ءاليحان نۇرمۇحامەدۇلى بوكەيحان:

قازاق جاقسىسى ورىس ەتەگىنەن جەم جەگەندى زور ونەر كورەدى.

***

قازاقتىڭ قازاقستاننان باسقا وتانى جوق. سوندىقتان دا قازاق ۇكىمەتىنىڭ مۇشەلەرى قازاق ىشىندە قالۋى ءتيىس!

***

ءوزىن-ءوزى قاسقىرشا شاۋىپ وتىرعان جۇرتتا وقۋ، شەبەرلىك بولمايدى.

***

از ادام اتقا ءمىندىم دەپ قاسقىر بولىپ جۇرتقا شاپسا، بۇل جۇرتتا بەرەكە بولار ما؟

***

5 ميلليون قازاق تىلەگى كەمشىلىك جولىنا سىيمايدى.

***

جۇرت پايداسىنا تازا جولمەن تۋرا باستايتىن ەر تابىلسا، قازاق حالقى ونىڭ سوڭىنان ەرەر ەدى.

***

بوتەن كىسى قازاققا ەشقانداي جاقسىلىق ارتىپ اكەلىپ بىرمەيدى.
ءوز كۇشىنە، ءوز قۋاتىنا سەنبەگەن ادام دا، حالىق تا عۇمىر جۇزىندە بايگە المايدى.

***

ءجۇز تۇيەنى ءبىر بۇرالقى يت قۇيرىعىنا تىركەسە، وسى يت تاشكەنت بارسا، ءجۇز تۇيە تاشكەنت كەتەدى. يتتە نە جازا بار، تۇيەنىڭ جەتەكشىلىگى ەمەس پە؟

***

الىسپاعان، جۇلىسپاعان بوستاندىق اتىنا مىنبەيدى، بۇعاۋدان بوسامايدى، ەرى قۇلدىقتان، ايەلى كۇڭدىكتەن شىقپايدى، مالىنا دا، باسىنا دا يە بولمايى.