قوستاناي. 3 ناۋرىز. قازتاگ – مادەنيەتتەردى جاقىنداتۋدىڭ حالىقارالىق جىلىنا ارنالعان شارالار اياسىندا قوستاناي وبلىستىق اكىمدىگىنىڭ مادەنيەت باسقارماسى قىتايدىڭ كوركەمونەر ۇجىمىن گاسترولگە شاقىردى. 5 ناۋرىزدا ە.ومىرزاقوۆ اتىنداعى وبلىستىق فيلارمونيادا نانكيننەن كەلگەن ارتىستەردىڭ العاشقى كونتسەرتى بولادى. بۇل جايىندا مادەنيەت باسقارماسىنان حابارلاعان.

نانكين قالاسى – سەگىز ميلليون حالىق تۇراتىن قىتايدىڭ ەجەلگى استانالارىنىڭ ءبىرى. نانكين كوركەمونەر ءانسامبلىنىڭ قۇرامىندا ەڭ مىقتى انشىلەر، بيشىلەر، مۋزىكانتتار مەن تسيرك ارتىستەرى توپتاسقان. ۇجىم الەمنىڭ وننان استام ەلدەرىندە گاسترولدە بولعان. ونىڭ قازاقستانداعى گاسترولدەرى 1-8 ناۋرىز ارالىعىندا استانا، قوستاناي، قاراعاندى جانە الماتى قالالارىندا وتەدى.

باعدارلامادا اكروباتتاردىڭ «اينالمالى تارەلكالار»، «بامبۋك وراماسى»، «اينالامالى كورپە»، «كۇش» اتتى نومىرلەرى بار. كۇش پەن ەپتىلىكتى دجيۋ-دجيتسۋمەن بىرلەستىرە وتىرىپ ونەر كورسەتەتىن اكروباتتاردىڭ شەبەرلىگى كورەرمەندەردى ءتانتى قىلادى. «اينالامالى كورپە» باعدارلاماسى پەكيندە وتكەن «ءساۋىر كوكتەمى» حالىقارالىق فەستيۆالىنىڭ ەكىنشى جۇلدەسىنە يە بولعان.

حالىقتىق مۋزىكالاردى ورىنداۋشىلار چجان تسيان، ۆان يانتسزە، چجوۋ جۋن، يان ي  حالىقارالىق كونكۋرستار مەن فەستيۆالدەردىڭ جۇلدەگەرلەرى. ولار – نانكين ونەر ينستيتۋتىنىڭ تۇلەكتەرى. باعدارلامادا پيپا، گۋچجەن جانە ەرحۋ ءتارىزدى ۇلتتىق مۋزىكالىق اسپاپتار قولدانىلادى.

قوستاناي. 3 ناۋرىز. قازتاگ – مادەنيەتتەردى جاقىنداتۋدىڭ حالىقارالىق جىلىنا ارنالعان شارالار اياسىندا قوستاناي وبلىستىق اكىمدىگىنىڭ مادەنيەت باسقارماسى قىتايدىڭ كوركەمونەر ۇجىمىن گاسترولگە شاقىردى. 5 ناۋرىزدا ە.ومىرزاقوۆ اتىنداعى وبلىستىق فيلارمونيادا نانكيننەن كەلگەن ارتىستەردىڭ العاشقى كونتسەرتى بولادى. بۇل جايىندا مادەنيەت باسقارماسىنان حابارلاعان.

نانكين قالاسى – سەگىز ميلليون حالىق تۇراتىن قىتايدىڭ ەجەلگى استانالارىنىڭ ءبىرى. نانكين كوركەمونەر ءانسامبلىنىڭ قۇرامىندا ەڭ مىقتى انشىلەر، بيشىلەر، مۋزىكانتتار مەن تسيرك ارتىستەرى توپتاسقان. ۇجىم الەمنىڭ وننان استام ەلدەرىندە گاسترولدە بولعان. ونىڭ قازاقستانداعى گاسترولدەرى 1-8 ناۋرىز ارالىعىندا استانا، قوستاناي، قاراعاندى جانە الماتى قالالارىندا وتەدى.

باعدارلامادا اكروباتتاردىڭ «اينالمالى تارەلكالار»، «بامبۋك وراماسى»، «اينالامالى كورپە»، «كۇش» اتتى نومىرلەرى بار. كۇش پەن ەپتىلىكتى دجيۋ-دجيتسۋمەن بىرلەستىرە وتىرىپ ونەر كورسەتەتىن اكروباتتاردىڭ شەبەرلىگى كورەرمەندەردى ءتانتى قىلادى. «اينالامالى كورپە» باعدارلاماسى پەكيندە وتكەن «ءساۋىر كوكتەمى» حالىقارالىق فەستيۆالىنىڭ ەكىنشى جۇلدەسىنە يە بولعان.

حالىقتىق مۋزىكالاردى ورىنداۋشىلار چجان تسيان، ۆان يانتسزە، چجوۋ جۋن، يان ي  حالىقارالىق كونكۋرستار مەن فەستيۆالدەردىڭ جۇلدەگەرلەرى. ولار – نانكين ونەر ينستيتۋتىنىڭ تۇلەكتەرى. باعدارلامادا پيپا، گۋچجەن جانە ەرحۋ ءتارىزدى ۇلتتىق مۋزىكالىق اسپاپتار قولدانىلادى.

«حورەوگرافيالىق كومپوزيتسيالار قىتاي حالقىنىڭ ءومىرى مەنە تۇرمىسىنان حابار بەرەدى»، - دەپ اتاپ ءوتتى ۇيىمداستىرۋشىلار.

قىتايدىڭ رەسمي دەلەگاتسياسىنىڭ قۇرامىندا – قحر-دىڭ قازاقستانداعى ەلشىلىگىنىڭ مادەنيەت جونىندەگى ءبىرىنشى حاتشىسى، قحر مادەنيەت مينيسترلىگىنىڭ، نانكين قالالىق مادەنيەت باسقارماسىنىڭ، تەلەراديوسىنىڭ، ءباسپاسوزى مەن باسپاسىنىڭ وكىلدەرى بار. قىتاي دەلەگاتسياسى قوستانايدا بولعان كەزدە وبلىستىق مۇراجايدا، كوركەمسۋرەت گالەرەياسىندا بولىپ، جۋرناليستەر ءۇشىن ءباسپاسوز-ءماسليحاتىن وتكىزەدى.

بۇدان بۇرىن حابارلانعانىنداي، 1 ناۋرىزدا پاريجدەگى يۋنەسكو-نىڭ شتاب-پاتەرىندە مادەنيەتتەردى جاقىنداتۋدىڭ حالىقارالىق جىلىنىڭ سالتاناتتى اشىلۋى بولدى. مادەنيەتتەردى جاقىنداتۋدىڭ حالىقارالىق جىلىن جاريالاۋ تۋرالى ۇسىنىستى قازاقستان پرەزيدەنتى نۇرسۇلتان نازارباەۆ 2007 جىلدىڭ قىركۇيەك ايىندا بۇۇ باس اسسامبلەياسىنىڭ 62-ءشى سەسسياسىنىڭ جالپى پىكىرتالاستارى بارىسىندا جاساعان. قازاقستاننىڭ ۇسىنۋىمەن، ءازىربايجاننىڭ، ارمەنيانىڭ، يراننىڭ، رەسەيدىڭ جانە ۋكراينانىڭ بىرلەسكەن اۆتورلىعىمەن جاسالعان بۇل يدەيا يۋنەسكو-نىڭ باس كونفەرەنتسياسى تاراپىنان قولداۋ تاپتى. يۋنەسكو-نىڭ ۇسىنىسىنا سۇيەنە وتىرىپ بۇۇ-نىڭ باس اسسامبلەياسى2007 جىلعى 17 جەلتوقسانداعى رەزوليۋتسياسىمەن 2010 جىلدى مادەنيەتتەردى جاقىنداتۋدىڭ حالىقارالىق جىلى دەپ جاريالادى.