بۇگىن وڭتۇستىك امەريكاداعى فرانتسۋزدىق گۆياداناداعى "كۋرۋ" عارىش ايلاعىنان استانا ۋاقىتىمەن ساعات 7:35-تە ۇشىرىلادى دەپ جوسپارلانعان  «KazEOSat-1» اۋا رايى قولايسىزدىعى سالدارىنان كوككە كوتەرىلمەدى.  اتالمىش سپۋتنيك قازاقستاندىق گەولوگيا سالاسىنا جۇمىس ىستەۋى ءتيىس. جەر بەدەرى مەن عالامشار كليماتىن زەرتتەۋگە ارنالعان قازاقستاندىق تۇڭعىش جەر سەرىگىن ۇشىرۋعا فرانتسۋزدىق Arianspace كومپانياسىنى جاۋاپتى بولعان. «قازاقپاراتتىڭ» مالىمدەۋىنشە كۇشتى جەل سالدارىنان ۇشپاي قالعان جەر سەرىگى ازىرگە ءبىر تاۋلىككە شەگەرىلگەن. كەشە عانا «بايقوڭىر» عارىش ايلاعىنان قازاقستاندىق تەلەكوممۋنيكاتسياعا جۇمىس ىستەيتىن «قازسات-3» سپۋتنيگى ۇشىرىلدى. «پروتون-م» زىمىرانى ارقىلى كوككە كوتەرىلگەن سپۋتنيك كەڭىستىككە ءساتتى شىعارىلدى. سونداي-اق كەشە «قازاقستان عارىش» اگەنتتىگىنىڭ توراعاسى ەركىن ەشماعامبەتوۆ «قازسات-ء4»تىڭ جوباسىن تانىستىردى.

اباي-اقپارات