الماتى. 23 قاڭتار. قازتاگ – بانگكوكتا ەكيپاجىمەن تۇتقىندالعان يل-76 ۇشاعى شىمكەنت اۋەكومپانياسىنا تيەسىلى، دەپ Associated Press (ار) وقيعانى جەكە ءوزىنىڭ زەرتتەۋ قورىتىندىسىن جاريالادى.

«وتكەن ايدا، بولجام بويىنشا سولتۇستىك كورەيادان يرانعا قارۋ كونترابانداسىمەن اينالىسقان دەپ، تايلاندتا تۇتقىندالعان ۇشاق ءىزى، قازاق دالاسىنىڭ وڭتۇستىگىندەگى ەسكى كەڭەستىك اەرودرومنىڭ شەتىندە ورنالاسقان اۋە تاسىمالداۋمەن اينالىساتىن شاعىن كومپانياعا اكەلەدى»، - دەلىنگەن زەرتتەۋ ماتەريالىندا.  

«بانگكوكقا قونعان ۇشاقتى باسقارعان ەكيپاج باستىعى الەكساندر زىكوۆ تاركىلەنگەن 35 توننا قوپارىلعىش زاتتار مەن رەاكتيۆتى گراناتالارعا، «جەر-اۋا» كلاسىنداعى زىمىراندارعا جانە باسقا قارۋلارعا قاتىسىم جوق دەيدى»، - دەپ جازادى اگەنتتىك. 

«بىراق ەكيپاج وتباسى ەكيپاجدىڭ تۇرمەگە قامالاتىن كەزدە زىكوۆتىڭ اۋە تاسىمالداۋىمەن اينالىساتىن «East Wing» كومپانياسىنا جۇمىس ىستەگەنىن ايتادى. سونداي-اق زىكوۆقا جۇمىس ىستەگەن ەكيپاج مۇشەلەرى، ار اگەنتتىگىنە، ولار جۇكتەردى رەسەيدىڭ قيرايىن دەپ تۇرعان ۇشاقتارىمەن سۋدان مەن سومالي سىندا قاقتىعىس ايماقتارىنا تاسىعانىن ايتىپ بەردى. «كوپ جاعدايدا قانداي جۇك تاسىمالداپ جۇرگەنىمىزدى بىلمەيتىنبىز»، - دەپ ەكيپاجدىڭ ءتورت مۇشەسى ايتتى. ولاردىڭ ەكەۋى قولدان جاسالعان ۇشۋ قۇجاتتارى مەن كەدەندىك ەرەجەلەردەن جالتارىپ كەتۋ سۇلبالارى كەيدە قالاي پايدالانىلاتىنى تۋرالى ايتىپ بەردى»، - دەلىنگەن جاريالانعان اقپاراتتا.

الماتى. 23 قاڭتار. قازتاگ – بانگكوكتا ەكيپاجىمەن تۇتقىندالعان يل-76 ۇشاعى شىمكەنت اۋەكومپانياسىنا تيەسىلى، دەپ Associated Press (ار) وقيعانى جەكە ءوزىنىڭ زەرتتەۋ قورىتىندىسىن جاريالادى.

«وتكەن ايدا، بولجام بويىنشا سولتۇستىك كورەيادان يرانعا قارۋ كونترابانداسىمەن اينالىسقان دەپ، تايلاندتا تۇتقىندالعان ۇشاق ءىزى، قازاق دالاسىنىڭ وڭتۇستىگىندەگى ەسكى كەڭەستىك اەرودرومنىڭ شەتىندە ورنالاسقان اۋە تاسىمالداۋمەن اينالىساتىن شاعىن كومپانياعا اكەلەدى»، - دەلىنگەن زەرتتەۋ ماتەريالىندا.  

«بانگكوكقا قونعان ۇشاقتى باسقارعان ەكيپاج باستىعى الەكساندر زىكوۆ تاركىلەنگەن 35 توننا قوپارىلعىش زاتتار مەن رەاكتيۆتى گراناتالارعا، «جەر-اۋا» كلاسىنداعى زىمىراندارعا جانە باسقا قارۋلارعا قاتىسىم جوق دەيدى»، - دەپ جازادى اگەنتتىك. 

«بىراق ەكيپاج وتباسى ەكيپاجدىڭ تۇرمەگە قامالاتىن كەزدە زىكوۆتىڭ اۋە تاسىمالداۋىمەن اينالىساتىن «East Wing» كومپانياسىنا جۇمىس ىستەگەنىن ايتادى. سونداي-اق زىكوۆقا جۇمىس ىستەگەن ەكيپاج مۇشەلەرى، ار اگەنتتىگىنە، ولار جۇكتەردى رەسەيدىڭ قيرايىن دەپ تۇرعان ۇشاقتارىمەن سۋدان مەن سومالي سىندا قاقتىعىس ايماقتارىنا تاسىعانىن ايتىپ بەردى. «كوپ جاعدايدا قانداي جۇك تاسىمالداپ جۇرگەنىمىزدى بىلمەيتىنبىز»، - دەپ ەكيپاجدىڭ ءتورت مۇشەسى ايتتى. ولاردىڭ ەكەۋى قولدان جاسالعان ۇشۋ قۇجاتتارى مەن كەدەندىك ەرەجەلەردەن جالتارىپ كەتۋ سۇلبالارى كەيدە قالاي پايدالانىلاتىنى تۋرالى ايتىپ بەردى»، - دەلىنگەن جاريالانعان اقپاراتتا.

جاعدايعا الماتىدان تۇسىنىكتەمە بەرگەن زىكوۆ، 12-ءشى جەلتوقساندا قارۋدى تاركىلەگەن كەزدە، ۇشاق ەكيپاجى وعان جۇمىس ىستەمەگەنىن، ونىڭ الدىندا عانا ەكيپاجدىڭ بارلىق بەس مۇشەسى دە ەكى اپتالىق اقىسىز دەمالىسقا سۇرانىپ كەتكەنىن ايتتى. ول جانە ۇشاقتىڭ يەلەرى قاتارىندا ەسەپتەلەتىن ونىڭ ايەلى - سۆەتلانا زىكوۆا دا قارۋ تۋرالى بىلەتىندىكتەرىن تەرىسكە شىعاردى.

ار تىلشىسىنە ول : «وندا، بۇل ۇشۋعا تاپسىرما بەرگەندەردى ىزدەڭىزدەر»، - دەپ تەلەفون ترۋبكاسىن تاستاي سالدى.

وقيعا، بانگكوكتا بورىتندا قارۋى بار يل-76 ۇشاعى مەن ونىڭ ءتورت قازاقستاندىق جانە ءبىر بەلارۋستىق ەكيپاجىن قاماۋعا العان سوڭ جاريا بولدى.

ەكيپاجدىڭ بەسەۋىنە دە قارۋ تاسىمالداۋ بويىنشا ايىپ تاعىلىپ، قازىر ولار تەكسەرۋ اياقتالۋىن كۇتىپ، تاي تۇرمەلەرىندە وتىر.

ۇشاقتىڭ اقتىق قونۋ پۋنكتى رەتىندە تەھراننىڭ «مەحراباد» اۋەجايى كورسەتىلگەن. جۇك دەكلاراتسياسىندا تاسىمالدانعان جۇكتەر «مۇناي وندىرىسىنە قاجەت قوسالقى بولشەكتەر دەپ كورسەتىلگەن».. جۇكتەرگە جاۋاپتىلار - ۋكرايندىق «Aerotrack Ltd» كومپانياسى مەن كارىستەردىڭ پحەنيان ساۋدا كورپوراتسياسى دەپ كورسەتىلگەن.

ار مالىمەتتەرى بويىنشا، زىكوۆ شىمكەنتتە اتى اڭىزعا اينالعان - جەرگىلىكتى «جۇك» ماگناتى، وعان جۇمىس ىستەيتىندەردى قالادا «زىكوۆشىلار» دەپ اتايدى.

تۇتقىندالعانداردىڭ وتباسى مۇشەلەرىنىڭ ايتۋىنشا، ولار زىكوۆقا جۇمىس ىستەگەلى ون جىلداي بولدى، جانە بانگكوكقا ۇشۋ ءۇشىن جالداعان دا سول.

«East-Wing» قىزمەتكەرى پاۆەل موگيلەۆسكي، تايلاندتا تۇتقاندالعان ەكيپاج مۇشەلەرى كومپانيا قىزمەتكەرلەرى ەكەنىن ار-عا راستادى.

«يا، ولار ءبىزدىڭ جىگىتتەر. ولار بىزگە جۇمىس ىستەيتىن»، - دەدى ول اگەنتتىككە. ال ءدال وسى ۇشۋعا قاتىستى، ولار قوسىمشا جالاقىعا باسقا جۇمىس بەرۋشىمەن دە جۇمىس ىستەيتىن جانە ول جايلى بىزگە ايتپايتىن»، - دەدى ول. سونداي-اق ول «East-Wing» كومپانياسىنىڭ بۇل وقيعاعا قانداي دا قاتىسى بارلىعىن تەرىسكە شىعاردى.

زىكوۆتىڭ ايەلى دە ۇشاق بورتىندا قارۋ بولعانىن بىلەتىنىن تەرىسكە شىعاردى. ول: «ەگەر ءبىز بىلگەن بولساق، ءبىز ۇشاقتى ەشقاشان جالعا بەرمەس ەدىك»، - دەيدى.

شىمكەنتتە زىكوۆقا ۇزاق مەرزىم جۇمىس ىستەگەن ينجەنەر، تايلاندتا تۇتقاندالعان ادامدار زىكوۆتىڭ تۇراقتى ەكيپاجىنىڭ ءبىر بولىگى بولاتىن دەيدى. بىراق، ينجەنەردىڭ ايتۋىنشا، ەكيپاج مۇشەلەرى «East-Wing» كومپانياسىنىڭ ۇشۋلارىنىڭ اراسىندا ەركىن تۇردە باسقا دا جۇمىس بەرۋشىلەرگە قىزمەت كورسەتە الاتىن بولعان.

«سىزگە ۇشقانىڭىز ءۇشىن اقشا تولەيدى، جانە ءسىز قوراپتاردا نە بار دەپ سۇراق قويمايسىز»، - دەدى، جۇمىسىنان ايرىلىپ قالۋدان قورقىپ، ءوزىن تانىستىرماۋدى سۇراعان ينجەنەر.

زىكوۆقا تۇتقىندالعان ەكيپاج تۋىستارى تەلەفون شالىپ، تۇسىنىكتەمە بەرۋىن سۇراعاندا، ول بارلىق ماسەلەنى «SP Trading Ltd» يەسى لۋنەۆتەن سۇراڭىزدار دەپ كەڭەس بەرگەن.

كيەۆتە ار-گە بەرگەن سۇحباتىندا لۋنەۆ زىكوۆپەن كوپتەن جۇمىس ىستەگەنىن ايتىپ بەرىپ، ولار ءبىر-ءبىرىن جاقسى بىلەتىنىن راستاعان.

لۋنەۆ، ۇشاقتى جالعا الۋ تۋرالى كەلىسىمشارت تىزبەگى زىكوۆتار وتباسىن سولتۇستىك كورەيادان قارۋ تاسىعان ۇشاق جانە ەكيپاجبەن بايلانىستىراتىنىن مويىندادى، بىراق ول وسى تاسىمالداۋلارعا ولاردىڭ تىكەلەي قاتىسى بارلىعى مەن جاشىكتەردە نە بارلىعى تۋرالى بىلگەندىگىن تەرىسكە شىعاردى.  

لۋنەۆ قۇجاتتاردى جالعان تولتىرعانى مەن قارۋ-جاراق كونترابانداسىنا ارەكەتتەنگەنى ءۇشىن ۋكرايندىق «Aerotrack Ltd» كومپانياسىن ايىپتايدى. ونىڭ ايتۋىنشا، جۇكتى سوتۇستىك كورەيادان الىپ، بىرنەشە ايالداما جاساپ، ونىڭ ىشىندە بانگكوك پەن ال-فۋدجەيرادا ء(باا) توقتاعان سوڭ، كيەۆتەن تەھرانعا ۇشۋدى باقىلاۋ «Aerotrack Ltd» كومپانياسىنىڭ مىندەتى بولعان

بەلگيالىق «International Peace Information Service» تاۋەلسىز زەرتتەۋ ينستيتۋتىمەن  تىعىز قىزمەتتەس بولىپ جۇرگەن، قارۋ ساۋداسىنا قاتىستى ساراپشى برايان دجونسون-توماس ار-عا، زىكوۆتىڭ ەسىمى تىيىم سالىنعان ۇشۋلارعا قاتىستى بىرنەشە رەت اتالىپ وتىرعانىن ايتادى. 

بۇۇ قاۋىپسىزدىك كەڭەسىنىڭ ەسەبى بويىنشا 2006 جىلدىڭ قاراشاسىندا، زىكوۆتىڭ ايەلىنە تيەسىلى كومپانيا 2006 جىلىعى ليۆان سوعىسى كەزىندە، «حەزبوللا» جاساقتارىمەن بىرگە يزرايلگە قارسى سوعىسۋ ءۇشىن سوماليلىك ەرىكتىلەردى تاسىمالداۋعا ۇشاق بەرگەن. «ودان وزگە، ول سوماليلىك ەرىكتىلەردى ليۆيا مەن سيريادا وقىتۋعا تاسىمالداعان»، - دەيدى دجونسون-توماس.. ول، ەكى جاعدايدا دا – سوماليدەن ۇشۋ مەن تايلاندتاعى وقيعادا دا – ەرلى-زايىپتى زىكوۆتار، بالكىم، ولار ۇشاقتارىنىڭ قانداي ماقساتتا پايدالانىلىپ جۇرگەنىن بىمەگەن شىعار دەيدى. 

ءوز كەزەگىندە «ۆرەميا» گازەتى 2006 جىلى زىكوۆتىڭ GST كومپانياسى قازاقستان پرەزيدەنتىنىڭ ءىس باسقارۋىنداعى «بەركۋت» رمك-مەن ىنتىماقتاستىقتا بولعان دەپ جازعان. سونىمەن قاتار GST موگاديشوعا قارۋ اپارعانىندا بىرنەشە رەت كوزگە تۇسكەن. بىراق ولار وندا «بەركۋت» اۋەكومپانياسىنىڭ بورتتىق رامىزدەرىمەن بارعان.

بۇرىن حابارلانعانداي، بانگكوكتا 12-ءشى جەلتوقساندا بورتىندا 40 تونناعا جۋىق قارۋ-جاراعى بار يل-76 جۇك ۇشاعى ۇستالعان. ۇشاق كحدر-دان كەلە جاتىپ، جانارماي قۇيۋ ءۇشىن بانگكوكتىڭ دون مىانگ اۋەجايىندا قونۋعا رۇقسات سۇراعان.

يل-76 ەكيپاجىنىڭ بەس مۇشەسى  - قازاقستان ازاماتتارى - 53 جاستاعى الەكساندر زرىبنەۆ، 58 جاستاعى ۆيكتور ابدۋللاەۆ، 54 جاستاعى ۆيتالي شۋمكوۆ، 53 جاستاعى ءىلياس يساكوۆ جانە بەلارۋس ەلىنىڭ 54 جاستاعى ازاماتى ميحايل پەتۋحوۆ قاماۋعا الىندى.

باق-تاردىڭ حابارلاۋىنشا، ۇشاق ەكيپاجى كحدر-دان اكەلە جاتقان بورت جۇگىندە نە بارلىعىن بىلمەگەن.