ەر جانىبەك باتىردىڭ 300 جىلدىعىنا وراي بالالار مەن جاسوسپىرىمدەر جانە قىزدار اراسىندا كيوكۋشينكاي-كان كاراتە بويىنشا سايىس ءوتتى.

         18 مارىر كۇنى استانا قالاسى ىرگەسىندەگى قوياندى اۋىلى ورتا مەكتەبىندە  ەر جانىبەك باتىردىڭ 300 جىلدىعىنا وراي بالالار مەن جاسوسپىرىمدەر جانە قىزدار اراسىندا كيوكۋشينكاي-كان كاراتە بويىنشا تسەلينوگراد اۋدانىنىڭ VI اشىق بىرىنشىلىگى ءوتتى.

اتالعان شارانى كيوكۋشينكاي-كان كاراتە فەداراتسيسى مەن قوياندى ورتا مەكتەبى بىرلىكتە ۇيىمداستىرىپ، سايىسقا اقمولا وبلىسى جانە استانا قالاسىنان 200 دەن اسا سپورتشىلار قاتىستى. جاس ەرەكشەلىكتەرىنە قاراي ءۇش ءتۇر بويىنشا وتكەن كاراتەلىق جارىس جۇلدەگەرلەرىنەن كومبەدەن كورىنگەن 66 ۇزدىككە جەكە-جەكە التىن، كۇمىس، قولا مەدالدار جانە ەر جانىبەك اتىنداعى ءتوس بەلگى مەن ماراپاتتار تاپسىرىلدى.

         شاراعا قاتىسۋشىلار ەرلەر رۋحى ارقىلى ەل مەرەيىن كوتەرۋدىڭ جارقىن ۇلگىسى بولعان بۇل باس قوسۋدىڭ بۇدان كەيىن دە جالعاسا بەرۋىن تىلەپ، شىنايى العىستارىن ءبىلدىردى.

جاندوس ەسەنامانوۆ،

ساعاي ارمان.

استانا-قوياندى.

اباي-اقپارات