«داريال-ۋ» ستانتسياسىندا قيراندىلار استىنان ءبىر ادامنىڭ ءولى دەنەسى تابىلدى، قالعان ەكەۋىن ىزدەستىرۋ جۇمىستارى جالعاسۋدا
قاراعاندى. 28 قاڭتار. قازتاگ – بۇرىنعى راديولوكاتسيالىق «داريال –ۋ» ستانتسياسىنىڭ قيراندىلارىنىڭ استىنان ءبىر ادامنىڭ ءولى دەنەسى تابىلدى، قالعان ەكەۋىن ىزدەستىرۋ جۇمىستارى جالعاسۋدا، دەپ حابارلادى قاراعاندى وبلىسىتىق تج دەپارتامەنتى. (تجد).
«بالقاش جاعالاۋىنداعى راديولوكاتسيالىق ستانتسيانىڭ قيراندىلارىنىڭ استىنان 13 ساعات 30 مينۋتتا وپات بولعانداردىڭ بىرەۋىنىڭ دەنەسى تابىلدى»، - دەدى تجد قىزمەتكەرى.
ول «شامامەن ولگەننىڭ كىم ەكەنىن انىقتادىق» دەگەنىمەن، ونىڭ اتى-ءجونىن اتامادى.
«تاعى ەكەۋىنىڭ دەنەلەرىن ىزدەستىرۋ جۇمىستارى جالعاسۋدا»، - دەيدى تجد وكىلى.
وقيعا ورنىندا بۇرىنعىسىنشا تج جويۋ شتابى، قۇتقارۋشىلاردىڭ كۇشەيتىلگەن بولىمشەسى، كينولوگتار مەن تەحنيكا جۇمىس ىستەپ جاتىر. ىزدەستىرۋ جۇمىستارىنا «قازاقمىس» كورپوراتسياسىنىڭ «بالقاشتسۆەتمەت» ءوب، «بالقاش نەدرا» جشس وكىلدەرى مەن جەرگىلىكتى تۇرعىن وكىلدەرى دە تارتىلعان.
قاراعاندى. 28 قاڭتار. قازتاگ – بۇرىنعى راديولوكاتسيالىق «داريال –ۋ» ستانتسياسىنىڭ قيراندىلارىنىڭ استىنان ءبىر ادامنىڭ ءولى دەنەسى تابىلدى، قالعان ەكەۋىن ىزدەستىرۋ جۇمىستارى جالعاسۋدا، دەپ حابارلادى قاراعاندى وبلىسىتىق تج دەپارتامەنتى. (تجد).
«بالقاش جاعالاۋىنداعى راديولوكاتسيالىق ستانتسيانىڭ قيراندىلارىنىڭ استىنان 13 ساعات 30 مينۋتتا وپات بولعانداردىڭ بىرەۋىنىڭ دەنەسى تابىلدى»، - دەدى تجد قىزمەتكەرى.
ول «شامامەن ولگەننىڭ كىم ەكەنىن انىقتادىق» دەگەنىمەن، ونىڭ اتى-ءجونىن اتامادى.
«تاعى ەكەۋىنىڭ دەنەلەرىن ىزدەستىرۋ جۇمىستارى جالعاسۋدا»، - دەيدى تجد وكىلى.
وقيعا ورنىندا بۇرىنعىسىنشا تج جويۋ شتابى، قۇتقارۋشىلاردىڭ كۇشەيتىلگەن بولىمشەسى، كينولوگتار مەن تەحنيكا جۇمىس ىستەپ جاتىر. ىزدەستىرۋ جۇمىستارىنا «قازاقمىس» كورپوراتسياسىنىڭ «بالقاشتسۆەتمەت» ءوب، «بالقاش نەدرا» جشس وكىلدەرى مەن جەرگىلىكتى تۇرعىن وكىلدەرى دە تارتىلعان.
ەسكە سالا كەتسەك، 22-ءشى قاڭتاردا بالقاش كولىنىڭ جاعاسىندا ورنالاسقان كەڭەستەر وداعىنان قالعان راديولوكاتسيالىق «داريال – ۋ» ستانتسياسى وپىرىلىپ قۇلاپ ءتۇستى. وقيعا ورنىنا كەلگەن قاراعاندى وبلىستىق تجد قىزمەتكرەلەرى انىقتاعانداي، اپات بولعان كەزدە ول جەردە بەس ادام ءوز بەتتەرىمەن مەتال سىنىقتارىن جيناۋ ءۇشىن، بۇزۋ جۇمىستارىمەن اينالىسىپ جاتقان. ولاردىڭ بىرەۋى اۋىر جاراقاتپەن اۋرۋحاناعا جەتكىزىلدى، بىرەۋىنىڭ دەنەسىن سول كۇنى تابىلدى، قالعاندارىن ىزدەستىرۋ جۇمىستارى ءالى جالعاسىپ جاتىر. ستانتسيانىڭ بيىكتىگى 18 قابات ۇيدەي، جەردەگى ەنى 60 مەتر، ال ۇزىندىعى 100 م بولاتىنىن ايتا كەتكەن ءجون. وپىرىلىپ قۇلاعان جەردىڭ جالپى اۋدانى 250 شارشى مەتردەي.
