ۇندەۋ

تەك سوڭعى ەكى جىلدىڭ ىشىندە وتاندىق باق بەتتەرىندە لگبت قاۋىمىنىڭ قىزمەتىنە، تۇرمىسىنا قاتىستى جۇزدەگەن اقپاراتتار جاريالانعان. قازىرگى تاڭدا بۇل سۇراقتاردى قوعامنىڭ ەركىن تالقىلاۋىنا سالىپ، اشىق پىكىرلەر ءبىلدىرۋ ۇيرەنشىكتى جاعدايعا اينالدى. وسى كۇنى ونداعان سايتتار مەن الەۋمەتتىك جەلىدەگى توپتار ءبىزدىڭ ەلدىڭ لگبت قاۋىمىنا تۇراقتى قىزمەت ەتۋدە (دوستاستىرادى، تابىستىرادى، ۇيلەندىرەدى ج.ت.ب). ال كەيبىر ءان شىرقايتىن باعدارلامالار مەن ارنالاردىڭ تومەنگى جاعىنداعى حابارلامالار توپتاماسى قازىر «گوموسەكسۋاليستەردىڭ» پىكىر الماسۋ ورتاسىنا ارنالعان. بەيرەسمي اقپاراتتارعا سۇيەنسەك، تەك الماتىنىڭ وزىندە لگبت وكىلدەرىنە قىزمەت ەتەتىن 14 تۇراقتى مەكەمەلەر بار ەكەن (كافە، بار، تۇنگى كلۋب).

 ول از بولعانداي، 2012 جىلى الماتى قالاسى «حالىقارالىق گوموسەكسۋاليستەرمەن» ورتالىق ازياداعى «گەيلەردىڭ» استاناسى اتاعىنا يە بولعان. ال لگبت قۇندىلىقتارىن ناسيحاتتايتىن ەڭ سوڭعى جانە ەڭ سوراقى جاعداي ارينە، قازىر اتاقتى بولىپ وتىرعان پوستەر. بۇل پوستەر «ستۋديا 69» دەگەن گەيلەرگە قىزمەت كورسەتەتىن مەكەمەنىڭ جارناماسى بولۋ كەرەك-ءتىن. ءدال قازىرگى ناقتىلىقتا مۇنى ناسيحاتتان باسقا نە دەپ ايتۋعا بولادى؟! بىراق وكىنىشكە قاراي، ءبىزدىڭ ەلدە لگبت قۇندىلىقتارىنىڭ ءدال وسىلاي ناسيحاتتالۋىنا توسقاۋىل قوياتىن ەشتەڭە جوق، سەبەبى ول زاڭدا بەكىتىلمەگەن.

ء بىزدىڭ پايىمداۋىمىزشا ەۆروپادا، لگبت قۇندىلىقتارىنىڭ اشىق دارىپتەلۋى مەملەكەتتىك دەڭگەيدەگى مورالدىق قۇلدىراۋعا الىپ كەلدى. ەندىگى كەزەكتە «قىزتەكەلەر» ەۆروپا ەلدەرىندە ۇيلەنىپ، بالا اسىراپ، ءوز تويلارىن شىركەۋدە وتكىزۋگە رۇقسات العان. مورالدىق تۇرعىدان ابدەن ويسىراعان باتىس قوعامىنىڭ كەيبىر ەلدەرى ەندى ءتىپتى ينتسەستتى (ياعني اعاسى مەن قارىنداسىنىڭ اراسىنداعى جىنىستىق قارىم-قاتىناستى) زاڭمەن رۇقسات ەتۋگە دايىندىق ۇستىندە.

 قوعامدا ازشىلىق بولىپ تابىلاتىن گوموسەكسۋاليستەر وسى كۇندە ەۆروپا ەلدەرىندە ارۋاقىتتا كوپشىلىك بولعان ءداستۇرلى وتباسى جاقتاستارىنىڭ قۇقىتارى مەن ارىن تاپتاپ، قازىر تولىق ۇندەرىن وشىرگەن. ماسەلەن، فرانتسيادا ءدال وسىنداي جاعداي، «قىزتەكە» ەمەس كوپشىلىك، ەندى گوموسەكسۋاليستەرگە قارسى شىقسا تىكەلەي ەكسترەميست دەپ تانىلماق.

 ارينە، ءاربىر ادامنىڭ جەكە ءومىرى جانە جەكە تاڭداۋى بار. دەسە دە بۇگىنگى قازاق قوعامىنا مۇلدەم جات قىلىقتىڭ ەركىن ەنىپ، ەل اراسىندا اشىق ناسيحاتتالۋىنا ءبىز ءۇزىلدى-كەسىلدى قارسىمىز!

ماسەلەن،  الەمدە ءدال قازىر ونداعان مەملەكەت «گوموسەكسۋاليستەردى» ناسيحاتتاۋعا تيىم سالعان. مولدوۆانىڭ ءبىر بولىگىندە مۇنداي زاڭ 2006 جىلى قابىلدانسا، ۋكراينادا 2012 جىلى، رەسەيدە 2013 جىلى قابىلدانىپ، كورشى قىرعىزستاندا اعىمداعى جىلدىڭ باسىندا اتالمىش زاڭ پارلامەنتتىڭ تالقىسىنا تۇسكەن. ءتىپتى ايتۋلى اقش-تىڭ وزىندە كەيبىر شتاتتاردا «گوموسەكسۋاليزمدى» ناسيحاتتاۋعا تيىم سالىنعان.

 «today.kz» سايتىنىڭ الەۋمەتتىك ساۋالناماسىنىڭ ناتيجەسى بويىنشا ساۋالعا جاۋاپ بەرۋشىلەردىڭ 90% قازاقستانعا دا «گوموسەكسۋاليزمدى ناسيحاتتاۋعا تيىم سالاتىن زاڭ» قاجەت دەپ جاۋاپ قاتقان.

 جوعارىداعى ماسەلەلەردى ەسكەرە وتىرىپ «بولاشاق» رەسپۋبليكالىق قوزعالىسى سىزدەردەن «لگبت قۇندىلىقتارىن ناسيحاتتاۋعا تيىم سالاتىن زاڭدى» قابىلداۋدى تالاپ ەتەدى. سول سياقتى بۇل زاڭدا لگبت وكىلدەرىنە بالا تاربيەسى سالاسىندا، ياعني بالاباقشا، مەكتەپ، مادەنيەت ۇيلەرىندە قىزمەت جاساۋعا، ەل قاتارلى اسكەرگە بارىپ مەملەكەتتىك قىزمەتتە بولۋعا تيىم سالىنۋ كەرەك دەپ ويلايمىز.

«بولاشاق» رەسپۋبليكالىق قوزعالىسى جانە الماتى قالاسى قاۋىمداستىعىنىڭ قازاقستان رەسپۋبليكاسى پارلامەنتىنە «لگبت-قۇندىلىقتارىن ناسيحاتتاۋعا تيىم سالاتىن» زاڭدى قابىلداۋدى تالاپ ەتەمىز!

«بولاشاق» رەسپۋبليكالىق قوزعالىسى