"ماڭگىلىك ەلدىڭ" ىشكى اسكەرلەرى
ەلىمىزدىڭ بارلىق وڭىرلەرىندە «ماڭگىلىك ەل» ۇلتتىق يدەياسىن قولداۋ اكتسياسى وتۋدە. قر ءىىم ىشكى اسكەرلەرى مەن ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى دە اتالعان شاراعا ءوز ۇلەستەرىن قوسپاق. بۇل تۋرالى قر ءىىم ىشكى اسكەرلەرى ءباسپاسوز قىزمەتىنەن حابارلادى.
7 ءساۋىر كۇنى ىشكى اسكەرلەر ەلىمىزدىڭ جەتەكشى جوعارى وقۋ ورنىمەن بىرلەسىپ، «ماڭگىلىك ەل» ۇلتتىق يدەياسىن قولداۋعا باعىتتالعان اۋقىمدى شارا وتكىزدى. اكتسياعا قازاق گۋمانيتارلىق زاڭ ۋنيۆەرسيتەتىنىڭ، اگرارلىق ۋنيۆەرسيتەتتىڭ، ەلوردالىق كوللەدجدەردىڭ ستۋدەنتتەرى، «جاس ۇلان» رەسپۋبليكالىق مەكتەبىنىڭ تاربيەلەنۋشىلەرى، مەكتەپ وقۋشىلارى، ىشكى اسكەرلەردىڭ استانا گارنيزونى اسكەري بولىمشەلەرىنىڭ اسكەري قىزمەتشىلەرى قاتىستى.
