بولات ناۋكەنۇلى. قازاق بولعانىما سۇيىنەمىن ءام كۇيىنەمىن
ميللياردتان اسا قىتاي، ميلليونداعان ورىس، مىڭداعان مۇڭعىل سياقتى باسقا حالىقتاردىڭ ىشىندە ءجۇرىپ، تاعدىردىڭ تالكەگىنە توزگەن، اتا-اۋىل-رۋعا توپتاسۋدىڭ ارقاسىندا عانا ءتىلىن، ادەت-عۇرپىن، سالت-ءداستۇرىن، ءدىنىن ساقتاپ، اتا جۇرتقا كوشىپ كەلگەن قانداستارىمىزدى كورگەندە، مەن قازاق بولعانىما ماقتانىپ، سۇيىنەمىن.
بىراق، ءوز ەلىندە ، قالىڭ قازاقتىڭ ىشىندە، قازاق ءتىلىن بىلە تۇرا ءوزارا وزگە تىلدە سويلەسىپ، ۇلتتىق ويلاۋ قابىلەتىنەن ايىرىلعان قازاقتاردى كورگەندە، مەن قازاق بولعانىما ۇيالىپ، كۇيىنەمىن.
16 ميلليون ءبىرتۇتاس حالىقتىڭ ىشىنەن مەملەكەتتىك ءتىلدى بىلەتىن، ۇلتتىق ويلاۋ قابىلەتى جوعارى، ەلىمىزدىڭ تاريحىن، سالت-ءداستۇرىن،ادەت-عۇرپىن، مادەنيەتىن جاقسى بىلەتىن تاربيەلى-ءبىلىمدى مىڭ ازاماتتى، پارلامەنت پەن ۇكىمەتتە جۇمىس ىستەۋگە، ىرىكتەپ الا المايتىن ازاماتتىق قوعامىمىزدىڭ 65 پايىزى قازاقتار ەكەنىن ويلاعاندا، مەن قازاق بولعانىما ۇيالىپ، كۇيىنەمىن.
ساناسى ۋلانعان كەيبىر مەملەكەتتىك شەنەۋنىكتەر ۇلتتىق ونەرگە، ۇلتتىق سپورتقا، جالپى ۇلتتىق مادەنيەتكە جەتكىلىكتى كوڭىل بولمەي، قالىڭ قازاق اينالىسپايتىن سپورت پەن ونەر تۇرلەرىنە قىرۋار قاراجات شاشىپ جاتقاندا، ەل ىشىندە ۇلتتىق قۇندىلىقتاردى ناسيحاتتاپ، تاراتىپ جۇرگەن باۋىرلارىن قولداپ، ولارعا قول ۇشىن سوزعان ۇلتشىل، قاتارداعى كاسىپكەر - ازامات قانداستارىمىزدى كورگەندە، مەن قازاق بولعانىما ماقتانىپ، سۇيىنەمىن.
ميللياردتان اسا قىتاي، ميلليونداعان ورىس، مىڭداعان مۇڭعىل سياقتى باسقا حالىقتاردىڭ ىشىندە ءجۇرىپ، تاعدىردىڭ تالكەگىنە توزگەن، اتا-اۋىل-رۋعا توپتاسۋدىڭ ارقاسىندا عانا ءتىلىن، ادەت-عۇرپىن، سالت-ءداستۇرىن، ءدىنىن ساقتاپ، اتا جۇرتقا كوشىپ كەلگەن قانداستارىمىزدى كورگەندە، مەن قازاق بولعانىما ماقتانىپ، سۇيىنەمىن.
بىراق، ءوز ەلىندە ، قالىڭ قازاقتىڭ ىشىندە، قازاق ءتىلىن بىلە تۇرا ءوزارا وزگە تىلدە سويلەسىپ، ۇلتتىق ويلاۋ قابىلەتىنەن ايىرىلعان قازاقتاردى كورگەندە، مەن قازاق بولعانىما ۇيالىپ، كۇيىنەمىن.
16 ميلليون ءبىرتۇتاس حالىقتىڭ ىشىنەن مەملەكەتتىك ءتىلدى بىلەتىن، ۇلتتىق ويلاۋ قابىلەتى جوعارى، ەلىمىزدىڭ تاريحىن، سالت-ءداستۇرىن،ادەت-عۇرپىن، مادەنيەتىن جاقسى بىلەتىن تاربيەلى-ءبىلىمدى مىڭ ازاماتتى، پارلامەنت پەن ۇكىمەتتە جۇمىس ىستەۋگە، ىرىكتەپ الا المايتىن ازاماتتىق قوعامىمىزدىڭ 65 پايىزى قازاقتار ەكەنىن ويلاعاندا، مەن قازاق بولعانىما ۇيالىپ، كۇيىنەمىن.
ساناسى ۋلانعان كەيبىر مەملەكەتتىك شەنەۋنىكتەر ۇلتتىق ونەرگە، ۇلتتىق سپورتقا، جالپى ۇلتتىق مادەنيەتكە جەتكىلىكتى كوڭىل بولمەي، قالىڭ قازاق اينالىسپايتىن سپورت پەن ونەر تۇرلەرىنە قىرۋار قاراجات شاشىپ جاتقاندا، ەل ىشىندە ۇلتتىق قۇندىلىقتاردى ناسيحاتتاپ، تاراتىپ جۇرگەن باۋىرلارىن قولداپ، ولارعا قول ۇشىن سوزعان ۇلتشىل، قاتارداعى كاسىپكەر - ازامات قانداستارىمىزدى كورگەندە، مەن قازاق بولعانىما ماقتانىپ، سۇيىنەمىن.
بىراق، قازاق ۇلتىنا، ونەرى مەن مادەنيەتىنە قوسقان ۇلەسى بار، ەڭبەكتەرىن ەلى تانىعان تۇلعالاردىڭ، تالانتتى جاس جۋرناليستەر مەن ونەر ادامدارىنىڭ، مەملەكەتتەن قولداۋ كورمەي، ءۇيسىز-كۇيسىز جۇرگەنىن كورگەندە، مەن قازاق بولعانىما ۇيالىپ، كۇيىنەمىن.
قازاق ەلىندەگى 10 ملن. قازاقتىڭ ەسەبىنەن بيلىكتەگى قىزمەتتەرىنە ىلىگىپ، ءوز قارا باستارىنىڭ قامىن عانا كۇيتتەگەن، قالىڭ قارا قازاقتىڭ مۇددەسىن ۇمىتقان، قازاقي ۇلتتىق قۇندىلىقتارعا ءمان بەرمەي، دۇنيەجۇزىلىك باسىم كۇشتەردىڭ قۇرىعىنا تۇسكەن، ۋاقىتشا ءمانساپ-بايلىققا ءماز بولىپ، وزدەرىنىڭ ۇلت جادىنىڭ «قارا تىزىمىنە» ءىلىنىپ جاتقانىن سەزبەيتىن كەيبىر شەنەۋنىك - دەپۋتات قازاقتاردى كورگەندە، مەن قازاق بولعانىما ۇيالىپ، كۇيىنەمىن.
تاۋەلسىزدىكتىڭ مۇمكىندىكتەرىن تولىق پايدالانىپ، تىڭ دەرەكتەردەن قازاقتىڭ شىنايى تاريحىن وقىپ-ءبىلىپ ساناسىن تازارتىپ، بىلگەندەرىن وزدەرى ءومىر سۇرگەن ورتاسىنا ناسيحاتتاپ، تاراتىپ جۇرگەن، قاتارى كۇن سايىن ارتا تۇسكەن اعا بۋىن، ورتا بۋىن، جاس بۋىن قازاقتاردى كورگەندە، مەن قازاق بولعانىما ماقتانىپ، سۇيىنەمىن.
قازاقستان رەسپۋبليكاسىنداعى ءتىل تۋرالى زاڭنىڭ «قازاقستان رەسپۋبليكاسىندا باسقا مەملەكەتتەر وكىلدەرىمەن وتكىزىلەتىن رەسمي قابىلداۋلار مەن وزگە دە شارالار باسقا تىلدەرگە اۋدارىلىپ، مەملەكەتتىك تىلدە جۇرگىزىلەدى» دەگەن 27-بابىنىڭ ورىندالۋىن قۇدايدىڭ قۇتتى كۇنى، سەكۋند سايىن ورەسكەل بۇزىپ جۇرگەن شەنەۋنىكتەرگە قازاق ەلىندە «ءاي دەيتىن اجە، قوي دەيتىن قوجا» شىقپاعانىن كورگەندە، مەن قازاق بولعانىما ۇيالىپ، كۇيىنەمىن.
اتا-بابالارىمىزدىڭ ۇلتتىق ويلاۋ قابىلەتى مەن رۋحى قونعان اۋىلداعى قالىڭ قازاق - بارلىق «پريۆاتيزاتسيا»، «وپتيميزاتسيا»، «لەگاليزاتسيا» سياقتى كەلەڭسىزدىكتەرگە توتەپ بەرىپ، تازا اۋىز سۋسىز ، جولى ناشار، بايلانىسى ناشار، گازى جوق جانە وتىن-سۋى تاپشى ەلدى-مەكەندەردە، كوپتەگەن قيىندىقتارعا ءتوزىپ، اتا قونىستارىن جوعالتپاي، قازاق جەرىنىڭ يەسى ءالى بار ەكەنىن الەمگە تانىتىپ جۇرگەنىن كورگەندە، مەن قازاق بولعانىما ماقتانىپ، سۇيىنەمىن.
بىراق، قازاقتىڭ جەرى مەن بايلىعىنا قىزىققان الەمدىك باسىم كۇشتەردىڭ «تاربيەسى مەن اقىلىنىڭ» ناتيجەسىندە ۇلتتىق-ويلاۋ قابىلەتىنەن ايىرىلعان، بىلىمدى ءارى پىسىق كەيبىر ەكونوميست-ساياساتكەرلەردىڭ بۇكىل قازاقتى بەس-التى قالاعا جيىپ الىپ، ولاردىڭ ەكى-ءۇش ۇرپاق بولىپ ءومىر بويى تاپقان - تايانعانىن بايىرعى قالا تۇرعىندارىنىڭ قولىنا ۇستاتقىزىپ، وزدەرىن ءۇيسىز-كۇيسىز تەنتىرەتىپ، ەلدەگى ەكونوميكالىق جانە الەۋمەتتىك كەلەڭسىزدىكتەرگە جول بەرگەن ناداندىعىن كورگەندە مەن قازاق بولعانىما ۇيالىپ، كۇيىنەمىن.
قازاق ەلىندەگى بولىپ جاتقان كەلەڭسىزدىكتەردى توقتاتۋعا بۇگىن كۇش سالماسا، الداعى ۋاقىتتا ونىڭ ۇلتىمىزعا اپات اكەلەتىنىن بيلىككە اشىق ايتىپ، بۇل كەلەڭسىزدىكتەردى جويۋدىڭ جولىن زەردەلەپ، حالىققا جەتكىزگەن مۇحتار شاحانوۆ، سوۆەت-حان عابباسوۆ، عازيز الدامجاروۆ، عابباس قابىشۇلى، دوس نۇراحمەت، حايرۋللا عابجاليلوۆ سىندى ەل اعالارىمەن قاتار ايدوس سارىم، دوس كوشىم، مارات بوتەەۆ، داۋرەن بابامۇراتوۆ سىندى ت.ب. كوپتەگەن ازاماتتاردىڭ ۇلتتىق ۇستانىمدارىنىڭ بەرىكتىگىن كورىپ، مەن قازاق بولعانىما ماقتانىپ، سۇيىنەمىن.
بىراق، الەمدىك باسىم كۇشتەردىڭ مۇددەلەرىن ءدال ورىندايتىن «كەڭسەگە» اينالىپ بارا جاتقان ءبىزدىڭ ۇكىمەت پەن پارلامەنتتەگى وزگە تىلدە وقىپ-ءونىپ، شەتەلدىكتەرشە «ويلايتىن» كەيبىر باۋىرلارىمىزدى كورگەندە، مەن قازاق بولعانىما ۇيالىپ، كۇيىنەمىن.
