ەگيپەتتەگى 26- 27 مامىر كۇندەرى وتەتىن پرەزيدەنت سايلاۋىنا تەك 2 ۇمىتكەر تىركەلگەنى بەلگىلى بولدى. سايلاۋعا تۇسۋگە وتىنشتەر قابىلداۋ كەشە 20 ساۋىردە اياقتالعان. “ازاتتىق راديوسى” كورسەتكەندەي  سايلاۋ كوميسسياسىنىڭ قورتىندىسى بويىنشا بۇرىنعى ارميا باس قولباسشىسى ابدۋل-فاتتاح ءال-سيسي مەن سولشىل باعىتتاعى ساياساتكەر، 2012 جىلى وتكەن پرەزيدەنت سايلاۋىندا ءۇشىنشى ورىن العان حامدين ساباحيدان باسقا ۇمىتكەرلەردىڭ ءوتىنىشى تالاپقا ساي كەلمەگەن. تەك ەكى ۇمىتكەر بولعاندىقتان سايلاۋ قورتىندىسى العاشقى كەزەڭنەن- اق شىعادى دەپ كۇتىلۋدە. ەستەرىڭىزگە سالا كەتسەك ەگيپەتتىڭ بۇرىنعى پرەزيدەنتى مۇحاممەد مۋرسي بىلتىر جازدا تاقتان تايدىرىلىپ، ۋاقىتشا پرەزيدەنتتىككە كونستيتۋتتسيالىق سوت باسشىسى ادلي مانسۋر تاعايىندالعان ەدى.

اباي-اقپارات