اقموللا وبلىسىنىڭ اتباسار اۋدانىنا قىتايدان 40 وتباسى كوشىپ كەلىپ قونىستانىپ جاتقان كورىنەدى. بۇل تۋرالى ءوز بلوگىندا سەرىك مۇراتحان مىرزا «اتباسارعا قىتايدان «تىڭ يگەرۋگە» 40 وتباسى كەلدى!» دەپ جازىپ وتىر. «سولتۇستىك وبىلىستاردى قىتايعا جالعا بەرەدى!» دەگەن حابار تاراعاننان كەيىن وسى جايلى اڭىسقا قۇلاق ءتۇرىپ ءجۇر ەدىم. ءدال كەشە كەشتە قاراعاندىدا تۇراتىن ءبىر جەرلەس باۋىرىم تەلەفون شالدى. -سەنىڭ ايتقانىڭ شىنعا اينالىپ جاتىر عوي! كەشە اتباسارعا بارعان ءبىر قاراعاندىلىق دوسىم «ناۋرىز مەرەكەسىن تويلاپ، قاراجورعا بيلەپ جاتقان جاڭادان كوشىپ كەلگەن قىتاي قازاقتارىنىڭ تويىنىڭ ۇستىنەن ءتۇستىم» دەپ جاتىر- دەدى. مەن جالعاستى سۇراستىرا كەلە بىلگەنىم مىناۋ بولدى: اتباسارعا ات باسىن تىرەگەن قىرىققا تارتا وتباسى قىتايدىڭ التاي ايماعىنان كەلگەن «تىڭ يگەرۋشىلەر» بولىپ شىقتى. «تىڭ يگەرۋشىلەر» قىتايدىڭ اۋىل-شارۋاشىلىق كومپانيالارىمەن كەلىسىم-شارت نەگىزىندە كەلگەن كورىنەدى. كەلىسىم-شارت بويىنشا قىتاي جاق اۋىل-شارۋاشىلىق تەحنيكاسىن شىعارادى. ال كەلگەن ەڭبەك كۇشى 5 جىل بويى قىتايعا جالدانىپ جۇمىس ىستەيدى. 5 جىل ىشىندە قىتاي سالعان اقشاسىن قايتارىپ الىپ، كەلگەن قازاقتارعا تەحنيكالارىن تاستاپ، شارتتى ۇزەدى ەكەن. وسى حاباردى ەستىگەن سوڭ ول باۋىرىما قايتسەڭدە «اتباسارعا كەلگەن 40 وتباسىنىڭ ءبىرىنىڭ تەلەفون نومەرىن تاۋىپ بەر» دەپ تاپسىرما بەرىپ ەدىم،تاڭەرتەڭنەن بەرى باۋىرىمنان دا حابار جوق. وسى حاباردىڭ ناقتىلىعىن مۇمكىندىگى بار اقپارات قۇرالدارى انىقتاپ جىبەرسە دەگەن ۇمىتپەن جاريالاپ وتىرمىن» دەيدى ءوزىنىڭ بلوگىندا.

اباي-اقپارات