قابيدوللا شولاقوۆ وبلىستىق پروكۋراتۋرا الدىنا وسى ماشيناسىمەن كەلگەن. ونىڭ ورتەنگەن اياق كيىمى. اتىراۋ، 26 مامىر، 2009 جىل.

26 مامىردا، تاڭەرتەڭ 52 جاسار قابيدوللا شولاقوۆ اتىراۋ وبلىستىق پروكۋراتۋرا الدىندا ۇستىنە بەنزين قۇيىپ، وزىنە-ءوزى وت قويدى. ونىڭ مۇنداي جانپيدالىق ارەكەتكە بارۋىنا ادام ولىمىنە قاتىسى بار دەگەن ايىپپەن قاماۋدا وتىرعان ۇلى ماحامبەتتى اقتاۋ ءۇشىن زاڭ وكىلدەرىنىڭ 15 مىڭ دوللار پارا سۇراعانى سەبەپ بولعان دەيدى تۋىستارى.

دەنەسىنىڭ 94 پايىزى كۇيىپ قالعان شولاقوۆتىڭ جاعدايى اۋىر

وتقا ورانعان جانكەشتىنىڭ ۇستىندەگى ءورتتى ارناۋلى ءورت سوندىرگىشپەن سوندىرگەن وبلىستىق پروكۋراتۋرا كۇزەتشىلەرى بىردەن «جەدەل جاردەم» شاقىرعان كورىنەدى. الايدا دارىگەرلەردىڭ ونىڭ تۋىسقاندارىنا حابارلاعان بولجامى بويىنشا، ق.شولاقوۆتىڭ دەنەسىنىڭ 94 پايىزى كۇيىپ قالعان.

وبلىستىق پروكۋراتۋرانىڭ كىرەبەرىس ەسىگى. اتىراۋ، 26 مامىر، 2009 جىل.

قابيدوللا شولاقوۆ وبلىستىق پروكۋراتۋرا الدىنا وسى ماشيناسىمەن كەلگەن. ونىڭ ورتەنگەن اياق كيىمى. اتىراۋ، 26 مامىر، 2009 جىل.

26 مامىردا، تاڭەرتەڭ 52 جاسار قابيدوللا شولاقوۆ اتىراۋ وبلىستىق پروكۋراتۋرا الدىندا ۇستىنە بەنزين قۇيىپ، وزىنە-ءوزى وت قويدى. ونىڭ مۇنداي جانپيدالىق ارەكەتكە بارۋىنا ادام ولىمىنە قاتىسى بار دەگەن ايىپپەن قاماۋدا وتىرعان ۇلى ماحامبەتتى اقتاۋ ءۇشىن زاڭ وكىلدەرىنىڭ 15 مىڭ دوللار پارا سۇراعانى سەبەپ بولعان دەيدى تۋىستارى.

دەنەسىنىڭ 94 پايىزى كۇيىپ قالعان شولاقوۆتىڭ جاعدايى اۋىر

وتقا ورانعان جانكەشتىنىڭ ۇستىندەگى ءورتتى ارناۋلى ءورت سوندىرگىشپەن سوندىرگەن وبلىستىق پروكۋراتۋرا كۇزەتشىلەرى بىردەن «جەدەل جاردەم» شاقىرعان كورىنەدى. الايدا دارىگەرلەردىڭ ونىڭ تۋىسقاندارىنا حابارلاعان بولجامى بويىنشا، ق.شولاقوۆتىڭ دەنەسىنىڭ 94 پايىزى كۇيىپ قالعان.

وبلىستىق پروكۋراتۋرانىڭ كىرەبەرىس ەسىگى. اتىراۋ، 26 مامىر، 2009 جىل.

قازىر قابيدوللا شولاقوۆ وبلىستىق اۋرۋحانادا جاتىر. بىراق، رەانيماتسيا بولىمىندەگى دارىگەرلەر ناۋقاستىڭ جاعدايى تۋرالى «اسا اۋىر» دەگەننەن باسقا ناقتى اقپارات ايتۋدان باس تارتىپ وتىر. الايدا ناۋقاستىڭ تۋىستارى وبلىستا كۇيىك ءبولىمى جوق بولعاندىقتان، دارىگەرلەردىڭ ناۋقاستىڭ ءومىرىن ساقتاپ قالا الاتىندارىنا كۇماندى.
- بىزگە ءبىر پوليتسيا قىزمەتكەرى تەلەفون شالىپ، بولعان وقيعانى حابارلادى. جالما-جان كەلگەنىمىزدە پروكۋراتۋرانىڭ الدىن ءبارىن سىپىرىپ، تازالاپ قويىپتى. ءىنىم قابيدوللانى اۋرۋحاناعا الىپ كەتىپتى، - دەپ مالىمدەدى ازاتتىق تىلشىسىنە قۇبايدوللا شولاقوۆ. - ءبىز بىردەن پروكۋروردى تالاپ ەتتىك. وبلىس پروكۋرورىنىڭ ورىنباسارى حابيبۋللا قاسىموۆ شىعىپ ءبىزدى تىنىشتاندىرۋعا تىرىستى. وسى وقيعادان كەيىن ىلە-شالا وبلىستىق پروكۋراتۋرانىڭ كىرە بەرىس قاقپاسىنا ارناۋلى كۇزەت قويىلدى. ولار پروكۋراتۋرانىڭ ىشىنە بوگدە ادامداردىڭ كىرىپ كەتپەۋىن قاداعالاۋمەن بولدى.

شولاقوۆ پوليتسيا سۇراعان سومانى تاۋىپ بەرە الماي وزىنە-ءوزى قول جۇمساعان

جانپيدالىققا بارعان قابيدوللا شولاقوۆتىڭ تۋىستارى ونىڭ بۇل ارەكەتىن ادىلەتسىز جۇرگىزىلگەن تەرگەۋگە بايلانىستى جاساعان نارازىلىعى دەيدى. ونىڭ ايەلى ناسيحات شولاقوۆا كۇيەۋىنىڭ مۇنداي ارەكەتكە باراتىنى جايلى الدىن-الا بىلمەگەنىن ايتادى.
- سوڭعى بىرنەشە كۇن بويى ول مازاسىزدانىپ، قارىزعا اقشا ىزدەپ ءجۇردى. قۇقىق ورگاندارىنداعىلاردىڭ ءبىرى «15 مىڭ دوللار بەرسە جازىقسىز بالامىزدى قاماۋدان شىعارىپ بەرەتىنى جايلى ۇسىنىس بىلدىرگەن» كورىنەدى، - دەيدى ناسيحات شولاقوۆا.
تۋىستارىنىڭ ايتۋىنشا، نە ادىلدىككە جەتە الماي، نە پوليتسيا قىزمەتكەرلەرى سۇراعان 15 مىڭ دوللار اقشانى تابا الماي تىعىرىققا تىرەلگەن قابيدوللا وسىنداي ارەكەتكە امالسىزدان بارعان. ايتپەسە ورتەنگەن قابيدوللا شولاقوۆ وتە سالماقتى، كوپ سويلەمەيتىن، بىرتوعا ادام ەكەن.
- ادۆوكاتپەن بىرگە بارىپ مارقۇم دارحان ولجاعاليەۆتى ۇرعان بالالاردىڭ وزىمەن سويلەسكەن ەدىك. ولاردىڭ ءبارى وبلىس پروكۋرورىنىڭ اتىنا ءىستىڭ ءمان-جايىن بايانداپ، وزدەرىنىڭ قىلمىسقا قاتىستارى بار ەكەندىكتەرىن مويىنداپ ارىز جازعان بولاتىن. ال 2-3 كۇننەن كەيىن ءىىد-نە اپارعاندا ونداعىلىر بالالاردى قورقىتىپ، «ءبىز سەندەردى سوتتايمىز» دەپ باسقاشا ايعاق العان. ال دارحاندى ۇرىپ قۇلاتقان باسقا بالا دا، ونى تەپكىلەگەن ءبىزدىڭ بالامىز ابىلاي. ونى وزدەرى ايتقانىمەن، وسى ىسكە قاتىسقان قالعان بالالار اتا-انالارى جەڭ ۇشىنان جالعاسىپ ءىستى جاۋىپ وتىر. مۇنىڭ ارتىندا ۇلكەن اقشا تۇر. سەبەبى، بۇل قىلمىستى بۇلايشا بۇرمالاۋ ۇلكەن قاراجاتتى تالاپ ەتەدى، - دەپ مالىمدەدى قاليدوللا شولاقوۆ ازاتتىق تىلشىسىنە.
اۋىر جاعدايدا جاتقان قابيدوللا شولاقوۆتىڭ تاعى ءبىر اعاسى قۇبايدوللانىڭ ايتۋىنشا، «قۇقىق ورگاندارى ءۇشىن اكىمشىلىككە، مەكتەپكە تيىسپەۋ ىڭعايلى».
- ويتكەنى، مەكتەپتەگى تاربيەنىڭ ناشارلىعى، ءتارتىپتىڭ جوقتىعى ءبىلىم باسقارماسىنا ءسوز اكەلەدى، ال ءبىلىم باسقارماسى ءوز ارتىنان اكىمشىلىكتى سۇيرەپ كەتۋى مۇمكىن. قۇقىق ورىندارى بىزگە سوت ءادىلىن شەشەدى دەيدى. سوندا ءادىلىن شەشەتىن قازاقستاننىڭ سوتى ما؟ وسىنىڭ بارىنە نازاربەۆتىڭ قۇرعان جەمقور جۇيە كىنالى، - دەپ سانايدى قۇبايدوللا شولاقوۆ.
ءوزىن ءوزى ورتەگەن قابيدوللانىڭ تۋىستارى وسى ماسەلەمەن وبلىس اكىمى بەرەگي رىسقاليەۆكە دە بارىپتى. ول دا ءىستى «ءوز باقىلاۋىما الام» دەپ ۋادە بەرۋمەن شەكتەلگەن.

«بۇل ءىستى ساياساتقا اينالدىرماڭدار»

ال بىرنەشە ساعاتتان كەيىن وبلىستىق پروكۋروردىڭ  مىندەتىن اتقارۋشى باقبەرگەن قوسىمباەۆ پەن ءىىد باستىعى قايرات سۇنتاەۆ جۋرناليستەر ءۇشىن بريفينگ وتكىزدى.
ىشكى ىستەر دەپارتامەنتى باستىعى قايرات سۇنتاەۆ پوليتسيا جۇرگىزگەن تەكسەرۋ قورتىندىسىن دۇرىس دەپ حابارلادى. قايرات سۇنتاەۆتىڭ سوزىنە سۇيەنسەك، وسى جىلدىڭ 4 ناۋىرىزىندا ولتىرىلگەن 15 جاسار دارحان ولجاعاليەۆتىڭ ولىمىنە قاتىستى بىرنەشە ازامات تۇتقىندالعان. ولاردىڭ اراسىندا ءوزىن ءوزى ورتەگەن ق.شولاقوۆتىڭ ۇلكەن ۇلى 18 جاسار ماحامبەت شولاقوۆ تا بار.
پوليتسيا باسشىسى قىلمىستىق ىسكە بايلانىستى ءتيىستى ايعاقتار جينالىپ، ولار دالەلدەنگەن دەپ وتىر. ال 25 مامىر كۇنى پوليتسيا تەرگەۋ ءىسىن اياقتاپ ونى پروكۋراتۋراعا وتكىزىپتى.
«الايدا ق.شولاقوۆ تەرگەۋ بارىسىنا ۇنەمى نارازىلىق ايتىپ ءجۇردى. ول ۇلكەن ۇلىن قاماۋدان بوساتىپ، كىشى بالاسىن توبىمەن بىرگە تۇتقىنعا الۋدى سۇراعان. بۇل تالاپتى ولگەن بالانىڭ اكە-شەشەسى دە بىرنەشە مارتە قويدى» ،- دەيدى ق.سۇنتاەۆ.
ءىىد باستىعى ق.سۇنتاەۆ «ەندى، ءسوز جوق، باس پروكۋراتۋرادان، ىشكى ىستەر مينيسترلىگىنەن تەكسەرۋ كەلەدى. ءبىز ءىستى دۇرىس قاراعانىمىزدى دالەلدەپ بەرەمىز»، - دەيدى.
بريفينگكە قاتىسقان پروكۋرور مەن پوليتسيا باستىقتارى جانكەشتىلىككە بارعان ق.شولاقوۆتىڭ ءوز ەسەبى بار دەگەن پىكىردە. ياعني «ەگەر جاۋاپقا كامەلەتكە تولماعان بالا تارتىلسا، وعان بەرىلەتىن جازا جەڭىلدەۋ بولار ەدى. ول اكە رەتىندە سوعان قول جەتكىزۋگە تىرىستى» دەدى ولار.
بريفينگە قاتىسقان جسدپ-نىڭ اتىراۋداعى فيليالىنىڭ جەتەكشىسى جۇماباي دوسپانوۆ قۇقىق ورگاندارىنىڭ باسشىلارىنا: «مەنىڭ قولىما قىلمىستى ناعىز جاساعان بالالاردىڭ وبلىس پروكۋرورى ش.سارتاەۆتىڭ اتىنا جازعان شاعىمدارى تۇسكەن ەدى. الايدا ءىىد تەرگەۋدەن وتكەن سوڭ ولاردىڭ جاڭاعى سوزدەرى وزگەرتىلگەن. ونىڭ سەبەبى نەدە؟» - دەگەن ساۋال قويعان ەدى.
وعان وبلىس پروكۋرورىنىڭ مىندەتىن اتقارۋشى باقبەرگەن قوسىمباەۆ «بۇل جايدى اشەيىن بولعان قىلمىستىق ءىس دەپ سيپاتتاپ، ونى ساياساتتاندىرماۋدى» سۇرادى.
- ءبىزدىڭ ءالى 10 كۇن مەرزىمىمىز بار. ءالى تەكسەرىپ كورەمىز، شىنىمەن دالەلدى دەپ تاپساق، ءىستى سوتقا جىبەرەمىز. قورتىندىسىن سودان سوڭ تاعى حابارلايمىز، - دەدى پروكۋرور.
بىراق ج.دوسپانوۆ «مۇنىڭ ارتىندا قۇقىق ورگاندارىنىڭ ىشىندەگى ۇلكەن سىبايلاس جەمقورلىق تۇر. ال بىزدەگى قۇقىق ورگاندارى تاعىلعان ايىپتى مويىنداتۋعا قانداي تاسىلمەن قول جەتكىزەتىنىن ءبارى بىلەدى» دەيدى.
ەستەرىڭىزگە سالا كەتسەك، 2009 جىلدىڭ 3 ناۋرىزىنان 4-ىنە قاراعان ءتۇنى اتىراۋداعى №26 مەكتەپتىڭ 15 جاسار 9 سىنىپ وقۋشىسى دارحان ولجاعاليەۆتى سىنىپتاس بالالار اقشا بەرمەگەنى ءۇشىن ۇرىپ ولتىرگەن ەدى. بۇل جايلى ازاتتىق جان-جاقتى جازعان بولاتىن.
وقۋشىلار ءبىلىم الاتىن مەكتەپتىڭ ديرەكتورى داناگۇل وتەباەۆا ءوز كرەسلوسىندا ءالى كۇنگە دەيىن مىعىم وتىر. وعان تەك ەسكەرتۋ عانا جاسالعان كورىنەدى. ال قىلمىسقا قاتىسى بار دەپ سانالعان جاسوسپىرىمدەر دە ساباقتارىن جالعاستىرۋدا.

ءسانيا تويكەن، 27.05.2009
«ازاتتىق» راديوسى، www.azattyq.org