«ماڭگىلىك ەل» يدەياسى شەكارا اسىپ، كورشىلەس رەسەيدەگى ەتنيكالىق قازاقتارعا جەتپەك. مۇنى جۇزەگە اسىرۋعا قازاقستان حالقى اسسامبلەياسىنىڭ مۇشەلەرى بەلسەنە اتسالىسادى دەپ حابارلايدى "استانا" تەلەارناسى. 

اسسامبلەيا توراعاسىنىڭ ورىنباسارى اناتولي باشماكوۆ جۋىردا وتكەن 21-سەسسيا جۇمىسىنىڭ قورىتىندىسىنا ارنالعان ءباسپاسوز ءماسليحاتىندا وسىنى مالىمدەدى. ايتۋىنشا، كورشى ەلدىڭ ساراتوۆ، استراحان، ورىنبور جانە قورعان ايماقتارىن ارالاۋ كوزدەلىپ وتىر. اتالعان ايماقتاردا 1 ميلليوننان استام قانداستارىمىز ءومىر سۇرۋدە. 

اسسامبلەيا مۇشەلەرى سونىمەن قاتار مەملەكەتتىك ءتىلدى ەركىن مەڭگەرۋ ماسەلەسىنىڭ باستى نازاردا تۇرعانىن ايتتى.  

ەرالى توعجانوۆ، قحا حاتشىلىعىنىڭ مەڭگەرۋشىسى: 

قازاق ءتىلىن بىلۋگە بايلانىستى اسسامبلەيا مۇشەلەرىنىڭ اراسىندا بۇگىندە ەشقانداي سۇراق جوق دەپ ايتۋىما نەگىز جوق دەپ ايتا الامىن. بۇگىندە 1900-دەن استام اسسامبلەيا مۇشەلەرى ءبىزدىڭ قازاق تىلىمىزدە تازا سويلەپ جاتىر. 423 مىڭنان اسا جاستار مەملەكەتتىك ءتىل اياسىندا بىلىمدەرى بار. 

ايگۇل ادەپباي