The Financial Times گازەتىنىڭ كەشەگى جاريالانىمىنداعى باس تاقىرىپ وسىلاي بەرىلىپتى. ۋكراينادا وتكەن پرەزيدەنت سايلاۋىنىڭ ناتيجەسىندە «ايماقتار» پارتياسىنىڭ جەتەكشىسى ۆيكتور يانۋكوبيچتىڭ (سۋرەتتە) جەڭىسكە جەتكەنى ءمالىم بولىسىمەن الەمدىك اقپارات كوزدەرى ويلى-قىرلى پىكىر ءبىلدىرۋدىڭ باسەكەسىن قىزدىرىپ جىبەردى. باتىس ءباسپاسوزى يانۋكوبيچتىڭ سايلاۋدا ساڭلاق شىعىپ تيموشەنكونىڭ ۇتىلىپ قالعانىنا وكىنىش بىلدىرسە، رەسەيدىڭ باق-ى بوركىن اساپانعا اتىپ قۋانىپ-اق جاتىر. ال  تيموشەنكانىڭ جاقتاستارى بولسا سايلاۋدىڭ قورتىندىسىنا كۇمان كەلتىرىپ «بيۋللەتەندەر يانۋكوبيچتىڭ پايداسىنا قولدان جاسالدى» دەپ مالىمدەۋدە. مىسالى ءورىستىلدى دونەتسك، لۋگانسك، ودەسسا قالالارىندا سونداي كۇماندى ءىستىڭ بولعانى تۋرالى تيموشەنكوعا تىلەۋلەس دەپۋتاتتار دا ايتا باستادى. ازىرگە سايلاۋ تۋرالى قازىرگى بيلىك باسىنداعى پرەزيدەنت ۆيكتور يۋششەنكو كوزقاراسىن اشىق بىلدىرە قويعان جوق.

The Financial Times گازەتىنىڭ كەشەگى جاريالانىمىنداعى باس تاقىرىپ وسىلاي بەرىلىپتى. ۋكراينادا وتكەن پرەزيدەنت سايلاۋىنىڭ ناتيجەسىندە «ايماقتار» پارتياسىنىڭ جەتەكشىسى ۆيكتور يانۋكوبيچتىڭ (سۋرەتتە) جەڭىسكە جەتكەنى ءمالىم بولىسىمەن الەمدىك اقپارات كوزدەرى ويلى-قىرلى پىكىر ءبىلدىرۋدىڭ باسەكەسىن قىزدىرىپ جىبەردى. باتىس ءباسپاسوزى يانۋكوبيچتىڭ سايلاۋدا ساڭلاق شىعىپ تيموشەنكونىڭ ۇتىلىپ قالعانىنا وكىنىش بىلدىرسە، رەسەيدىڭ باق-ى بوركىن اساپانعا اتىپ قۋانىپ-اق جاتىر. ال  تيموشەنكانىڭ جاقتاستارى بولسا سايلاۋدىڭ قورتىندىسىنا كۇمان كەلتىرىپ «بيۋللەتەندەر يانۋكوبيچتىڭ پايداسىنا قولدان جاسالدى» دەپ مالىمدەۋدە. مىسالى ءورىستىلدى دونەتسك، لۋگانسك، ودەسسا قالالارىندا سونداي كۇماندى ءىستىڭ بولعانى تۋرالى تيموشەنكوعا تىلەۋلەس دەپۋتاتتار دا ايتا باستادى. ازىرگە سايلاۋ تۋرالى قازىرگى بيلىك باسىنداعى پرەزيدەنت ۆيكتور يۋششەنكو كوزقاراسىن اشىق بىلدىرە قويعان جوق.
يانۋكوبيچتىڭ بيلىك وليمپىنە ورالۋى  راسىندا ۋكراينانىڭ رەسەيگە تۇبەگەيلى بەت بۇرۋىن اڭعارتادى. ويتكەنى يانۋكوبيچ ورىسشىل ساياساتكەر. ۇنەمى ورىس تىلىندە سويلەپ رەسەيگە، مەدۆەدەۆ-پۋتين تاندەمىنە دەگەن اسا پەيىلدى ەكەنىن تانىتىپ جۇرەدى. دەمەك، ەندى باتىسشىل ۋكراينانىڭ يۋششەنكونىڭ تۇسىندا ەۋرووداققا مۇشە بولۋعا جاساعان تالابى تابان استىندا توقتاۋى مۇمكىن. ويتكەنى رەسەي ۋكراينانىڭ اتالعان وداققا بەت بۇرعانىن ەش قۇپتاعان ەمەس. سونداي-اق ۋكراينانىڭ سولتۇستىك اتلانتيكالىق وداققا (ناتو-عا) جاساعان قادامى دا جالعاسىن تاپپاۋى ىقتيمال. رەسەيدىڭ تاۋەلسىز ۋكراينا ساياساتىندا جاقتىرماعان ءبىر ءىسى وسى بولاتىن. يۋششەنكونىڭ ۋاعىندا ۋكراين ۇلتشىلدارى قىرىمنان رەسەي فلوتىن شىعارۋعا كۇش سالىپ باعىپ ەدى. رەسەيشىل يانۋكوبيچ بۇل جايتتى مۇلدەم قوزعامايتىن شىعار. يۋششەنكو گولودوموردى قولدان جاساعان ستالينمەن ونىڭ قاندى قول قاراقشىلارىن حالقارالىق تريبۋنال قۇرىپ سوتتاۋ كەرەكتىگىن باستاعان ەدى. يانۋكوبيچ بۇل تاقىرىپتى دا جاۋىپ تاستاسا تاڭ قالمايمىز. بۇدان بىلاي يانۋكوبيچتىڭ بيلىگىندەگى ۋكراينانىڭ حالقارالىق ۆاليۋتا قورىمەن اراسى الشاقتاي باستايدى دا رەسەيگە تاۋەلدى بولا تۇسەدى. باتىس ساياساتكەرلەرى قازىر وسىنداي بولجامدار ايتۋدا. ءسويتىپ بۇرىنعى كسرو ەلدەرىن قايتادان بيلەپ-توستەۋدىڭ قامىنا كىرىسكەن رەسەي قاتارىنا ءبىر كەزدە ۋىسىنان شىعارىپ العان ۋكراينانى قوسىپ جاتىر. بۇل جايتكە ءبىزدىڭ استانا  قۋانباسا وكىنە قويمايدى. وتكەندە «ەگەمەن قازاقستان» گازەتىنىڭ 90 جىلدىعىنا وراي ءباسپاسوز باسشىلارىمەن كەزدەسكەن پرەزيدەنت نازارباەۆ بۇگىنگى ۋكراينا تۋرالى قۇرىدى، شارۋاسى شاشىراپ كەتتى دەگەن سىڭايدا پىكىر ءبىلدىردى.
- مەن ۋكراينانى جاقسى بىلىەمىن. قانداي كەرەمەت مىقتى مەملەكەت ەدى. سول ۋكراينا قازىر نە بولدى؟  شاراۋسى شاشىراپ كەتتى. حالقى كۇيزەلىپ تۇر،- دەدى ەلباسىمىز.

«اباي-اقپارات»