استانا. 28 ءساۋىر. قازتاگ - ايناگۇل بەكەەۆا. مامىر ايى بويىنا «سەنىڭ «جەمقورلىققا جول جوق» دەۋىڭ ءماندى» اتتى اكتسيانىڭ اياسىندا قازاقستاندىق ۇيالى بايلانىس ابونەنتتەرى وزدەرىنىڭ تەلەفوندارىنا جەمقورلىقپەن كۇرەستى ناسيحاتتايتىن حابارلار ماتىندەرىن الىپ تۇرادى، دەدى «نۇر وتان» پارتياسىنىڭ ءبىرىنشى ورىنباسارى نۇرلان نىعماتۋللين.

ونىڭ  ايتۋىنشا، اتالعان اكتسيا ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىمەن بىرلەسە جۇرگىزىلىپ وتىر.

«پارتيا مەن اگەنتتىك اكتسيا اياسىندا اتقارىلاتىن شارالار جوسپارىن بەكىتتى. اتاپ ايتقاندا، ازاماتتار جانە كاسىپكەرلەرمەن كەزدەسۋ، جىلجىمالى كورمە ۇيىمداستىرۋ، جاستار اراسىندا پىكىرتالاس پەن كونكۋرستار وتكىزۋ، جەمقورلىققا قارسى پلاكاتتار شىعارۋ قاراستىرىلعان. بيىل ءبىز ۇيالى بايلانىس مۇمكىندىكتەرىن پايدالانۋ ارقىلى SMS-حابارلار جىبەرەتىن بولامىز»، - دەدى ن. نىعماتۋللين سارسەنبى كۇنى ءباسپاسوز ءماسليحاتىندا.

استانا. 28 ءساۋىر. قازتاگ - ايناگۇل بەكەەۆا. مامىر ايى بويىنا «سەنىڭ «جەمقورلىققا جول جوق» دەۋىڭ ءماندى» اتتى اكتسيانىڭ اياسىندا قازاقستاندىق ۇيالى بايلانىس ابونەنتتەرى وزدەرىنىڭ تەلەفوندارىنا جەمقورلىقپەن كۇرەستى ناسيحاتتايتىن حابارلار ماتىندەرىن الىپ تۇرادى، دەدى «نۇر وتان» پارتياسىنىڭ ءبىرىنشى ورىنباسارى نۇرلان نىعماتۋللين.

ونىڭ  ايتۋىنشا، اتالعان اكتسيا ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىمەن بىرلەسە جۇرگىزىلىپ وتىر.

«پارتيا مەن اگەنتتىك اكتسيا اياسىندا اتقارىلاتىن شارالار جوسپارىن بەكىتتى. اتاپ ايتقاندا، ازاماتتار جانە كاسىپكەرلەرمەن كەزدەسۋ، جىلجىمالى كورمە ۇيىمداستىرۋ، جاستار اراسىندا پىكىرتالاس پەن كونكۋرستار وتكىزۋ، جەمقورلىققا قارسى پلاكاتتار شىعارۋ قاراستىرىلعان. بيىل ءبىز ۇيالى بايلانىس مۇمكىندىكتەرىن پايدالانۋ ارقىلى SMS-حابارلار جىبەرەتىن بولامىز»، - دەدى ن. نىعماتۋللين سارسەنبى كۇنى ءباسپاسوز ءماسليحاتىندا.

بۇدان باسقا، دەيدى قارجى پوليتسياسىنىڭ توراعاسى قايرات قوجامجاروۆ «قازپوشتا» اق ارقىلى كىتاپشالار تاراتىلىپ، وندا جەمقورلىق فاكتىلەرى بويىنشا شاعىم بەرۋ ۇلگىلەرى كورسەتىلگەن بلانكتەر بولادى. «كىتاپشاداعى بلانكتى تولتىرىپ، قازپوشتانىڭ كەز كەلگەن جاشىگىنە سالۋ ارقىلى ءسىز جەمقورلىقتىڭ سىزگە بەلگىلى فاكتىسى تۋرالى مالىمدەي الاسىز. سونداي-اق ەلىمىزدىڭ ءىرى ساۋدا ورىندارىندا سىبايلاس جەمقورلىققا قارسى باعىتتالعان ۇنپاراقتار تاراتىلىپ، وندا قارجى پوليتسياسىنىڭ سەنىم تەلەفوندارى كورسەتىلەتىن بولادى»، - دەدى ول.

پاتريانىڭ ءبىرىنشى توراعاسى اكتسيا ەكىنشى رەت وتكىزىلىپ تۇرعانىن جانە جىلدا وتكىزىلەتىنىن ناقتىلاپ ءوتتى.

«بۇگىن قوعامنىڭ سىبايلاس جەمقورلىققا دەگەن قالىپتاسىپ قالعان توزىمدىلىك پەن نەمقۇرايلىق، سەلقوس پەيىلىن وزگەرتۋ وتە ماڭىزدى. ادامداردى ءتيىستى ورگاندارعا جۇگىنۋدەن قورقۋ پسيحولوگياسىنان ارىلتۋ كەرەك. ءبىز، قازاقستاندىقتار ءوزىنىڭ قۇقىعىن انىق بىلۋلەرى كەرەكتىگىن، قانداي دا قۇقىق بۇزۋشىلىق جاعدايدا قالاي ارەكەت ەتۋلەرى كەرەكتىگى تۋرالى ناقتى ءىس-قيمىل الگوريتمىن بىلۋلەرى كەرەكتىگىن تۇسىنەمىز»، - دەپ اتاپ ءوتتى ن. نىعماتۋللين.