ەلىمىزدىڭ شىعىس وبلىستارىنا قاتىستى مەمدەكەتتىڭ تەرريتوريالىق تۇتاستىعىنا نۇقسان كەلتىرەتىن پىكىر ايتقان (http://abai.kz/post/view?id=267 ) حاكاسيا جوعارعى كەڭەسىنىڭ تورعاسى ۆلاديمير شتىگاشەۆ كەشىرىم

«مەن ەشقاشان ەشبىر ەلگە سونىڭ ىشىندە قازاقستانعا تاريحي قۇقىعىمىز بەن اۋماقتىق تالاسىمىز بارى تۋرالى ايتقان ەمەسپىن. قازاقستان - ءبىزدىڭ كورشىمىز، ءبىزدىڭ دوستارىمىز جانە سەرىكتەرىمىز. مەنىڭ پىكىرىمنىڭ بۇرمالانىپ، سونىڭ سالدارىنان باۋىرلاس حالىقتىڭ نارازىلىعى مەن تۇسىنبەستىگىن تۋعىزعانىنا قاپالىمىن. ەگەر مەن ءوز سوزىممەن بىرەۋدى وكپەلەتسەم، شىن جۇرەكتەن كەشىرىم سۇرايمىن»، دەپتى ۆلاديمير شتىگاشەۆ.

سوڭعى كەزدەرى رەسەيلىك ساياساتكەرلەردىڭ قازاقستاننىڭ تەرريتوريالىق تۇتاستىعىنا قاۋىپ توندىرەتىن پىكىر ايتۋى جيىلەپ كەتتى. قوعامدا ۋكرايناداعى جاعداي جانە قازاقستاننىڭ ەۋرازيالىق وداققا قوسىلۋ تۋرالى شارتقا قول قويۋ ۋاقىتى جاقىنداعان سايىن مەملەكەتتىڭ تەرريتوريالىق تۇتاستىعى مەن تاۋەلسىزدىگىنە رەسەي تاراپىنان قانداي ءبىر قاۋىپ تونبەي مە دەگەن الاڭاۋشىلىق بار. رەسمي بيلىك حالىقتىڭ الاڭداۋشىلىعىن باسىپ، كۇدىگىن سەيىلتەتىندەي مالىمدەمە ءالى جاساعان جوق.

Abai.kz