قىرعىزستاننىڭ چولپان اتا قالاسىندا دۇنيەجۇزىلىك كوشپەندىلەر ويىنى باستالدى دەپ حابارلايدى حالىقارالىق تۇركى اكادەمياسىنىڭ ءباسپاسوز قىزمەتى. سالتاناتتى شارانىڭ اشىلۋىنا قىرعىزستان رەسپۋبليكاسىنىڭ پرەزيدەنتى المازبەك اتامباەۆپەن بىرگە قازاقستان، تۇركيا، ازەربايجان، رەسەي سىندى بىرقاتار ەلدەن كەلگەن قۇرمەتتى مەيماندار قاتىسۋدا.        العاش رەت ءوتىپ جاتقان اۋقىمدى شاراعا 20-عا جۋىق ەلدەن 400-گە تارتا سپورتشى كەلدى. ۇيىمداستىرۋشىلاردىڭ ايتۋىنشا، تۇركى الەمىنىڭ ورتاق قۇندىلىقتارىن الەمگە پاش ەتۋگە ارنالعان شاراعا قىزىعۋشىلار وتە كوپ بولعان. سوندىقتان تۇركى الەمىمەن شەكتەلمەي، كوشپەندىلەر الەمى ويىنى دەپ اتاۋعا تۋرا كەلگەن. سپورتشىلار قازاق كۇرەسى، قىرعىز كۇرەسى، كوكپار، سالبۇرىن، الامان بايگە، جورعا جارىس ت.ب ويىن تۇرلەرىنەن باق سىنايدى. حالىقارالىق ىرگەلى شارا تۋرالى بيبيسي، ءال-جازيرا، ترت اۆاز سىندى الەمنىڭ كوپتەگەن بەلگىلى اقپارات قۇرالدارى حابار تاراتپاق.
 دۇنيەجۇزىلىك كوشپەندىلەر ويىنى اياسىندا «Nomad folk» اتتى فولكلورلىق فەستيۆال مەن «Ethno Fashion» اتتى ءسان كورسەتىلىمى دە ۇيىمداستىرىلادى.

Abai.kz