24 مامىردا الماتىداعى جامبىل اتىنداعى قازاق مەملەكەتتىك فيلارمونياسىنىڭ كونتسەرت زالىندا اقىن، سازگەر، دراماتۋرگ، تاۋەلسىز «پلاتينالى تارلان» سىيلىعىنىڭ لاۋرەاتى، «پاراسات» وردەنىنىڭ يەگەرى يسرايل ساپاربايدىڭ «سەنىڭ تۋعان كۇنىڭدە» اتتى ادەبي-مۋزىكالىق (پوەزيا، ءان، بي) شىعارماشىلىق كەشى وتەدى دەپ حابارلايدى قازاقپارات. كەش ەرەكشە سىپاتتا وتپەك، ايىرماشىلىعى مەن وزگەشەلىگى - ۇلكەن-ۇلكەن ءۇش بىردەي ونەر سالاسىنىڭ، ياعني پوەزيا، ءان، ءبيدىڭ ءبىر-بىرىمەن كىرىگىپ، بىرىگىپ تۇتاستاي شىعارماشىلىق كەشكە اينالۋى بولماق. ارينە، بۇل اۆتور ءۇشىن دە، قويىلىم رەجيسسەرى ءۇشىن دە ۇلكەن ەڭبەكتى، ىجداعاتتى ىزدەنىستى قاجەت ەتەدى.

كەشكە تانىمال ەسترادا جۇلدىزدارىمەن قوسا تالانتتى جاس انشىلەر جانە ت.جۇرگەنوۆ اتىنداعى ونەر اكادەمياسىنىڭ ستۋدەنتتەرى قاتىسپاق. ايتا كەتۋ كەرەك، وتكەن جىلدىڭ 5-6 مامىرى كۇندەرى م.اۋەزوۆ اتىنداعى مەملەكەتتىك اكادەميالىق دراما تەاترىندا ي.ساپاربايدىڭ «ماحاببات ماۋسىمى» اتتى ادەبي-مۋزىكالىق ونەر كەشى وتكەن بولاتىن. بيىلعى كەشتەن قاپى قالماڭىزدار!

اباي-اقپارات