الماتىدا «تەمىربانكتەن» 37 ملن. تەڭگەنى ۇرلادى دەگەن كۇدىكپەن 2 ازامات ۇستالدى دەپ حابارلايدى "قازاقپارات".

قىلمىستىق وقيعانىڭ ء«مىنسىز» ورىندالعانىنا قاراپ، ءىز كەسۋشىلەر كۇدىكتىنى بانك قىزمەتكەرلەرىنىڭ اينالاسىنان تورىعان بولاتىن. تەرگەۋشىلەردىڭ بۇل جورامالى دۇرىس بولىپ شىقتى. جەدەل قىزمەت وكىلدەرى بانكتىڭ قاۋىپسىزدىك قىزمەتىنىڭ كۇدىك تۋعىزعان 37 جاستاعى مامانىن ۇستادى. كەيىن انىق بولعانداي، ول ارام ويىن ءوزى جالعىز ەمەس، 32 جاستاعى تانىسىمەن بىرگە جۇزەگە اسىرعان بولىپ شىقتى. ەكى كۇدىكتىنىڭ دە جامبىل وبلىسى، شۋ اۋدانىنىڭ تۋمالارى ەكەنى انىقتالدى.

«قازىر ەكەۋى دە قىلمىستى جاساعاندارىن مويىندادى. ولار اقشانىڭ ءبىر بولىگىن جاراتىپ ۇلگەرگەن ەكەن. قالعان سوما ماتەريالدارعا تىگىلدى»، - دەدى قالالىق ءىىد كريمينالدى پوليتسياسىنىڭ باسشىسى جانبولات زيادين.

اتالعان ءىس بويىنشا قر قك 175 بابىنىڭ 4 تارماعى بويىنشا ء(ىرى كولەمدە وزگەنىڭ مۇلكىن ۇرلاۋ) قىلمىستىق ءىس قوزعالدى.

ەستەرىڭىزگە سالا كەتەيىك، 2013 جىلى قازاندا بەلگىسىز بىرەۋلەر «تەمىربانك» عيماراتىنىڭ ءبىرىنشى قاباتىنداعى ەسەپتىك بولمەسىنىڭ ەسىگىن بۇزىپ كىرىپ، 37 ملن. 200 مىڭ تەڭگەنى قولدى ەتكەن بولاتىن.

اباي-اقپارات