الماتى. 2 اقپان. قازتاگ– ديليارام اركين. شىعىس قازاقستان وبلىسىنىڭ سولنەچنىي كەنتىندە ورنالاسقان وۆ 156/17 كولونياسىنىڭ («قىزىل زونا» – قازتاگ) توعىز تۇتقىنى وزدەرىنىڭ باسقا كولونيالارعا اۋىستىرىلۋىنا نارازىلىق رەتىندە دەنەلەرىن زاقىمداپ، قارىندارىن جارۋعا ارەكەتتەندى. بۇل تۋرالى قازتاگ تىلشىسىنە ءوزىن تانىستىرعىسى كەلمەگەن سوتتالعانداردىڭ بىرەۋى حابارلادى.

ونىڭ ايتۋىنشا، وقيعا اقپاننىڭ 1-نەن 2-سىنە قاراعان ءتۇنى بولعان.

«وۆ 156/17 كولونياسى كۇش قۇرىلىمدارىنىڭ وكىلدەرى جازاسىن وتەيتىن قازاقستانداعى جالعىز كولونيا. سوتتالعانداردىڭ توعىزىن باسقا الەم قىلمىسكەرلەرى وتىرعان تۇرمەلەرگە اۋىستىرعىسى كەلگەن. «قىزىل زونادان» باسقا «قارا زوناعا» اۋىستىرۋ - ولىممەن تەڭ. ولاردىڭ وزدەرى كەزىندە ۇستاعان، سوتتاعان ادامدار بۇلاردى زونالاردا قۇرتۋعا ارەكەتتەنەدى. ءبىز بۇعان قارسى شىقتىق. ءسويتىپ، قوعام نازارىن وسى ماسەلەگە اۋدارۋ ءۇشىن، وسىنداي سوڭعى قادامعا باردىق»، - دەيدى دەرەك كوزى.

ودان باسقا، ونىڭ ايتۋىنشا، بۇرىنعى قۇقىق قورعاۋ ورگان قىزمەتكەرلەرىن باسقا تۇرمەلەرگە اۋىستىرۋ وسى كولونياداعى سوتتالعانداردىڭ قۇقىعىن بۇزۋشىلىق بولىپ تابىلادى.

«قىلمىستىق-اتقارۋ كودەكسىنىڭ 75-ءشى بابىندا سوتتالعان قۇقىق قورعاۋ ورگان قىزمەتكەرلەرى بولەك تۇرمەلەردە ۇستالۋى كەرەكتىگى ايتىلعان. ال ءبىزدى باسقا تۇرمەلەرگە اۋىستىرعىسى كەلەدى»، - دەيدى سوتتالعانداردىڭ بىرەۋ.

الماتى. 2 اقپان. قازتاگ– ديليارام اركين. شىعىس قازاقستان وبلىسىنىڭ سولنەچنىي كەنتىندە ورنالاسقان وۆ 156/17 كولونياسىنىڭ («قىزىل زونا» – قازتاگ) توعىز تۇتقىنى وزدەرىنىڭ باسقا كولونيالارعا اۋىستىرىلۋىنا نارازىلىق رەتىندە دەنەلەرىن زاقىمداپ، قارىندارىن جارۋعا ارەكەتتەندى. بۇل تۋرالى قازتاگ تىلشىسىنە ءوزىن تانىستىرعىسى كەلمەگەن سوتتالعانداردىڭ بىرەۋى حابارلادى.

ونىڭ ايتۋىنشا، وقيعا اقپاننىڭ 1-نەن 2-سىنە قاراعان ءتۇنى بولعان.

«وۆ 156/17 كولونياسى كۇش قۇرىلىمدارىنىڭ وكىلدەرى جازاسىن وتەيتىن قازاقستانداعى جالعىز كولونيا. سوتتالعانداردىڭ توعىزىن باسقا الەم قىلمىسكەرلەرى وتىرعان تۇرمەلەرگە اۋىستىرعىسى كەلگەن. «قىزىل زونادان» باسقا «قارا زوناعا» اۋىستىرۋ - ولىممەن تەڭ. ولاردىڭ وزدەرى كەزىندە ۇستاعان، سوتتاعان ادامدار بۇلاردى زونالاردا قۇرتۋعا ارەكەتتەنەدى. ءبىز بۇعان قارسى شىقتىق. ءسويتىپ، قوعام نازارىن وسى ماسەلەگە اۋدارۋ ءۇشىن، وسىنداي سوڭعى قادامعا باردىق»، - دەيدى دەرەك كوزى.

ودان باسقا، ونىڭ ايتۋىنشا، بۇرىنعى قۇقىق قورعاۋ ورگان قىزمەتكەرلەرىن باسقا تۇرمەلەرگە اۋىستىرۋ وسى كولونياداعى سوتتالعانداردىڭ قۇقىعىن بۇزۋشىلىق بولىپ تابىلادى.

«قىلمىستىق-اتقارۋ كودەكسىنىڭ 75-ءشى بابىندا سوتتالعان قۇقىق قورعاۋ ورگان قىزمەتكەرلەرى بولەك تۇرمەلەردە ۇستالۋى كەرەكتىگى ايتىلعان. ال ءبىزدى باسقا تۇرمەلەرگە اۋىستىرعىسى كەلەدى»، - دەيدى سوتتالعانداردىڭ بىرەۋ.

ونىڭ ايتۋىنشا، بىلتىر كولونيانىڭ اكىمشىلىك شەشىمىمەن وۆ 156/17-دەگى سوتتالعانداردىڭ بەسەۋىن «قارا زوناعا» اۋىستىرماقشى بولعان. نارازىلىق اكتسياسىنان سوڭ، ولاردىڭ تورتەۋىن وسىندا قالدىرىپ، كەيىن، ءبارى باسىلعان سوڭ، ولاردى ءبارىبىر باسقا كولونيالارعا اۋىستىردى.

«ولار ارنايى قىزمەتتىڭ بۇرىنعى وفيتسەرلەرى: الماتى قارجى پوليتسياسىنىڭ بۇرىنعى باسقارما باستىعى عاينۋللا قىستاۋباەۆ، وڭتۇستىك قازاقستان وبلىسىنىڭ ءىىد-ءنىڭ بۇرىنعى ءبىرىنشى ورىنباسارى ءدارىباي شالاەۆ، پاۆلودار وبلىسىنىڭ قارجى پوليتسياسى دەپارتامەنتىنىڭ بۇرىنعى باسشىسى سەرىك سالتانبەكوۆ، الماتىنىڭ قارجى پوليتسياسى دەپارتامەنتىنىڭ بۇرىنعى باستىق ورىنباسارى تيمۋر جاعىپاروۆ پەن قارجى پوليتسياسىنىڭ بۇرىنعى قىزمەتكەرى الەكساندر شەستاكوۆ جانە قارجى پوليتسياسىنىڭ تاعى ءبىر بۇرىنعى قىزمەتكەرى ەرتاي ابىشەۆتەر. ولاردىڭ بارلىعى قازىر «قارا زونادا» وتىر. مىسالى گ. قىستاۋباەۆ اقتوبە وبلىسىنداعى اتباسار جالپى تارتىپتەگى كولونياسىنا اۋىستىرىلدى. ەرتاي ابىشەۆ قوستاناي وبلىسىنداعى قاتاڭ تارتىپتەگى كولونيادا وتىر. ولاردىڭ تاعدىرى تۋرالى بىزگە ەشنارسە بەلگىسىز»، - دەيدى تەلەفون ارقىلى سۇحباتشىمىز.

ونىڭ ايتۋىنشا، ىشتەرىن ۇستارامەن جاراقاتتاعان توعىز سوتتالعان قازىر لازارەتتە جاتىر. ولاردىڭ تاعدىرىنا الاڭداۋشىلىق بىلدىرگەندىكتەن اتى-جوندەرىن اتاۋدان سۇحباتشىمىز باس تارتتى.

«ولاردىڭ جاعدايىن تۇرمە دارىگەرلەرى قاناعاتتانارلىق دەپ باعالادى»، - دەيدى ول.

ونىڭ ايتۋىنشا، وۆ 156/17 تۇرمە اكىمشىلىگى وقيعادان سوڭ جەڭىلدىككە بارعان.

«ازىرگە شيەلەنىس شەشىلگەن سياقتى. اكىمشىلىك ءبىزدىڭ تالاپتاردى قاراستىرىپ جاتىر»، - دەپ قورىتىندىلادى ول.

بۇل جەردە، ارنايى قىزمەتتىڭ وفيتسەرلەرى - گ. قىستاۋباەۆ، ا. شەستاكوۆ پەن ت. جاعىپاروۆتار جەمقورلىققا بايلانىستى ۇزاق مەرزىمدەرگە سوتتالعانىن ايتا كەتۋ كەرەك. ت. قىستاۋباەۆتىڭ ەسىمى 2006 جىلى ماۋسىمدا پرەزيدەنت ن. نازارباەۆتىڭ بايانداماسىنا ىلىككەن. مەملەكەت باسشىسى قارجى پوليتسياسىنىڭ قىزمەتكەرى قىستاۋباەۆتىڭ ۇيىندە «بەنتلي»، «لەكسۋس»، ەكى «مەرسەدەس»، «حارلەي» موتوتسيكلى مەن باسقا دا قىمبات زاتتار تابىلعانىن اتاپ وتكەن.

بۇرىنعى پولكوۆنيك ءدارىباي شالاەۆ كەزىندە «ۇزدىك-وپەرۋوكىلەتتى» رەتىندە ماراپاتتالعان بولاتىن. پوليتسيادا 28 جىل قىزمەت اتقارىپ، «تايسون» اتتى قىلمىسكەردى ۇستاعانىمەن اتى شىققان. پولكوۆنيك شالاەۆ ەسىرتكى بيزنەسى ءۇشىن 17 جىلعا سوتتالدى.

سوتتالعان بۇرىنعى پولكوۆنيك سەرىك سالتانبەكوۆ قازاقستاننىڭ اۆسترياداعى بۇرىنعى ەلشىسى راحات اليەۆتىڭ ىسىنە بايلانىستى سوتتالعان.

كولونيادا 900 ادام جازاسىن وتەۋدە.