اتقارۋشى بيلىكتەگى اۋىس-ءتۇيىس ەندى وبلىس اكىمدەرى مەن مەملەكەتتىك ماڭىزى ەرەكشە قالالاردا جالعاسىن تاباتىن سياقتى. رەداكتسيامىزعا حابارلاسقان بەيرەسمي دەرەك كوزىنە سەنسەك، سولاي كورىنەدى. الايدا، بيلىكتەگى ورىنتاقتارعا بەلىنەن باتقان بۇرىنعى لاۋازىم يەلەرىنىڭ مانساپ اۋىستىرىپ جىرعايتىنى بولماسا، پالەندەي وزگەرىس كۇتپەي-اق قويعانىمىز ءجون. ماسەلەن، سارىباي قالمىرزاەۆ (سۋرەتتە). وسى ۋاقىتقا دەيىن بۇل كىسىنىڭ شىقپاعان توبەسى، الماعان «اسۋى» جوق. دەگەنمەن  ساكەڭ الماتىنى دا ءبىر توبە كورىپ قالاعا اكىم بولىپ كەلە جاتقانعا ۇقسايدى. ال الماتى قالاسىنىڭ  قازىرگى اكىمى ەسىموۆ مىرزا جاقسىلاپ تۇرىپ ەسىنەپ الىپ الماتى وبلىسىن باسقارۋعا بارادى-مىس. «ۇمبەتوۆتى ەلباسى تاعى دا قۇتقارىپ قالادى» دەيدى بىزگە ءمالىم دەرەك كوزى. تاعى دا دەۋىنە سەبەپ، سەرىك ۇمبەتوۆ جامبىل وبلىسىنىڭ اكىمى بولعان كەزدە  قۇلاندى اۋدانىندا  قاتتى جەر سىلكىنىپ، جۇرت باسپاناسىز قالعان. باسپانا تۇرعىزۋ جۇمىسىن شابان جۇرگىزگەن ۇمبەتوۆكە پرەزيدەنت نازارباەۆتىڭ  «مەن ساعان ءبىر قالا سالاتىنداي جاعداي تۋعىزدىم ەمەس پە؟!» دەپ كەيىپ، ارتىنان اۋىلشارۋاشىلىعىنىڭ ءمينيسترى ەتىپ تاعايىنداپ جىبەرگەنى ەسىمىزدە. «قىزىلاعاشتى الاپات تاسقىن العان زامان» دەپ كەيىن ايتىلاتىن كۇندەردە الماتى وبلىسىنىڭ اكىمى اتانعان ۇمبەتوۆ وسى جولى دا  قۇرامى جاڭادان جاساقتالىپ جاتقان ۇكىمەت مۇشەلەرىنىڭ ءبىرى بولىپ شىعا كەلسە تاڭ قالمايمىز.

اتقارۋشى بيلىكتەگى اۋىس-ءتۇيىس ەندى وبلىس اكىمدەرى مەن مەملەكەتتىك ماڭىزى ەرەكشە قالالاردا جالعاسىن تاباتىن سياقتى. رەداكتسيامىزعا حابارلاسقان بەيرەسمي دەرەك كوزىنە سەنسەك، سولاي كورىنەدى. الايدا، بيلىكتەگى ورىنتاقتارعا بەلىنەن باتقان بۇرىنعى لاۋازىم يەلەرىنىڭ مانساپ اۋىستىرىپ جىرعايتىنى بولماسا، پالەندەي وزگەرىس كۇتپەي-اق قويعانىمىز ءجون. ماسەلەن، سارىباي قالمىرزاەۆ (سۋرەتتە). وسى ۋاقىتقا دەيىن بۇل كىسىنىڭ شىقپاعان توبەسى، الماعان «اسۋى» جوق. دەگەنمەن  ساكەڭ الماتىنى دا ءبىر توبە كورىپ قالاعا اكىم بولىپ كەلە جاتقانعا ۇقسايدى. ال الماتى قالاسىنىڭ  قازىرگى اكىمى ەسىموۆ مىرزا جاقسىلاپ تۇرىپ ەسىنەپ الىپ الماتى وبلىسىن باسقارۋعا بارادى-مىس. «ۇمبەتوۆتى ەلباسى تاعى دا قۇتقارىپ قالادى» دەيدى بىزگە ءمالىم دەرەك كوزى. تاعى دا دەۋىنە سەبەپ، سەرىك ۇمبەتوۆ جامبىل وبلىسىنىڭ اكىمى بولعان كەزدە  قۇلاندى اۋدانىندا  قاتتى جەر سىلكىنىپ، جۇرت باسپاناسىز قالعان. باسپانا تۇرعىزۋ جۇمىسىن شابان جۇرگىزگەن ۇمبەتوۆكە پرەزيدەنت نازارباەۆتىڭ  «مەن ساعان ءبىر قالا سالاتىنداي جاعداي تۋعىزدىم ەمەس پە؟!» دەپ كەيىپ، ارتىنان اۋىلشارۋاشىلىعىنىڭ ءمينيسترى ەتىپ تاعايىنداپ جىبەرگەنى ەسىمىزدە. «قىزىلاعاشتى الاپات تاسقىن العان زامان» دەپ كەيىن ايتىلاتىن كۇندەردە الماتى وبلىسىنىڭ اكىمى اتانعان ۇمبەتوۆ وسى جولى دا  قۇرامى جاڭادان جاساقتالىپ جاتقان ۇكىمەت مۇشەلەرىنىڭ ءبىرى بولىپ شىعا كەلسە تاڭ قالمايمىز. قۇرامى جاڭادان جاساقتالىپ جاتقان ۇكىمەتتىڭ تورىندەگى «ۋاقىتشا ۇكىمەتباسشىسى»  ءماسىموۆ ۇلتتىق كومپانيالاردىڭ بىرىنە اۋىسادى دەگەن ءسوز استانا جاقتا گۋلەپ تۇر.
استانانىڭ اكىمى يمانعالي تاسماعامبەتوۆ ءابىش كەكىلباەۆتان بوساعان سەناتور ورىنتاعىنا جايعاسپاق ەكەن.
الايدا مۇنىڭ ءبارى ىقتيمال وزگەرىستەر. ويتكەنى بىزدە قوسىلعىشتاردىڭ ورىندارى اۋىسقانىمەن قوسىندىنىڭ وزگەرمەيتىنى ابدەن دالەلدەنىپ بولدى ەمەس پە؟..

«اباي-اقپارات».