وڭتۇستىكتە جاس اقىندار اراسىندا وبلىستىق ءمۇشايرا وتەدى. بۇل تۋرالى بۇگىن وبلىستىق ىشكى ساياسات باسقارماسىنىڭ باسشىسى بەرىك قۇرمانعالي جەرگىلىكتى باق وكىلدەرىمەن وتكىزگەن ءباسپاسوز ماسليحاتىندا مالىمدەدى. اتالعان كەزدەسۋدە جىلدىڭ سوڭىنا دەيىن باسقارمانىڭ وتكىزەتىن ءىس-شارالارى تانىستىرىلدى. وندا وبلىستىق جاس اقىندار اراسىندا «سەن جانباساڭ، لاپىلداپ!» اتتى ءمۇشايرا جانە «وڭتۇستىك قازاقستان» گازەتىنىڭ 90-جىلدىعى مەن الاشتىڭ ارىستارى تۇرار رىسقۇلوۆ پەن سۇلتانبەك قوجانوۆتىڭ 120-جىلدىعىنا وراي شاعىن فۋتبولدان جۋرناليستەر اراسىندا  رەسپۋبليكالىق تۋرنير وتەتىنىن حابارلادى باسقارما باسشىسى.

ءمۇشايرانىڭ ەرەجەلەرىمەن تانىستىرعان بەرىك ۋالي قاتىسۋشىلار 14-29 جاس ارالىقتى قۇراۋ كەرەكتىگىن ايتتى. بايقاۋ ءۇش تاقىرىپ تۇرعىسىندا جەڭىمپازداردى انىقتايدى:

1) تاۋەلسىزدىك – تىرەگىم.

2) وڭتۇستىگىم – جىر ەلىم.

3) ەركىن تاقىرىپ.

سونىمەن قاتار، سايىسقا قاتىسۋشىلاردىڭ ولەڭدەرىن قابىلداۋ بۇگىننەن باستالىپ، 1-جەلتوقسانعا دەيىن جالعاساتىندىعىن جەتكىزدى. ال قورىتىندىسى 10-جەلتوقسان كۇنى انىقتالىپ، باس جەڭىمپازدىڭ ولەڭدەرى «تاۋەلسىزدىك كۇنى» قارساڭىندا باسىلىپ شىعارىلادى، دەدى باسقارما باسشىسى.  كونكۋرستا 1-ورىن، 2-ورىن، 3-ورىن العان قاتىسۋشىلاردى قوماقتى اقشا جانە باسقا دا بەلسەندى جاس اقىندارىمىزدى ىنتالاندىرۋ سىيلىقتارى كۇتىپ تۇر. اتالعان ءمۇشايرانى «جازۋشىلار وداعىنىڭ» مۇشەلەرى مارحابات بايعۇت، ءحانبيبى ەسەنقاراقىزى، جاناربەك ءاشىمجان جانە قالقامان سارين سىندى ەلىمىزگە تانىمال تۇلعالارىمىز ساراپتايتىن بولادى. 

سونداي-اق، ۇيىمداستىرۋشىلار شاعىن فۋتبولدان جۋرناليستەر اراسىنداعى رەسپۋبليكالىق تۋرنير 27-ءشى قىركۇيەك كۇنى وتەتىندىگىن مالىمدەدى. اتالعان تۋرنيرگە استانا، الماتى، قىزىلوردا جانە تاراز قالالارىنان وتىنىشتەر ءتۇستى دەدى.  بۇدان بولەك، جىل سوڭىنا دەيىن 27 ءىس-شارا وتەدى، دەپ حابارلادى ءباسپاسوز ماسليحاتىندا بەرىك قۇرمانعالي.