قازاقستان فۋتبول فەدەراتسياسى (قفف) قازاق فۋتبولىنىڭ تاعدىرىن تاعى دا بەرند شتوركتىڭ قولىنا تاپسىردى. ەندى تاعى ءبىر جىل (مۇمكىن ەكى جىل) شتوركتىڭ جولىنا جاۋتەڭدەپ قاراپ وتىراتىن بولامىز. بىراق ونىڭ جولىنا قاراي-قاراي كوزىمىز تالعانى قاشان؟.. قۇرامامىز «ماڭگى اۋتسايدەر» اندوررانى جەڭىپ ءماز. انگليامەن كەزدەسۋدى «ۇلى تويعا» باعالاپ شۋىلداستىق. بەلورۋسسيامەن ەكى كەزدەسۋدە دە تاس-تالقان بولدىق. ۋكرايناعا التى ۇپايدى ءوز قولىمىزبەن «سىيعا» تارتتى ويىنشىلارىمىز. حورۆاتيا جاسىل الاڭدا «ويىنشىق» كوماندامەن ويناپ جۇرگەندەي تايراڭدادى. ءدال وسىنداي «ناتيجەگە» قۋانعان جانكۇيەر بولماعانى ايتپاسا دا تۇسىنىكتى. ال فەدەراتسيا بۇل كورسەتكىءشتى باس بارماقپەن باعالاپ، شتوركتى تاققا قايتا وتىرعىزدى. «قۇدا دا تىنىش، قۇداعي دا تىنىش».

قازاقستان فۋتبول فەدەراتسياسى (قفف) قازاق فۋتبولىنىڭ تاعدىرىن تاعى دا بەرند شتوركتىڭ قولىنا تاپسىردى. ەندى تاعى ءبىر جىل (مۇمكىن ەكى جىل) شتوركتىڭ جولىنا جاۋتەڭدەپ قاراپ وتىراتىن بولامىز. بىراق ونىڭ جولىنا قاراي-قاراي كوزىمىز تالعانى قاشان؟.. قۇرامامىز «ماڭگى اۋتسايدەر» اندوررانى جەڭىپ ءماز. انگليامەن كەزدەسۋدى «ۇلى تويعا» باعالاپ شۋىلداستىق. بەلورۋسسيامەن ەكى كەزدەسۋدە دە تاس-تالقان بولدىق. ۋكرايناعا التى ۇپايدى ءوز قولىمىزبەن «سىيعا» تارتتى ويىنشىلارىمىز. حورۆاتيا جاسىل الاڭدا «ويىنشىق» كوماندامەن ويناپ جۇرگەندەي تايراڭدادى. ءدال وسىنداي «ناتيجەگە» قۋانعان جانكۇيەر بولماعانى ايتپاسا دا تۇسىنىكتى. ال فەدەراتسيا بۇل كورسەتكىءشتى باس بارماقپەن باعالاپ، شتوركتى تاققا قايتا وتىرعىزدى. «قۇدا دا تىنىش، قۇداعي دا تىنىش».

فەدەراتسيا ماڭىنداعى فۋتبول «فاناتتارىنىڭ» سوزىنە سەنسەك، شتورك قازاق فۋتبولىنىڭ جاستارىن تاربيەلەپ جاتىر. ياعني، ەل فۋتبولىنىڭ بولاشاعىنىڭ ىرگەسىن قالاۋدا.  راس، بۇل دۇرىس شىعار. بىراق، ول ءىستى شتورك اتقارا المايدى. ىرگەسى قالانعان قازاق فۋتبولىن قايتا قۇلاتىپ، باياعى ءالاۋلايىنا باسىپ وتىر. اشىعىن ايتايىق، الاش جانكۇيەرلەرى ءوز جىگەرىنىڭ قۇم بولعانىنان جالىقتى. ەسىڭىزدە مە، سەربيانى الماتى تورىندە تۇقىرتقاندا كۇللى قازاق دالاسى قۋانىپ تۇردى ەمەس پە؟ قازاق جانكۇيەرى سول جەڭىستى ساعىنادى. ال ول جەڭىستى شتوركتىڭ سىيلايتىنىنا قازىر ەشكىم  سەنبەيدى. بىراق فەدەراتسيا سەنىپ وتىر.  «سەنگەن قويىم سەن بولساڭ...» دەمەي مە؟.. شىنى كەرەك، فەدەراتسيا فەدەراتسيا بولۋدان قالدى. ونى مويىنداعان ءجون. سول ماڭايدا جانى اشىر بىرەۋ بولسا جاقسىبەكوۆكە نەمەسە حاميتجانوۆقا «ويلانىڭدار» دەمەي مە؟ بىراق ەشكىم ۇندەمەيدى.

●ايتپاقشى، سايان حاميتجانوۆ كەيىنگى كەزدە جۋرناليستەرمەن قارىم قاتىناس جاساۋدىڭ  «جاڭالىعىن» اشتى. فۋتبولعا ارنالعان ءباسپاسوز ءماسليحاتىن ول قازىر «وزگەشە» وتكىزىپ ءجۇر.  تاۋدىڭ ەتەگىندە، اشىق اسپان استىندا ەت اسىپ جۋناليستەردى جيىپ، اڭگىمە دۇكەن قۇراتىندى تاپتى... بىلە بىلسەڭىز، «حاميتجانوۆتىڭ ءماسليحاتى» جاي ءباسپاسوز كلۋبىندا وتەتىن ءباسپاسوز ءماسليحاتىنان كوپ شىعىندى تالاپ ەتەدى. ال ونداي شىعىنعا حاميتجانوۆتىڭ قالتاسىنان  اقشاسى شىقپاسى انىق.

●قفف جىلدا ەلىمىزگە نە بلاتتەردى، نە ءپلاتينيدى شاقىرۋدى «يگى داستۇرگە» اينالدىردى. ولار كەلسە قازاق فۋتبولى گۇلدەنىپ كەتەتىندەي. گۇلدەنسە، قانە... قفف تۇسىنگەنى ءجون، ءپلاتينيدىڭ دە، بلاتتەردىڭ دە قولىندا سيقىرلى تاياقشا جوق!

●قازاق فۋتبولى پۋلتپەن الىستان باسقارىلاتىن «ويىنشىق» ەمەس. سوڭعى جەتى جىلدا ءبىزدىڭ فۋتبول پۋلتپەن باسقارىلدى. راحات اليەۆ اۆستريادا ءجۇرىپ، «ءوز شارۋاسىن» بىتىرگەنى بەلگىلى. ال جاقسىبەكوۆ ماسكەۋدە وتىرىپ-اق «ماسەلەنى» شەشتى. قازىر قورعانىس مينيسترلىگىنە بارعان جاقسىبەكوۆ (كوللاجعا قاراىڭىز) قاقپامىزدىڭ دا قورعانىسىنا كوڭىل بولەتىنىنە سەنەسىز بە؟.

ءتۇيىن

ايتا بەرسەك، قازاق فۋتبولىنىڭ بىلىعى كوپ. قالاي بولعاندا دا ەل فۋتبولىنىڭ «ەسىن جيعىزار» مەملەكەتتىك باعدارلاما جاسالۋى كەرەك.   بۇل ماسەلەگە ەلباسىدا پارمەن ەتسە يگى بولار ەدى. مەملەكەتتىك باعدارلاما جاساماي تۇرىپ، قفف باسشىلىعىن اۋىستىرسا... فۋتبولدى باسقاراتىن باسشى «قوس كەمەنىڭ قۇيرىعىن ۇستاماي» تەك اياقدوپ ماسەلەسىمەن اينالىسقانى ءجون. فەدەراتسيا دەڭگەيى - مينيسترلىكپەن، باسشىسىنىڭ دارەجەسى مينيسترمەن تەڭەستىرىلگەنى ابزال. «اۋرۋىن جاسىرعان ولەتىنىن» ەسكەرسەك، وسى ءماسەلەلەردى تەز رەتكە كەلتىرگەن ءجون. سونداي-اق، قازاق فۋتبولىنىڭ جانكۇيەرلەرى «ويىنشىق» كوماندانىڭ تاعدىرىمەن ويناپ جۇرگەندەردىڭ وتستاۆكاعا كەتۋىن دە تالاپ ەتەدى.