2014 جىلدىڭ 7 ساۋىرىندە  الماتى حالىقارالىق اۋەجايىندا الماتى قالاسى بويىنشا كەدەندىك باقىلاۋ دەپارتامەنتىنىڭ «جەتىسۋ» كەدەن بەكەتى قىزمەتكەرلەرى  شەتەل ۆاليۋتاسىن  زاڭسىز تاسىمالداۋ  كونترابانداسىنىڭ جولىن كەستى. 

 «الماتى – ستامبۋل» حالىقارالىق اۋە باعىتىنا كەدەندىك باقىلاۋ جۇرگىزۋ بارىسىندا قازاقستان رەسپۋبليكاسىنىڭ ەكى بىردەي ازاماتى قۇرىقتالدى.

الماتىلىق كەدەنشىلەر تەكسەرۋ جۇرگىزۋ بارىسىندا قۇرىقتالعان ازاماتتىڭ كەدەن ورگانىنان جاسىرىن الىپ وتپەك بولعان 134 مىڭ ەۋرو شەتەل ۆاليۋتاسى تابىلعان. كەدەن شەكاراسىنان ءوتۋ كەزىندە تاركىلەنگەن اقشا دەكلاراتسيادا كورسەتىلمەگەن.   

بۇگىندە الماتى قالاسى بويىنشا كبد تاركىلەنگەن دايەككە قاتىستى  تەكسەرۋ امالدارىن جۇرگىزۋدە، تەكسەرۋدىڭ ناتيجەسىنەن كەيىن پروتسەسسۋالدى شەشىم قابىلداناتىن بولادى.  

الماتى قالاسى بويىنشا كبد

ءباسپاسوز قىزمەتى