كانادانىڭ ۆانكۋۆەر قالاسى كەزەكتى قىسقى وليمپيادا ويىندارىنىڭ استاناسى بولىپ 2005 جىلى بەكىتىلدى. سونسوڭ، الەم نازارىن تىگەتىن جارىسقا تىڭعىلىقتى دايىندىقتى باستاعان ولار مەجەلى كۇنگە دە جەتىپ، ءححى قىسقى وليمپيادا ويىندارىنىڭ  الاۋىن ءوز وتاندارىنا اكەلگەن. بۇگىن وليمپيادا الاۋىنىڭ جانىپ تۇرعانىنا 5 كۇن تولدى. بىراق، ۇكىلەپ اتتاندىرعان قازاقستان  سپورتشىلارىنىڭ ەڭ بيىك ناتيجەسى ازىرگە 5-ورىن عانا. 7,5 كيلومەترگە قارۋىن اسىنىپ جۇگىرگەن بياتلونشى، بۇرىنعى رەسەيلىك ەلەنا حرۋستالەۆا ۇزدىك ۇشتىكتەن تىس قالسا دا، قازاق جانكۇيەرى قۋاناتىنداي ناتيجە كورسەتكەن ەدى.

كانادانىڭ ۆانكۋۆەر قالاسى كەزەكتى قىسقى وليمپيادا ويىندارىنىڭ استاناسى بولىپ 2005 جىلى بەكىتىلدى. سونسوڭ، الەم نازارىن تىگەتىن جارىسقا تىڭعىلىقتى دايىندىقتى باستاعان ولار مەجەلى كۇنگە دە جەتىپ، ءححى قىسقى وليمپيادا ويىندارىنىڭ  الاۋىن ءوز وتاندارىنا اكەلگەن. بۇگىن وليمپيادا الاۋىنىڭ جانىپ تۇرعانىنا 5 كۇن تولدى. بىراق، ۇكىلەپ اتتاندىرعان قازاقستان  سپورتشىلارىنىڭ ەڭ بيىك ناتيجەسى ازىرگە 5-ورىن عانا. 7,5 كيلومەترگە قارۋىن اسىنىپ جۇگىرگەن بياتلونشى، بۇرىنعى رەسەيلىك ەلەنا حرۋستالەۆا ۇزدىك ۇشتىكتەن تىس قالسا دا، قازاق جانكۇيەرى قۋاناتىنداي ناتيجە كورسەتكەن ەدى.

العاشقى بەستىككە ىلىنگەن سوڭ، ءىز كەسۋشىلەر سايىسىندا حرۋستالەۆادان كەم دەگەندە قولا كۇتكەنىمىز جاسىرىن ەمەس. الايدا، تەلەديدارعا تەلمىرگەن جانكۇيەردى ەلەنا بۇل جولى قۋانتپادى. بار بولعانى 11 ورىن. ال، وسى سايىستا باق سىناعان اننا جانە ماريا لەبەدەۆالاردىڭ سوڭعىسى مارەگە جەتە المادى. قىستىڭ قاھارىن مۇلدە سەزبەي، قاردىڭ ءوزىن كەرەمەت ەكزوتيكا كورىپ وسكەن  برازيليالىق بياتلونشى قىز  مارەنى 47 بولىپ قيىپ وتكەندە، مارياعا نە جورىق دەدىك؟! 10 كيلومەترگە ەركىن ادىسپەن  شاڭعىمەن جۇگىرگەندەر اراسىندا ەڭ جوعارى كورسەتكىشكە سۆەتلانا مالاحوۆا - شيشكينا قول جەتكىزدى. ءوزىنىڭ ءۇشىنشى وليمپياداسىندا 10 ورىنعا تابان تىرەگەن سۆەتا مەن التىن العان 22 جاستاعى شۆەتسيالىق شارلوتتە كاللانى سالىستىرۋ قيىن. ءبىزدىڭ وتانداسىمىزدىڭ سان جىلعى تاجىريبەسى جاستىق پەن شەبەرلىكتىڭ قاسىندا تۇك  بولماي شىقتى. ەركىن ادىسپەن 15 كيلومەترگە جارىسقان ەرلەر اراسىندا الەكسەي ءپولتورانيننىڭ 14-ورنىنا قاناعات تۇتۋ قالدى ازىرگە. بارىنەن بۇرىن، تۋ ۇستاتىپ، شاپان جاۋىپ جىبەرگەن دياس كەنەشوۆتىڭ 72-ورىننان كورىنىپ، كەلەسى كەزەڭگە وتپەي قالعانى جانعا باتتى. جوق، ءبىز جاس بياتلونشىدان  ايتارلىقتاي ناتيجە كۇتكەن جوقپىز. بىراق، وليمپيادالىق قۇرامداعى ساناۋلى قازاقتىڭ ءبىرى بولعان سوڭ، ونىڭ ۇستىنە كوك بايراقتى كوتەرىپ شىققاسىن، نامىسقا باسا ما دەگەنبىز؟! قاتە ويلاپپىز! بياتلونشى جىگىتتەرىمىز اراسىندا يان ساۆيتسكيدىڭ 39-ورنى عانا ەڭ جوعارى كورسەتكىش.ايەلدەر اراسىندا 500 جانە 1000 مەترگە كونكيمەن جۇگىرەتىن جالعىز قازاقستاندىق ەكاتەرينا ايدوۆا العاشقى باسەكەسىندە 18-ورىننان كورىندى. بۇل ونىڭ الەم كۋبوگىنداعى ناتيجەسىنە قاراعاندا الدەقايدا جاقسى. فريستايل موگۋلدان قولا الىپ بەرۋى مۇمكىن دەگەن دميتري رەيحارد 18, ال يۋليا گالىشەۆا مەن داريا رىبالوۆا تيىسىنشە 11 جانە 14-ورىندارعا تابان تىرەدى. قازاق جانكۇيەرى اسىعا كۇتكەن مانەرلەپ سىرعاناۋدان قىسقا باعدارلامالار  سايىسى ءوتتى بۇگىن. ءبىز سەنىم ارتقان  ابزال راقىمعاليەۆ پەن دەنيس تەن ونەر كورسەتكەن دودانىڭ العاشقى اينالىمى بويىنشا 90.85 ۇپاي جيناعان رەسەيلىك داڭقتى فيگۋريست ەۆگەني پليۋششەنكو الدا تۇر. ابزال باعدارلاما ورىنداۋ بارىسىندا قۇلاپ قالعانى ءۇشىن ءبىراز ۇپايدان قاعىلىپ 26-ورىنعا تۇراقتاسا، ەرەسەكتەر اراسىنداعى بوزبالا  16 جاستاعى الاماتىلىق دەنيس تەن 76.24 ۇپاي جيناپ، ۇزدىك وندىقتى قورىتىندىلاپ تۇر. كوڭىل قۋانتارلىق جاعداي دەپ وسىنى ايتۋعا بولاتىن شىعار، سەبەبى، ەگەمەن ەل اتانعالى سپورتتىڭ بۇل تۇرىنەن قازاق سپورتشىلارى جارىس جولىنا شىعىپ كورمەپتى. كەلەسى ەركىن باعدارلامادا ونەر كورسەتەتىن جەرلەسىمىز تەنگە  ساتتىلىك تىلەيمىز!  ەڭ جاس بولا تۇرا، ۇزدىكتەر قاتارىنان ورىن العان دەنيستىڭ جۇلدىزى 2014 جىلعى سوچي وليمپياداسىندا جانادى دەپ ۇمىتتەنەيىك.

ازىرگە 3 التىن، 4 كۇمىس جانە 2 قولا مەدال العان گەرمانيا قۇراماسى الدا. ولاردىڭ ءبىرىنشى ورىنعا  شىعۋى زاڭدى دا، سەبەبى، قىسقى سپورتتىڭ كورولى بولىپ سانالاتىن وسى نەمىستەر.ەكىنشى ورىندا  3 التىن، ءبىر كۇمىسكە يە بولعان وڭتۇستىك كورەيا تۇر. ۇزدىك ۇشتىكتى قورجىنىندا 3 التىن، 1 قولاسى بار شۆەيتساريا ءتامامداپ تۇر. سپورتتىق مانەرلەپ سىرعاناۋدان سوڭعى 46 جىلدان بەرى ەشكىمگە دەس بەرمەگەن رەسەيلىكتەر بيىل جۇلدەدەن سىرت قالدى. الەكساندر سميرنوۆ پەن يۋكو كاۆاگۋتيدىڭ جۇبى 4 ورىنعا تۇراقتاپ، التىن مەدالدى قىتاي سپورتشىلارىنا «سىيلاعان» بولاتىن. ەندى ولار ەۆگەني پليۋششەنكو جانە  ايدىندا بيلەۋدەن فاۆوريت سانالاتىن ماكسيم شابالين مەن وكسانا دومنينادان ءۇمىت كۇتەدى. ال، ءبىزدىڭ قۇرام ءۇشىن قىسقى وليمپيادا اياقتالعان سەكىلدى. سەبەبى، بۇزىپ-جاراتىن ەشكىم دە قالمادى.