استانا. 2 اقپان. قازتاگ – قازاقستان ۇكىمەتى الىس شەت ەلدەن ەت يمپورتىنا دەگەن كۆوتانى انىقتادى. ول قر پرەمەر-ءمينيسترى كارىم ءماسىموۆ 2009 جىلى 31-ءشى جەلتوقساندا قول قويىپ، سەيسەنبى كۇنى رەسمي باسىلىمداردا جاريالانعان «ەتتىڭ جەكەلەگەن تۇرلەرىنىڭ سىرتتان اكەلۋىنىڭ تاريفتىك كۆوتا كولەمىن ءبولۋ تۋرالى» قاۋلىسىمەن بەكىتىلدى.

قۇجاتتا ەۋرازيالىق ەكونوميكالىق قاۋىمداستىقتىڭ كەدەندىك وداق كوميسسياسىنىڭ 2009 جىلعى 27-ءشى قاراشاداعى №130 «بەلارۋس رەسپۋبليكاسى، قازاقستان رەسپۋبليكاسى مەن رەسەي رەسپۋبليكاسىنىڭ كەدەندىك وداعىنىڭ ءبىرتۇتاس كەدەندىك-تاريفتىك رەتتەۋ تۋرالى» شەشىمىنىڭ 9-شى تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. ۇسىنىلىپ وتىرعاندار بەكىتىلسىن: 1) تاريفتىك كۆوتا ەنگىزىلگەن ەتتىڭ جەكەلەگەن تۇرلەرىن شەتتەن اكەلۋدىڭ تاريفتىك كۆوتاسى; 2) تاۋەلسىز مەملەكەتتەر دوستاستىعى مەملەكەتتەرىنەن تىس ەلدەردەن قازاقستان رەسپۋبليكاسىنىڭ اۋماعىنا اكەلىنەتىن ەتتەرگە تاريفتىك كۆوتا كولەمىن ءبولۋ. 2. زاڭدى جانە جەكە تۇلعالار اراسىندا تاريفتىك كۆوتانى ءبولۋ»، - دەلىنگەن قۇجاتتا.

استانا. 2 اقپان. قازتاگ – قازاقستان ۇكىمەتى الىس شەت ەلدەن ەت يمپورتىنا دەگەن كۆوتانى انىقتادى. ول قر پرەمەر-ءمينيسترى كارىم ءماسىموۆ 2009 جىلى 31-ءشى جەلتوقساندا قول قويىپ، سەيسەنبى كۇنى رەسمي باسىلىمداردا جاريالانعان «ەتتىڭ جەكەلەگەن تۇرلەرىنىڭ سىرتتان اكەلۋىنىڭ تاريفتىك كۆوتا كولەمىن ءبولۋ تۋرالى» قاۋلىسىمەن بەكىتىلدى.

قۇجاتتا ەۋرازيالىق ەكونوميكالىق قاۋىمداستىقتىڭ كەدەندىك وداق كوميسسياسىنىڭ 2009 جىلعى 27-ءشى قاراشاداعى №130 «بەلارۋس رەسپۋبليكاسى، قازاقستان رەسپۋبليكاسى مەن رەسەي رەسپۋبليكاسىنىڭ كەدەندىك وداعىنىڭ ءبىرتۇتاس كەدەندىك-تاريفتىك رەتتەۋ تۋرالى» شەشىمىنىڭ 9-شى تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. ۇسىنىلىپ وتىرعاندار بەكىتىلسىن: 1) تاريفتىك كۆوتا ەنگىزىلگەن ەتتىڭ جەكەلەگەن تۇرلەرىن شەتتەن اكەلۋدىڭ تاريفتىك كۆوتاسى; 2) تاۋەلسىز مەملەكەتتەر دوستاستىعى مەملەكەتتەرىنەن تىس ەلدەردەن قازاقستان رەسپۋبليكاسىنىڭ اۋماعىنا اكەلىنەتىن ەتتەرگە تاريفتىك كۆوتا كولەمىن ءبولۋ. 2. زاڭدى جانە جەكە تۇلعالار اراسىندا تاريفتىك كۆوتانى ءبولۋ»، - دەلىنگەن قۇجاتتا.

ونىڭ ىشىندە يمپورتتالاتىن توڭازىتىلعان ءىرى قارا مال ەتىنىڭ كۆوتاسى 10 مىڭ توننا، ونىڭ ىشىندە اۆستراليادان – 1439 توننا، برازيليادان – 2297 ت، ەۋروپالىق وداقتان – 1 256, باسقا ەلدەردەن 1 256 توننا. توڭازىتىلعان شوشقا ەتىنىڭ كۆوتاسى 7 400 توننا، ونىڭ ىشىندە كانادادان – 1658, اقش – 4 258, ەۋروپالىق وداقتان – 1286, باسقا ەلدەردەن – 198 توننا. ءۇي قۇستارىنىڭ 0105 پوزيتسياسىنداعى كورسەتىلگەن جاڭا نەمەسە توڭازىتىلعان ەتى نەمەسە ىشكى قۇرىسىنان جاسالعان ءونىم تۇرلەرىنە كۆوتا 110 مىڭ توننا، ونىڭ ىشىندە اقش – 96 450, باسقا ەلدەردەن – 13 550 توننا.

ۇكىمەت قر يندۋستريا جانە ساۋدا مينيسترلىگىنە زاڭمەن بەكىتىلگەن تارتىپكە ساي ەت يمپورتىنا دەگەن ليتسەنزيانى جەكە جانە زاڭدى تۇلعالارعا وسى قاۋلىعى سايكەس تاريفتىك كۆوتا شەڭبەرىندە بەرۋدى تاپسىرادى.

قر قارجى مينيسترلىگىنىڭ كەدەندىك باقىلاۋ كوميتەتى سىرتتان اكەلىنەتىن ەت يمپورتىنا قاداعالاۋدى وسى قاۋلىعا ساي جۇرگىزىپ، ءار توقساندا ول جايلى تولىق مالىمەتتەردى اۋىل شارۋاشىلىعى مينيسترلىگىنە تاپسىرىپ تۇرۋى جۇكتەلەدى.

«سىرتقى ىستەر مينيسترلىگى اپتالىق مەرزىمدە ەۋرازيالىق ەكونوميكالىق قاۋىمداستىقتىڭ ينتەگراتسيالىق كوميتەت حاتشىلىعىنا سىرتقى ساۋدادا قر ۇكىمەتىنىڭ قابىلداپ وتىرعان شارالارى تۋرالى مالىمەتتەر بەرىپ تۇرۋ مىندەتتەلەدى»، - دەلىنگەن قۇجاتتا.

قاۋلى رەسمي باسىلىمداردا جاريالانعان كۇنەن كۇنتىزبەلىك 21 كۇن وتكەن سوڭ كۇشىنە ەنەدى.