ەۋرازيالىق مەديا-فورۋمدا الىس-جاقىننان كەلگەن ساياساتكەرلەر مەن جۋرناليستەر كوپ بولدى. تۇستەن بۇرىنعى جينالىستا  اقش، روسسيا، يزرايليا، يران قاتارلى ەلدەردىڭ وكىلدەرى اراسىنداعى ءسوز تالاسى قىزۋ ءوتتى. تالداۋ تاقىرىبى كوبىنەسە ۋكرايناداعى ساياسي كريزيسكە تىرەلىپ وتىردى. تىپتەن رەسەي دۋماسىنىڭ دەپۋتاتى، ساياساتكەر كونستانتين زاتۋلينگە جۋرناليستەر تۇيدەكتەتە سۇراق قويعان ەدى، سونىڭ ءبىرى:

«سىزدەر قىرىمدا وتكىزىلگەن رەفەرەندۋمدى ادىلدىك دەپ قارايسىزدار، الايدا نەگە رەسەي قۇرامىنان شىققىسى كەلەتىن رەسپۋبليكالاردىڭ رەفەرەندۋمىن قولدامايسىزدار؟ مىسالى، شەشەنستاندى ايتۋعا بولادى»

كونستانتين زاتۋلين: «بۇل ەسكىرگەن ءىس. شەشەنستاندا قازىر تىنىشتىق، جاعداي وڭالعان. ولار قازىر رەفەرەندۋم وتكىزۋدى تالاپ ەتىپ وتىرعان جوق. ونىڭ ۇستىنە رەفەرەندۋم وتكەن جاعدايدا شەشەن حالقىنىڭ باسىم كوپشىلىگى ءبولىنۋدى قالامايتىنىنا سەنىمدىمىن» - دەدى.

مۇستافا جەميلەۆ نەگە كەلمەي قالدى؟

ءبىز ۋكراينا، قىرىم تۋرالى پىكىرتالاسقا بايلانىستى مۇستافا دجەميلەۆتى ىزدەگەن بولاتىنبىز. قىرىمنىڭ باستى ساياساتكەرى ازىرشە قاتىسۋشىلار اراسىنان كورىنبەدى. فورۋم باعدارلاماسىندا مۇستافا دجەميلەۆتىڭ بايانداماسى ەرتەڭ، 25 ساۋىردە 09:30 دا بولادى دەپ كورسەتىلگەن. وكىنىشتىسى قازىرگە دەيىن ول كىسىنىڭ قازاقستانعا كەلگەن-كەلمەگەنى بەلگىسىز. تىپتەن، رەسەيدىڭ ساياسي قىسىمى مەن ەۋرازيا ەكونوميكالىق وداعىنىڭ قۇرىلۋىنىڭ الدىندا قوعامدىق تولقۋ تۋىلۋىنان ساقتانۋ ءۇشىن قاتىستىرىلماعان بولۋى دا مۇمكىن.

شىنىن ايتقاندا، ەگەر مۇستافا اعامىز وسى فورۋمدا بولعاندا قازاق جۋرناليستەردىڭ سول كىسىنىڭ قاسىنان تابىلعىلارى كەلەتىنى بەلگىلى. بۇل ۇلكەن اقپاراتتىق تولقىن تۋدىرارى دا حاق. مىنە وسى جاعدايلاردى ەسكەرگەن فورۋمعا ول كىسىنىڭ كەلۋى شەكتەلگەن بولۋى كەرەك.

دەسە دە، ء بىز ول كىسىنىڭ كەلۋىن كۇتەمىز!

مۇستافا جەميلەۆ - قىرىم رەسپۋبليكاسى مەدجليسءىنىڭ باسشىسى, ۋكراينا پارلامەنتىنىڭ دەپۋتاتى

التاي بۇقارباي

Abai.kz