وزدەرىڭىز بىلەتىندەي، "اباي" پورتالى اشىلعالى بەرى قازاق كوشى مەن ورالمان ماسەلەسىن ءبىر ءسات نازاردان تىس قالدىرعان ەمەس. سوڭعى ۋاقىتتاعى ورالمانداردىڭ ازاماتتىق الۋىن قيىندىقتان زاڭ تارماقتارىنا دا دەر ۋاقىتىندا تويتارىس بەرگەن. مىنە، ءسۇيىنشى جاڭالىق تا جەتىپ وتىر. BNews.kz سايتىنىڭ حابارلاۋىنشا، ەندىگى جەردە ورالمان اعايىندار ءبىر جىل ىشىندە قازاقستان ازاماتتىعىن الۋىنا بولادى. بۇل تۋرالى بۇگiن قر پرەزيدەنتi جانىنداعى وكق بريفينگi بارىسىندا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ءمالiمدەگەن. 

«ورالماندار جونiندە وتكەن جىلى جاڭا زاڭ قابىلداعان بولاتىن. سول زاڭعا سايكەس ەگەر دە قازاقستاندا ورالمانداردى قابىلدايتىن ايماقتار بەكiتiلiپ، سول وڭiرلەرگە ازاماتتار بارعان كەزدە ولارعا ورالمان مارتەبەسi بەرiلگەن. ال، ەگەر ولار باسقا ايماقتارعا باراتىن بولسا، «ورالمان» مارتەبەسi الىنىپ تاستالعان بولاتىن. بۇگiن ۇكiمەتتە بiز بۇل ماسەلەنi قايتا قاراپ، قازiر بiزدiڭ قانداستارىمىز رەسپۋبليكانىڭ قايسى وبلىسىنا باراتىن بولسا دا، سول جەردە ولارعا ورالمان مارتەبەسi بەرiلەتiن بولدى»،- دەدi ت.دۇيسەنوۆا

«ەكiنشiدەن، جاڭا زاڭىمىزدا كورسەتiلگەندەي، بەلگiلi بiر وڭiردەن باسقا وڭiرگە كوشسە، وندا ورالماندار شەتەل ازاماتتارى سياقتى وزدەرiنiڭ تولەۋ قابiلەتتiلiگiن دالەلدەپ، سودان كەيiن ۋاقىتشا تۇرۋعا مۇمكiندiك الاتىن ەدi. قازiر ماقۇلدانعان شەشiمگە بايلانىستى ازاماتتار، ەتنيكالىق قازاقتار، ءوزiنiڭ تولەۋ قابiلەتتiلiگi جونiندە ەش دالەلدەمە تالاپ ەتىلمەيدى، ەلiمiزدiڭ ازاماتتىعىن الۋ ءۇشiن ۇلكەن توسقاۋىلدار بولمايدى. ەگەر الدىڭعى زاڭىمىزدا شەتەلدەن كەلگەن قانداستارىمىز ورالمان ماتەبەسiن الىپ، 7 جىلدان كەيiن عانا مەملەكەتتiڭ ازاماتتىعىن يە بولسا، قازiر قايتىپ كەلگەننەن كەيiن 1 جىلدىڭ iشiندە ازامات ورالمان مارتەبەسiن الادى، سودان كەيiن 1 جىلدان سوڭ مەملەكەت ازاماتتىعىن الا الادى»، - دەپ تولىقتىردى ول.

سونىمەن قاتار، مينيستر شەتەلدەن ورالعان ازاماتتاردىڭ بەيiمدەلۋi مەن ىقپالداسۋى ۇدەرiسiن جەدەلدەتۋ، جۇمىسپەن قامتۋ ماسەلەلەرi شەشۋ ماقساتتارىندا ورالمانداردى ەڭبەك رەسۋرستارى جەتكiلiكسiز بولىپ وتىرعان وڭiرلەرگە تارتۋعا ارەكەت جاسالىپ جاتقانىن جەتكىزدى.

«قايسى ايماققا بارام دەسە دە، ول - قانداستارىمىزدىڭ ءوز ەركi. بiز انىقتاعان ەڭبەك رەسۋرستارى جەتiسپەيتiن وڭiرلەرگە باراتىن بولسا، وندا ول ازاماتتارعا قوسىمشا الەۋمەتتىك پاكەت بەرiلەتiن بولادى»، - دەدى تامارا حانىم. 

دينا قۇلماعانبەتوۆا

BNews.kz