اسقار اقاەۆتىڭ تۇسىندا قىرعىزستاننىڭ قازاقستانداعى توتەنشە جانە وكىلەتتى ەلشىسى بولعان اكبار رىسقۇلوۆ مىرزامەن 7 ءساۋىر وقيعاسىنا بايلانىستى سۇحباتتاسۋدىڭ ءساتى ءتۇستى.

-         اكبار بايكە، اقپارات كوزدەرى كەشەدەن بەرى «باكيەۆ ەلدەن قاشىپ كەتتى» دەپ جاتىر. راس پا؟

-         راس. بوي تاسالاپ كەتتى.

-         قايدا بارىپ جاسىرىنعانىنان ەرۋىلشىلەر حاباردار ما؟

-         شاعىن سامولەتكە ءمىنىپ ۇشىپ كەتىپتى دەپ ەستىپ جاتىرمىز. بىرەۋلەر ونى قازاقستاندا ءجۇر دەيدى. بىرەۋلەر وش قالاسىندا دەسەدى. دۇرىسى سول - وش بولسا كەرەك. ول الىسقا ۇزاي قويعان جوق. مەنىڭشە باكيەۆ وشتا تىعىلىپ وتىر.

-         ەكىنشى مەرزىمگە سايلانعان ەلباسشىسىنىڭ بوي تاسالاپ كەتكەنى نەسى؟ وپپوزيتسيا وكىلدەرىمەن كەزدەسىپ ءبىر مامىلەگە كەلمەدى مە ەكەن؟

-         ولاي ەتۋگە ونىڭ ەش مۇمكىندىگى قالعان جوق. ءوزى بيلىك باسىنا توڭكەرىسپەن كەلىپ ەدى. توڭكەرىسپەن العان بيلىگىن تەك جەكە باسىنىڭ، اينالاسىنا جاقىن ادامداردىڭ مۇددەسىنە عانا پايدالاندى. سونى كورىپ ءبىلىپ كەلگەن حالىق اقىرىندا قاتتى اشىنىپ، وسىلايشا ەرەۋىلگە شىعۋعا ءماجبۇر بولدى.

-         نەگىزى دۇربەلەڭ تالاس وبلىسىنا گۋبەرناتور سايلاۋدان شىقتى ەمەس پە؟

-         ءيا.

-         ەرەۋىلدى سوندا كىمدەر ۇيىمداستىردى؟

اسقار اقاەۆتىڭ تۇسىندا قىرعىزستاننىڭ قازاقستانداعى توتەنشە جانە وكىلەتتى ەلشىسى بولعان اكبار رىسقۇلوۆ مىرزامەن 7 ءساۋىر وقيعاسىنا بايلانىستى سۇحباتتاسۋدىڭ ءساتى ءتۇستى.

-         اكبار بايكە، اقپارات كوزدەرى كەشەدەن بەرى «باكيەۆ ەلدەن قاشىپ كەتتى» دەپ جاتىر. راس پا؟

-         راس. بوي تاسالاپ كەتتى.

-         قايدا بارىپ جاسىرىنعانىنان ەرۋىلشىلەر حاباردار ما؟

-         شاعىن سامولەتكە ءمىنىپ ۇشىپ كەتىپتى دەپ ەستىپ جاتىرمىز. بىرەۋلەر ونى قازاقستاندا ءجۇر دەيدى. بىرەۋلەر وش قالاسىندا دەسەدى. دۇرىسى سول - وش بولسا كەرەك. ول الىسقا ۇزاي قويعان جوق. مەنىڭشە باكيەۆ وشتا تىعىلىپ وتىر.

-         ەكىنشى مەرزىمگە سايلانعان ەلباسشىسىنىڭ بوي تاسالاپ كەتكەنى نەسى؟ وپپوزيتسيا وكىلدەرىمەن كەزدەسىپ ءبىر مامىلەگە كەلمەدى مە ەكەن؟

-         ولاي ەتۋگە ونىڭ ەش مۇمكىندىگى قالعان جوق. ءوزى بيلىك باسىنا توڭكەرىسپەن كەلىپ ەدى. توڭكەرىسپەن العان بيلىگىن تەك جەكە باسىنىڭ، اينالاسىنا جاقىن ادامداردىڭ مۇددەسىنە عانا پايدالاندى. سونى كورىپ ءبىلىپ كەلگەن حالىق اقىرىندا قاتتى اشىنىپ، وسىلايشا ەرەۋىلگە شىعۋعا ءماجبۇر بولدى.

-         نەگىزى دۇربەلەڭ تالاس وبلىسىنا گۋبەرناتور سايلاۋدان شىقتى ەمەس پە؟

-         ءيا.

-         ەرەۋىلدى سوندا كىمدەر ۇيىمداستىردى؟

-         وپپوزيتسيا وكىلدەرى. ال وپپوزيتسيانىڭ جەتەكشىلەرى بولسا تەگىس قاماۋعا الىنعان ەدى. ءبارىن شەتىنەن قاماپ، جوق قىلىپ بىلگەنىن جاساپ باققان ديكتاتوردىڭ بيلىكتەن العان «سىباعاسى» اقىرى وسى بولدى.

-         وپپوزيتسيانىڭ ۇيىمداستىرۋشىلىق قابىلەتى جوعارى ەكەن سىزدەردە...

-         ويتكەنى ولاردى حالىق قولداپ كەتتى عوي. وپپوزيتسيانىڭ ساياسي كۇرەسىندەگى ءماندى تۇسىنگەن حالىق ەندى قاراپ وتىرۋ جارامايدى دەپ، ولاردى قولدادى. جۇرتشىلىقتىڭ جاپپاي ەرەۋىلگە شىعىپ كەتۋىنىڭ نەگىزىگى سەبەبى - وسى.

-         ەلدەگى قازبا بايلىقتارعا، مىسالى التىن كەنىنە رەسەيلىكتەر يەلىك ەتەدى دەگەندى ەستيمىز...

-         جوق، ولاي ەمەس. قىرعىز جەرىندەگى بارلىق بايلىقتى، بيزنەستى باكيەۆتىڭ اينالاسى باسىپ العان.

-         باكيەۆتىڭ باۋىرلارى مەن جاقىن ادامدارى دا قاشىپ كەتكەن بولار؟

-         ولار كوپ دۇنيە مۇلىكتى سىرتقا شىعارىپ ۇلگەرگەن كورىنەدى. بىراق قاشىپ ۇلگەرە المادى.

-         ەندى ولاردى قايتپەكسىزدەر؟

-         ولاردىڭ اق قاراسىن ۋاقىتشا وكىمەت ءوز قۇزىرىنا الاتىن شىعار.

-         بىشكەكتە ۋاقىتشا وكىمەت قۇرىلدى عوي؟

-         ءيا، قۇرىلدى. ۋاقىتشا وكىمەتتىڭ باسشىلىعىنا روزا وتىنباەۆا تاعايىندالدى. بىشكەكتىڭ مەرى مىندەتىن پارلامەنت دەپۋتاتى يسا ومارقۇلوۆ اتقارۋدا. بىشكەكتىڭ كومەندانتى تۇرات مادالبەكوۆ بولدى.

-         ەرەۋىلشىلەردىڭ اراسىندا دا، باكيەۆ بيلىگىن قورعاماق بولعان قارۋلى كۇشتەردىڭ جاعىنان دا ادام شىعىنى بولدى دەپ ەستىپ جاتىرمىز...

-         ادام شىعىنى تۋرالى ناقتى دەرەگىم جوق. قالاي دەگەندەدە ەل امان. قازاق-قىرعىز ءبىر تۋعان حالىقپىز عوي. الاڭداپ احۋال ءبىلىپ جاتقاندارىڭا شوڭ راحمات! قازاق حالقىنا سالەم دەڭىز. ءبىز تۋرالى جاڭساق سوزدەرگە بوي الدىرماي، ەكى ەلدىڭ بۇرىننان بار بەرەكە بىرلىگىنە سەنىمدى بولسىن. قايتەمىز، بىزدەگى جاعداي وشۋنداي بولىپ تۇر...

سۇحباتتاسقان - داۋرەن قۋات

P.S. اكبار بايكەگە قوياتىن ساۋالىمىز ءالى دە كوپ ەدى، الايدا اراداعى تەلەفون بايلانىسى كەنەتتەن ناشارلاپ كەتكەندىكتەن سۇحباتىمىزدى قىسقا قايىرۋعا تۋرا كەلدى.

اكبار رىسكۋلوۆ -

ازيادا ات وينوتكون ەلدەنبيز
ازاپتى دا، توزوكتۋ دا جەنگەنبيز، - دەپ جىرلاعان قىرعىز اقىنى.  ەڭبەك جولىن «لەنينشىل جاش» گازەتىنەن باستاعان جورنالشى، پۋبليتسيست. ول 1994-2000 جىلدار ارالىعىندا ءبىزدىڭ ەلدە ەلشىلىك ميسسياسىن اتقارىپ، ەكى مەملەكەت اراسىنداعى  قارىم قاتىناستى زاماناۋي دەڭگەيگە لايىقتاپ، ەڭبەك ەتكەن تۇلعا. قازاقستاننان كەيىن ول مالايزيادا ەلشى بولدى. قازىر كاسىپسىز. بىشكەكتەگى ۇيىندە جەكە شىعارماشىلىق جۇمىستارىمەن شۇعىلدانادى.