سەنبى, 5 ءساۋىر 2025
جاڭالىقتار 4111 0 پىكىر 14 ءساۋىر, 2014 ساعات 13:16

ەلىمىزدە شىعارىلىپ كورمەگەن تەحنيكالار شىعا باستايدى

قازاقستاندا مۇناي-گاز وندىرۋدەگى  ماشينا جاساۋ سالاسىنىڭ كەڭ اۋقىمدى دامۋى مۇمكىن دەپ حابارلايدى "قازاقپارات". بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ەلىمىزدىڭ ماشينا جاساۋشىلار وداعىنىڭ اتقارۋشى ديرەكتورى تيمۋرلان  التاەۆ ايتقان.

«بۇگىندە مۇناي گاز سالاسى بيۋدجەتى - بەلگىلى، دامۋ ىرعاعى بىرقالىپتى، بارىنشا ينۆەستيتسيالىق تارتىمدى سالا. ءبىز جۋىردا «تەڭىزشەۆرويلمەن» وتە ءتيىمدى كەلىسسوزدەرگە قول جەتكىزدىك. ناتيجەسىندە، بىرلەسە وتىرىپ مۇناي-گاز وندىرۋگە ارنالعان ماشينالار جاسايتىن كاسىپورىندار اشۋعا كەلىستىك. ياعني، جارتى نەمەسە ءبىر جىلدان سوڭ بۇرىن-سوڭدى ەلىمىزدە شىعارىلىپ كورمەگەن تەحنيكالار شىعا باستايدى»، - دەدى ت.التاەۆ.

ونىڭ ايتۋىنشا، اتالعان سالادى 30-40 ءتۇرلى زات شىعارىلادى، سونىڭ ىشىندە مۇناي قۇياتىن ىدىستار، ترۋبالار مەن بۇرعىلاۋ قۇرىلعىلارى دا بار.

«شامامەن 30-40 مىڭ جۇمىس ورنى اشىلادى. ياعني ءبىز دۇرىس باعىتپەن جىلجىپ كەلە جاتىرمىز دەپ ايتۋعا بولادى»، - دەدى ول.

اباي-اقپارات

 

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1509
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4229
46 - ءسوز

بىزگە بەيمالىم باراق حان

جامبىل ارتىقباەۆ 3132