ۋكراينا سىرتقى ىستەر مينيسترلىگى پرەزيدەنت ن.نازارباەۆتىڭ گااگادا وتكىزگەن بريفينگتە ۋكرايناعا قاتىستى جاساعان مالىمدەمەسىنە الاڭداۋشىلىق تانىتىپ، نوتا جولدادى.

ۋكراينا ءسىم اقپاراتتىق ساياسات دەپارتامەنتىنىڭ ديرەكتورى ديرەكتور ەۆگەني پەرەبينيس 27 ناۋرىز كۇنى وتكىزگەن بريفينگتە: «نازارباەۆتىڭ گااگادا جاساعان مالىمدەمەسى حالىقارالىق قۇقىقتىڭ جالپى قالىپتاسقان نورمالارى مەن كوپ ەلدىڭ ۇستانىمىنا قايشى كەلەتىنى جانە قازاقستان مەن ۋكراينا اراسىنداعى قاتىناستارعا كەرەعار، ۋكراين تاراپى ءۇشىن قابىلدانبايتىن جايت» دەپ مالىمدەگەن.

ەۆگەني پەرەبينيستىڭ ايتۋىنشا، 26 ناۋرىز كۇنى قازاقستاننىڭ ۋكرايناداعى ەلشىلىگىنىڭ كەڭەسشى-ۋاكىلى ارعىن وسپانوۆ ۋكراينا ءسىم شاقىرتىلىپ، نوتا تاپسىرىلعان.

پرەزيدەنت نازارباەۆتىڭ گااگاداعى ۋكراينا تۋرالى ءسوزى

25 ناۋرىز كۇنى گااگادا وتكەن بريفينگتە ن.نازارباەۆ ۋكرايناداعى جاعدايعا قاتىستى بىلاي دەگەن ەدى: «سوڭعى كۇندەرى بارلىعى حالىقارالىق قۇقىق تۋرالى ايتۋدا جانە بىزدەر ونى بۇزۋدىڭ قاۋىپتى مىسالدارىن كورىپ وتىرمىز. بۇل قاقتىعىسقا تارتىلعان ەلدەردىڭ ەكونوميكالارىن ونداعان جىلدارعا كەرى شەگەرۋگە اكەلىپ سوقتىرادى.  سونىمەن قاتار، ۋكرايناداعى جاعدايدى ايتقاندا، بۇل ەلدىڭ ەكونوميكاسى كەڭەستىك زاماندا رەسەيدەن كەيىنگى ەكىنشى ورىندا بولعانىن اتاپ وتكەن ءجون. رەسپۋبليكا وتە زور الەۋەتكە يە بولاتىن. بىراق سوڭعى جىلدارى ۋكراينانىڭ ساياسي باسشىلىعى ءجيى قۇبىلدى – بىردە ەۋروپامەن قارىم-قاتىناستى كۇشەيتۋگە، بىردە رەسەيمەن ءوزارا ءىس-قيمىلدى جانە ەۋرازيالىق ينتەگراتسياعا دامىتۋعا ۇمتىلدى. ءىس جۇزىندە حالىق پەن ەل ەكى بولىككە ءبولىنىپ قالدى. ناتيجەسىندە ىشكى ساياسي جاعداي باقىلاۋدان شىعىپ كەتتى. بۇگىنگى ءبىرىنشى كەزەكتەگى مىندەت  – قۇقىقتىق الاڭعا قايتا ورالۋ، بۇل سايلاۋ وتكىزۋ دەگەندى بىلدىرەدى. زاڭدى پرەزيدەنتتى، پارلامەنت پەن لەگيتيمدى ۇكىمەتتى سايلاۋ كەرەك. سوسىن وسى نەگىزدە بەيبىت كەلىسسوزدەر جۇرگىزىپ، قالىپتاسقان احۋالدان بىرلەسىپ شىعۋ قاجەت».

قازاقستان ءسىم: ء بىز ۋكراينا ءسىم-ءنىڭ نوتاسىن تۇسىنە المادىق

 «ۋكراينا سىرتقى ىستەر مينيسترلىگىنىڭ نوتاسىن ءبىز تۇسىنە المادىق. نەگىزى ول پاراساتتى ماعىنادا ەمەس، كوپ جاعدايدا ەموتسيامەن جازىلعان سەكىلدى بولىپ كورىندى.

ەلباسى نۇرسۇلتان نازارباەۆ ءبىر ەمەس، بىرنەشە رەت، ءتىپتى گااگاداعى سامميتتە دە، بارلىق تاراپتاردىڭ ۋكرايناداعى داعدارىستى  بەيبىت كەلىسسوزدەر ارقىلى شەشۋىنە شاقىردى. سوندىقتان ءبىز اتالعان مالىمدەمەلەرگە ۋكراينالىق تاراپتى الاڭداتاتىن نەگىز كورىپ وتىرعان جوقپىز»، - دەدى ءباسپاسوز ءماسليحاتىندا قر سىرتقى ساياسات ۆەدومستۆوسىنىڭ رەسمي وكىلى جانبولات ۇسەنوۆ. بۇل تۋرالى kaz.tengrinews.kz حابارلاپتى.

ءCىم: قىرىمدىقتاردىڭ «شەشىمىنە» قازاقستان تۇسىنىستىكپەن قارايدى

قازاقستان سىرتقى ىستەر مينيسترلىگى قىرىمنىڭ رەسەيگە قوسىلۋىنا بايلانىستى تومەندەگى مالىمدەمە تاراتقان بولاتىن.

قازاقستان رەسپۋبليكاسى سىرتقى ىستەر مينيسترلىگىنىڭ قىرىم اۆتونوميالىق رەسپۋبليكاسىنداعى رەفەرەندۋمىنا قاتىستى مالىمدەمەسى

2014 جىلى 16 ناۋرىزدا قىرىم اۆتونوميالىق رەسپۋبليكاسىندا رەفەرەندۋم وتكىزىلۋىنە بايلانىستى قازاقستان بۇۇ جارعىسىنا سايكەس حالىقارالىق قۇقىقتىڭ ىرگەلى قاعيداتتارىنا ءوزىنىڭ بەرىك ۇستانىمىن تاعى دا اتاپ وتەدى.

قازاقستاندا قىرىمدا وتكەن رەفەرەندۋمدى وسى اۆتونوميالىق رەسپۋبليكا حالقىنىڭ ءوز قالاۋىن ەركىن ءبىلدىرۋى رەتىندە قابىلدادى جانە قالىپتاسقان جاعدايدا رەسەي فەدەراتسياسىنىڭ شەشىمىنە تۇسىنىستىكپەن قارايدى.

ءبىز ۋكراينانىڭ داعدارىستان بەيبىت تۇردە شىعۋىن جانە ونى بۇۇ جانە باسقا دا بەدەلدى حالىقارالىق ۇيىمداردىڭ قولداۋىمەن كەلىسسوزدەر ارقىلى ەڭسەرۋىن قالايمىز.

ىدىرىسوۆ پەن لازەبنيكتىڭ كەزدەسۋى

قازاقستان سىرتقى ىستەر ءمينيسترى ەرلان ىدىرىسوۆ ۋكراينانىڭ قازاقستانداعى ەلشى قىزمەت ۋاقىتشا اتقارۋ سەنىم تاپسىرىلعان يۋري لازەبنيكپەن كەزدەستى دەپ جازادى nur.kz.

 لازەبنيكتىڭ سوزىنە قاراعاندا، ۋكراينا مەن قازاقستان تاراپى بارلىق ماسەلەلەردى ديپلوماتيالىق جولمەن شەشۋگە ىنتالى. قازاقستان ۋكرايناداعى پرەزيدەنت سايلاۋى قارساڭىندى ەىقۇ-نىڭ مونيتورينگتىك ميسسياسىنىڭ قۇرامىنا ءوز وكىلدەرىن قوسا جىبەرەتىنىن جانە سايلاۋ كەزىندە الماتى مەن استانا قالالارىندا سايلاۋ ۋچاسكەلەرىن اشاتىنىن ايتتى دەيدى لازەبنيك.

ونىڭ سوزىنشە، قازاقستاننىڭ بۇل ارەكەتى ۋكراينادا وتەتىن كەزەكتەن تىس پرەزيدەنت سايلاۋىنىڭ زاڭدى ەكەنىن ءارى ۋكراينانىڭ جاڭا باسشىلىعىمەن جۇمىس ىستەيتىندىگىن كورسەتەدى.

Abai.kz