قىرعىز وپپوزيتسياسى قايتا "قىرسىقتى". اقاەۆتى اتتان قۇلاتقان، باكيەۆتى بيلىككە اكەلگەن ىقپالدى توپتاردىڭ اراسىنداعى تارتىس تاعى ءورشىپ، ەلدەگى دۇربەلەڭ تالاس وبلىسىنىڭ باسشىلىعىنا تالاستان باستالدى. وپپوزيتسيا وكىلدەرى وبلىسقا باسشىلىققا بالاما ادامدى تاعايىنداعاندارىن مالىمدەپ، ميليتسيانى ىعىستىرىپ عيماراتتى باسىپ الدى. جاعدايدى باقىلاۋدا ۇستاۋ ءۇشىن بىشكەكتەن تالاسقا ارنايى جاساق ۇشىپ بارىپ، عيمارات قايتادان ۇكىمەت وكىلدەرىنىڭ قولىنا كوشتى. قالاداعى جاعدايدى ءوز باقىلاۋىنا العان قۇقىق قورعاۋشىلار ەندى وپپوزيتسيانى جاۋاپقا تارتىپ جاتىر. «اتا مەكەن» پارتياسىنىڭ باسشىسى ومىربەك تەكەباەۆ اقش پەن رەسەي ەلشىلىگىنەن كومەك سۇرادى. بۇگىن ءوتۋى ءتيىس قۇرىلتايعا تيىم سالىندى. "تالاستاعى بەيبەرەكەتسىزدىككە ۇيىتقى بولعاندار قاتاڭ جازالانادى", - دەيدى پرەمەر-مينيستر دانيار ۇسەنوۆ.
كەشە ماسكەۋدەن ۇشىپ كەلگەن «اكشۋمكار» پارتياسىنىڭ جەتەكشىسى تەمىر ساريەۆ اۋجەيدا تۇتقىنعا الىندى. وعان دەيىن «اتا مەكەن» پارتياسىنىڭ باسشىسى ومىربەك تەكەباەۆ، سوتسيال-دەموكراتيالىق پارتياسىنىڭ جەتەكشىلەرى يسا ومىرقۇلوۆ پەن ەميل قاپتاعاەۆتار قامالعان بولاتىن. ال وسى تۇندە وپپوزيتسيالىق حالىقتىق قوزعالىستىڭ جەتەكشىسى المازبەك اتامباەۆ تا بىشكەكتەگى ءوزى ۇيىندە تۇتقىندالدى.

"اباي-اقپارات"

قىرعىز وپپوزيتسياسى قايتا "قىرسىقتى". اقاەۆتى اتتان قۇلاتقان، باكيەۆتى بيلىككە اكەلگەن ىقپالدى توپتاردىڭ اراسىنداعى تارتىس تاعى ءورشىپ، ەلدەگى دۇربەلەڭ تالاس وبلىسىنىڭ باسشىلىعىنا تالاستان باستالدى. وپپوزيتسيا وكىلدەرى وبلىسقا باسشىلىققا بالاما ادامدى تاعايىنداعاندارىن مالىمدەپ، ميليتسيانى ىعىستىرىپ عيماراتتى باسىپ الدى. جاعدايدى باقىلاۋدا ۇستاۋ ءۇشىن بىشكەكتەن تالاسقا ارنايى جاساق ۇشىپ بارىپ، عيمارات قايتادان ۇكىمەت وكىلدەرىنىڭ قولىنا كوشتى. قالاداعى جاعدايدى ءوز باقىلاۋىنا العان قۇقىق قورعاۋشىلار ەندى وپپوزيتسيانى جاۋاپقا تارتىپ جاتىر. «اتا مەكەن» پارتياسىنىڭ باسشىسى ومىربەك تەكەباەۆ اقش پەن رەسەي ەلشىلىگىنەن كومەك سۇرادى. بۇگىن ءوتۋى ءتيىس قۇرىلتايعا تيىم سالىندى. "تالاستاعى بەيبەرەكەتسىزدىككە ۇيىتقى بولعاندار قاتاڭ جازالانادى", - دەيدى پرەمەر-مينيستر دانيار ۇسەنوۆ.
كەشە ماسكەۋدەن ۇشىپ كەلگەن «اكشۋمكار» پارتياسىنىڭ جەتەكشىسى تەمىر ساريەۆ اۋجەيدا تۇتقىنعا الىندى. وعان دەيىن «اتا مەكەن» پارتياسىنىڭ باسشىسى ومىربەك تەكەباەۆ، سوتسيال-دەموكراتيالىق پارتياسىنىڭ جەتەكشىلەرى يسا ومىرقۇلوۆ پەن ەميل قاپتاعاەۆتار قامالعان بولاتىن. ال وسى تۇندە وپپوزيتسيالىق حالىقتىق قوزعالىستىڭ جەتەكشىسى المازبەك اتامباەۆ تا بىشكەكتەگى ءوزى ۇيىندە تۇتقىندالدى.

"اباي-اقپارات"