادا استانادا بولعان ول وسى ماسەلە بويىنشا سىرتقى ىستەر ءمينيسترى مارات تاجينمەن جانە ەلشى ز. تۇرىسبەكوۆپەن كەزدەستى.
«ولار جاعدايدى باقىلاپ، وزدەرىنە بايلانىستى شارالاردى قولعا الىپ جاتىر. سونىمەن قاتار، ۆەدومستۆوارالىق كوميسسيا قۇرىلدى. سونداي-اق، بۇل ماسەلەنى شەشۋگە ادام قۇقىقتارىن قورعاۋ جونىندەگى حالىقارالىق ۇيىمدار تارتىلادى. قازاقستاننىڭ وزبەكستانداعى ەلشىسىنىڭ ايتۋىنشا، قاماۋعا الىنعان اقتوبەلىك ازاماتتاردىڭ دەنساۋلىقتارى الاڭداۋشىلىق تۋعىزبايدى. وبلىستىڭ قۇقىق قورعاۋ ورگاندارى وزبەك جاعىنا وسى ءىستىڭ ۇيىمداستىرۋشىلارى تۋرالى ماتەريالداردى جولدادى»، - دەدى ە. ساعىندىقوۆ.

اقتوبە. 21 مامىر. قازتاگ – وزبەكستاندا ۇستالعان اقتوبەلىكتەردىڭ تۋىستارى تۋعاندارىنىڭ تاعدىرىنا الاڭداپ، تاعى دا ايماق باسشىسىنان كومەك سۇرادى.
ءساۋىر ايىندا وتكەن كەزدەسۋدە ۇستالعانداردىڭ تۋىستارى وبلىس اكىمى ەلەۋسىن ساعىندىقوۆتان ادامداردى ەلگە قايتارۋعا كومەك سۇراعان بولاتىن. ايماق باسشىسى بۇل ءۇشىن قولدان كەلگەن شارالاردى قابىلداۋعا تىرىستى. سونىڭ ىشىندە، قازاقستاننىڭ وزبەكستانداعى ەلشىسى زاۋىتبەك تۋرىسبەكوۆپەن بايلانىس ورناتىلدى. قازاقستاننىڭ سىرتقى ىستەر مينيسترلىگىندە وسى جاعدايدى رەتتەۋ بويىنشا كوميسسيا قۇرىلدى، ونى ءبىرىنشى ۆيتسە-مينيستر نۇرتاي ابىقاەۆ باسقارادى.
جينالعانداردى تىڭداعان ە. ساعىندىقوۆ ۇستالعانداردىڭ تۋىستارىن تىنىشتاندىرىپ، جاعدايدىڭ ءوربۋىن كۇندەلىكتى تۇردە ءبىلىپ وتىرعانىن جانە ونىڭ وڭ شەشىلۋى ءۇشىن شارالار قابىلداپ جاتقانىن اتاپ كورسەتتى.
وتكەن اپتادا استانادا بولعان ول وسى ماسەلە بويىنشا سىرتقى ىستەر ءمينيسترى مارات تاجينمەن جانە ەلشى ز. تۇرىسبەكوۆپەن كەزدەستى.
«ولار جاعدايدى باقىلاپ، وزدەرىنە بايلانىستى شارالاردى قولعا الىپ جاتىر. سونىمەن قاتار، ۆەدومستۆوارالىق كوميسسيا قۇرىلدى. سونداي-اق، بۇل ماسەلەنى شەشۋگە ادام قۇقىقتارىن قورعاۋ جونىندەگى حالىقارالىق ۇيىمدار تارتىلادى. قازاقستاننىڭ وزبەكستانداعى ەلشىسىنىڭ ايتۋىنشا، قاماۋعا الىنعان اقتوبەلىك ازاماتتاردىڭ دەنساۋلىقتارى الاڭداۋشىلىق تۋعىزبايدى. وبلىستىڭ قۇقىق قورعاۋ ورگاندارى وزبەك جاعىنا وسى ءىستىڭ ۇيىمداستىرۋشىلارى تۋرالى ماتەريالداردى جولدادى»، - دەدى ە. ساعىندىقوۆ.
وبلىس اكىمى ۇستالعان اقتوبەلىكتەردىڭ مۇقتاج وتباسىلارىنا ماتەريالدىق جانە وزگە دە قولداۋ كورسەتۋگە دايىن ەكەندىگىن ءبىلدىرىپ، «ولاردى شىدامدىلىق تانىتۋعا جانە ولاردى الاڭداتۋعا تىرىسقان ادامداردىڭ ىقپالىنا تۇسپەۋگە شاقىردى، ويتكەنى بۇل جەردە اڭگىمە حالىقارالىق قاتىناستار تۋرالى بولىپ وتىر».
بۇرىن حابارلانعانداي، قازاقستان مەن وزبەكستان اراسىندا كورشى مەملەكەتتىڭ اۋماعىندا قىلمىس جاساعان 27 قازاقستاندىقتى ەكستراديتسيالاۋ تۋرالى كەلىسسوزدەر جۇرگىزىپ جاتىر.
«قازىرگى ۋاقىتتا وزبەك جاعىمەن ءتيىستى كەلىسسوزدەر جۇرگىزىلىپ جاتىر. ءبىزدىڭ ازاماتتاردى قازاقستاندىق ادىلەت ورگاندارىنا تاپسىرۋ ماسەلەسى قويىلىپ وتىر. ەگەر ۋاعدالاستىقتارعا قول جەتكىزىلسە، ءبىزدىڭ ازاماتتار ەلىمىزدە قىلمىستىق سوت ءوندىرىسىنىڭ تارتىبىمەن تەرگەلەتىن بولادى»، - دەدى باس پروكۋراتۋرانىڭ رەسمي وكىلى ساپاربەك نۇرپەيىسوۆ.
بۇعان دەيىن، قازتاگ-قا قر سىرتقى ىستەر ءبىرىنشى ۆيتسە-ءمينيسترى نۇرتاي ابىقاەۆ حابارلاعانداي، وزبەكستاندا ۇستالعان قازاقستاندىقتار ءوز كىنالارىن مويىندادى. «مۇنداي ءىس بولعان سوڭ، ول جاقتا سوت وتكەنشە، ولاردى (وزبەكستاندا ۇستالعان قازاقستاندىقتاردى - قازتاگ) جىبەرمەيدى»، - دەدى ول.
26 اقپاندا ارال تەڭىزىنىڭ باتىس جاعالاۋىندا وزبەكستاندىق قۇقىق قورعاۋ ورگاندارى 27 قازاقستاندىق ازاماتتى ۇستاعان. «ولار مەملەكەتتىك شەكارانى بۇزدى جانە وزبەكستاندىق قۇقىق قورعاۋ ورگاندارىنىڭ پىكىرىنشە، وزبەكستان اۋماعىندا ساقتالىپ جاتقان گاز قۇبىرلارىن ۇرلاۋ ماقساتىمەن ەلگە كىرگەن. 8 شاقىرىمعا كىرگەن»، - دەپ تۇسىندىرگەن ەدى قازاقستاننىڭ تاشكەنتتەگى ەلشىلىگىنىڭ كونسۋلى بابىر داۋرەنبەك.