اپتا باسىندا ەلىمىزدىڭ باس اسكەري پروكۋرورى ەرعالي مەرزادينوۆ استاناداعى اقمولا گارنيزونىنىڭ اسكەري سوتى بۇرىنعى قورعانىس ءمينيسترىنىڭ ورىنباسارى، گەنەرال-لەيتەنانت قاجىمۇرات مەيىرمانوۆ پەن يزرايل ازاماتى بوريس شەينكماننىڭ ىسىنە قاتىستى قىلمىستىق ءىستى تەرگەۋدى اياقتاعانىن مالىمدەدى. «8 اقپاندا ق. مەيىرمانوۆ پەن ب. شەينكماننىڭ ءىسى بويىنشا سوت تىڭداۋلارى سوڭىنا جەتتى. تۇپكىلىكتى ۇكىم شىعارۋ ءۇشىن اسكەري قازىلار ءوزارا كەڭەسەتىن بولمەگە كەتتى»، - دەپ ءتۇسىندىردى ءمان-جايدى ول.

اپتا باسىندا ەلىمىزدىڭ باس اسكەري پروكۋرورى ەرعالي مەرزادينوۆ استاناداعى اقمولا گارنيزونىنىڭ اسكەري سوتى بۇرىنعى قورعانىس ءمينيسترىنىڭ ورىنباسارى، گەنەرال-لەيتەنانت قاجىمۇرات مەيىرمانوۆ پەن يزرايل ازاماتى بوريس شەينكماننىڭ ىسىنە قاتىستى قىلمىستىق ءىستى تەرگەۋدى اياقتاعانىن مالىمدەدى. «8 اقپاندا ق. مەيىرمانوۆ پەن ب. شەينكماننىڭ ءىسى بويىنشا سوت تىڭداۋلارى سوڭىنا جەتتى. تۇپكىلىكتى ۇكىم شىعارۋ ءۇشىن اسكەري قازىلار ءوزارا كەڭەسەتىن بولمەگە كەتتى»، - دەپ ءتۇسىندىردى ءمان-جايدى ول.

ال ءبىز «قۇپيا قازاق قارۋى» دەپ ايدار تاعىلعان قىلمىستىق ءىستىڭ نەمەن تىناتىنىن بىلمەك بولىپ، قۇزىرلى ورىندارعا حابارلاسقان ەدىك. ەڭ الدىمەن، اقمولا گارنيزونى اسكەري سوتىنىڭ توراعاسى ماعاۋيا ەلەمەسوۆتىڭ تەلەفونىن بەزىلدەتتىك. «ۇكىم قاشان شىعارىلادى؟» دەگەن ساۋالىمىزعا قاتتى تاڭ بولعان توراعا: «ۇكىم بۇگىن نە ەرتەڭ شىعارىلادى دەگەندى مەن سىزگە ايتا المايمىن. ويتكەنى، بۇل ىسكە ۇقك-ءنىڭ شەشىمىمەن «اسا قۇپيا» دەگەن بەلگى قويىلعان. ياعني، ۇكىمنىڭ قاشان شىعارىلاتىنىن سول ورگانداعىلار بىلەدى دەگەن ءسوز. سەبەبى، مەن توراعا بولسام دا، ولاردىڭ تاعايىنداعان سۋدياسىمەن تىلدەسە المايمىن. ال، ءبىر بىلەتىنىم، سوت ءىستى تەرگەۋدى ءالى جالعاستىرۋدا. ياعني، بۇل ىسكە نۇكتە قويىلعان جوق» دەدى. سودان سوڭ، ۇلتتىق قاۋىپسىزدىك كوميتەتىنىڭ ءباسپاسوز قىزمەتىنىڭ باسشىسى كەنجەبولات بەكنازاروۆپەن تەلەفون سىمى ارقىلى تىلدەستىك. «بۇل ءىس بويىنشا ەشقانداي دا اقپارات جوق. اسكەري سوت ءىس ماتەريالدارىن تەرگەۋدى اياقتادى. ەندى ايىپتاۋ ۇكىمى شىعارىلادى. ونى اسكەري سوتتىڭ ءوزى حابارلايدى» دەدى بەكەڭ قىسقا عانا جاۋاپ قايىرىپ.

بۇل قىلمىستىق ىسكە «اسا قۇپيا» دەگەن بەلگى سوعىلعاندىقتان مىنە، ءبىر جىلعا جۋىق سوت پروتسەسى جابىق ەسىكتىڭ ارعى جاعىندا ءوتىپ جاتىر. وتكەن جىلدىڭ «ەڭ جاعىمسىز وقيعاسى» اتانعان بۇل ءىستىڭ نەمەن تىنارى ازىرگە بەيمالىم. ياعني، سوت ۇكىمىنەن كەيىن عانا «قۇپيا قازاق قارۋى» وپەراتسياسى نەلىكتەن ساتسىزدىككە ۇشىراعانىن بىلە الامىز. كەيبىر دەرەك كوزدەرىنە سۇيەنسەك، گەنەرال مەيىرمانوۆتىڭ دەنساۋلىعى اسا ءماز ەمەس كورىنەدى. ەستەرىڭىزدە شىعار، وتكەن جىلدىڭ 10 ساۋىرىندە ول ۇقك-ءنىڭ تەرگەۋ اباقتىسىنا قامالعاننان كەيىن ءبىراز ۋاقىت وتكەن سوڭ «قۇپيا قازاق قارۋىنا» قاتىستى بارلىق ادامداردىڭ اتتارىن اتاماقشى بولدى. الايدا، ول ويىنان قايتىپ، كەڭسە پىشاعىمەن ءوزىنىڭ قان تامىرلارىن كەسپەككە ارەكەت ەتتى. بىراق، بۇل ءىسى ءساتسىز شىقتى. ەكس-ۆيتسە-ءمينيستردىڭ قورعاۋشىسى: «مەن مەيىرمانوۆ مىرزامەن تەرگەۋ اباقتىسىندا جولىققانىمدا، ونىڭ قاتتى شارشاعانىن كوردىم»، - دەيدى. قاتتى شارشاعان مەيىرمانوۆ مىرزا سول كەزدەسۋ بارىسىندا بىلاي دەپتى:

-         «مەن ابدەن شارشادىم. ءومىر سۇرگىم كەلمەيدى. وتباسىم مەن بالالارىمنىڭ تاعدىرىن ويلاسام، وزەگىمدى وكىنىش ورتەيدى؟ بىراق، ءبارىبىر دە ءومىر سۇرگىم كەلمەيدى. تەك ءوزىمنىڭ اجالىممەن عانا بۇلاردان (تەرگەۋشىلەر) قۇتىلا الامىن».

«قۇپيا قازاق قارۋىنا» قاتىستى تاعى ءبىر تۇلعا، بۇرىنعى قورعانىس ءمينيسترى دانيال احمەتوۆ تۋرالى اڭگىمە ءتىپتى «قۇپيا» بولىپ بارادى. ونى ءبىر بىلگىشتەر «شەتەلدە ەمدەلىپ جاتىر» دەسە، بىرەۋلەر «اقىل-ەسىنەن الجاسىپ كەتىپتى» دەپ سوعادى...

استانا.