بۇرىندارى حابارلاعانىمىزداي، اقمولا وبلىسىندا «ۇيقىشىلىق» دەرتى اسقىنىپ تۇر. ءتىپتى اياق استى ەس-ءتۇسىن بىلمەي قالاتىنداردىڭ سانى كۇن ساناپ ارتۋدا. ءتيىستى ماماندار جىل بۇرىن بەلگى بەرگەن بۇل ىندەتتىڭ سەبەبىن انىقتاي الماي وتىر. ال جەرگىلىكتى جۇرتتىڭ ايتۋىنشا، بۇل سول ماڭداعى ۋران كەنىشتەرى قالدىقتارىنىڭ اسەرى بولسا كەرەك.

ەڭ جامانى، مۇنداي بەلگىسىز ءارى قاۋىپتى دەرت بۇكىل ەلدى جايلاماسا بولعانى. وعان سەبەپ تە جوق ەمەس. رەسەيدىڭ اسكەري پوليگوندارى مەن پروتون زىمىرانىنىڭ «كەسىرى» بۇكىل قازاق جۇرتىنا ءتيىپ وتىر. بىراق ماماندار بۇل جاعىن اشىق ايتۋدان «جاسقاناتىن» سياقتى. قازاقتا «اۋرۋىن جاسىرعانمەن ءولىمى اشكەرە» دەگەن ايگىلى ءسوز بار. ەندەشە قازاقستان رەسپۋبليكاسى دەنساۋلىق ساقتاۋ مينيسترلىگى مەن قورشاعانى ورتانى قورعاۋ مينيسترلىگى شەتەلدەرمەن ماماندارمەن بىرلەسە وتىرىپ، ناقتى جاۋابىن بەرگەنى ءجون.

«اباي-اقپارات»